Sankat Mochan Hanuman Ashtak
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
बाल समय रवि भक्षि लियो तब तीनहुँ लोक भयो अँधियारो। ताहि सों त्रास भयो जग को यह संकट काहु सों जात न टारो।
Bāla samaya ravi bhakṣi liyo taba tīnahum loka bhayo amdhiyāro. Tāhi soṃ trāsa bhayo jaga ko yaha saṃkaṭa kāhu soṃ jāta na ṭāro
देवन आनि करी बिनती तब छाँड़ि दियो रबि कष्ट निवारो। को नहिं जानत है जग में कपि संकटमोचन नाम तिहारो॥1॥
Devana āni karī binatī taba chāmṛi diyo rabi kaṣṭa nivāro. Ko nahiṃ jānata hai jaga meṃ kapi saṃkaṭamocana nāma tihāro
verse 2
बालि की त्रास कपीस बसै गिरि जात महाप्रभु पंथ निहारो। चौंकि महा मुनि साप दियो तब चाहिय कौन बिचार बिचारो।
Bāli kī trāsa kapīsa basai giri jāta mahāprabhu paṃtha nihāro. Cauṃki mahā muni sāpa diyo taba cāhiya kauna bicāra bicāro
कै द्विज रूप लिवाय महाप्रभु सो तुम दास के सोक निवारो। को नहिं जानत है जग में कपि संकटमोचन नाम तिहारो॥2॥
Kai dvija rūpa livāya mahāprabhu so tuma dāsa ke soka nivāro. Ko nahiṃ jānata hai jaga meṃ kapi saṃkaṭamocana nāma tihāro
verse 3
अंगद के सँग लेन गये सिय खोज कपीस यह बैन उचारो। जीवत ना बचिहौ हम सो जु बिना सुधि लाए इहाँ पगु धारो।
Aṃgada ke saṃga lena gaye siya khoja kapīsa yaha baina ucāro. Jīvata nā bacihau hama so ju binā sudhi lāe ihāṃ pagu dhāro
हेरि थके तट सिंधु सबै तब लाय सिया-सुधि प्रान उबारो। को नहिं जानत है जग में कपि संकटमोचन नाम तिहारो॥3॥
Heri thake taṭa siṃdhu sabai taba lāya siyā-sudhi prāna ubāro. Ko nahiṃ jānata hai jaga meṃ kapi saṃkaṭamocana nāma tihāro
verse 4
रावन त्रास दई सिय को सब राक्षसि सों कहि सोक निवारो। ताहि समय हनुमान महाप्रभु जाय महा रजनीचर मारो।
Rāvana trāsa daī siya ko saba rākṣasi soṃ kahi soka nivāro. Tāhi samaya Hanumāna mahāprabhu jāya mahā rajanīcara māro
चाहत सीय असोक सों आगि सु दै प्रभु मुद्रिका सोक निवारो। को नहिं जानत है जग में कपि संकटमोचन नाम तिहारो॥4॥
Cāhata sīya asoka soṃ āgi su dai prabhu mudrikā soka nivāro. Ko nahiṃ jānata hai jaga meṃ kapi saṃkaṭamocana nāma tihāro
verse 5
बान लग्यो उर लछिमन के तब प्रान तजे सुत रावन मारो। लै गृह बैद्य सुषेन समेत तबै गिरि द्रोन सु बीर उपारो।
Bāna lagyo ura Lachimana ke taba prāna taje suta Rāvana māro. Lai gṛha baidya Suṣena sameta tabai giri Drona su bīra upāro
आनि सजीवन हाथ दई तब लछिमन के तुम प्रान उबारो। को नहिं जानत है जग में कपि संकटमोचन नाम तिहारो॥5॥
Āni sajīvana hātha daī taba Lachimana ke tuma prāna ubāro. Ko nahiṃ jānata hai jaga meṃ kapi saṃkaṭamocana nāma tihāro
verse 6
रावन जुद्ध अजान कियो तब नाग कि फाँस सबै सिर डारो। श्रीरघुनाथ समेत सबै दल मोह भयो यह संकट भारो।
Rāvana judha ajāna kiyo taba nāga ki phāṃsa sabai sira ḍāro. Śrīraghu-nātha sameta sabai dala moha bhayo yaha saṃkaṭa bhāro
आनि खगेस तबै हनुमान जु बंधन काटि सुत्रास निवारो। को नहिं जानत है जग में कपि संकटमोचन नाम तिहारो॥6॥
Āni khagesa tabai Hanumāna ju baṃdhana kāṭi sutrāsa nivāro. Ko nahiṃ jānata hai jaga meṃ kapi saṃkaṭamocana nāma tihāro
verse 7
बंधु समेत जबै अहिरावन लै रघुनाथ पताल सिधारो। देबिहिं पूजि भली बिधि सों बलि देउ सबै मिलि मंत्र बिचारो।
Baṃdhu sameta jabai Ahirāvana lai Raghunātha pātāla sidhāro. Debihi pūji bhalī vidhi soṃ bali deu sabai mili maṃtra bicāro
जाय सहाय भयो तब ही अहिरावन सैन्य समेत सँहारो। को नहिं जानत है जग में कपि संकटमोचन नाम तिहारो॥7॥
Jāya sahāya bhayo taba hī Ahirāvana sainya sameta saṃhāro. Ko nahiṃ jānata hai jaga meṃ kapi saṃkaṭamocana nāma tihāro
verse 8
काज कियो बड़ देवन के तुम बीर महाप्रभु देखि बिचारो। कौन सो संकट मोर गरीब को जो तुमसों नहिं जात है टारो।
Kāja kiyo baṛa devana ke tuma bīra mahāprabhu dekhi bicāro. Kauna so saṃkaṭa mora garība ko jo tumasoṃ nahiṃ jāta hai ṭāro
बेगि हरो हनुमान महाप्रभु जो कुछ संकट होय हमारो। को नहिं जानत है जग में कपि संकटमोचन नाम तिहारो॥8॥
Begi haro Hanumāna mahāprabhu jo kucha saṃkaṭa hoya hamāro. Ko nahiṃ jānata hai jaga meṃ kapi saṃkaṭamocana nāma tihāro
closing doha
लाल देह लाली लसे, अरू धरि लाल लँगूर। बज्र देह दानव दलन, जय जय कपि सूर॥
Lāla deha lālī lase, aru dhari lāla laṃgūra. Bajra deha dānava dalana, jaya jaya kapi sūra
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.