Bajrang Baan

निश्चय प्रेम प्रतीति ते, बिनय करै सनमान। तेहि के कारज सकल शुभ, सिद्ध करै हनुमान॥

Niścaya prema pratīti te, binaya karai sanamāna. Tehi ke kāraja sakala śubha, siddha karai Hanumāna

जय हनुमन्त सन्त हितकारी। सुनि लीजै प्रभु अरज हमारी॥

Jaya Hanumanta santa hitakārī. Suni lījai prabhu araja hamārī

जन के काज विलम्ब न कीजै। आतुर दौरि महा सुख दीजै॥

Jana ke kāja vilamb na kījai. Ātura dauri mahā sukha dījai

जैसे कूदि सिन्धु वहि पारा। सुरसा बदन पैठि बिस्तारा॥

Jaise kūdi sindhu vahi pārā. Surasā badana paiṭhi bistārā

आगे जाय लंकिनी रोका। मारेहु लात गई सुर लोका॥

Āge jāya Laṃkinī rokā. Mārehu lāta gaī sura lokā

जाय विभीषण को सुख दीन्हा। सीता निरखि परम पद लीन्हा॥

Jāya Vibhīṣaṇa ko sukha dīnhā. Sītā nirakhi parama pada līnhā

बाग उजारि सिन्धु महं बोरा। अति आतुर यम कातर तोरा॥

Bāga ujāri sindhu mahaṃ borā. Ati ātura yama kātara torā

अक्षय कुमार मारि संहारा। लूम लपेटि लंक को जारा॥

Akṣaya kumāra māri saṃhārā. Lūma lapeṭi Laṃka ko jārā

लाह समान लंक जरि गई। जय जय धुनि सुर पुर महं भई॥

Lāha samāna Laṃka jari gaī. Jaya jaya dhuni sura pura mahaṃ bhaī

अब विलम्ब केहि कारण स्वामी। कृपा करहुं उर अन्तर्यामी॥

Aba vilamb kehi kāraṇa svāmī. Kṛpā karahuṃ ura antaryāmī

जय जय लक्ष्मण प्राण के दाता। आतुर होइ दुःख करहुं निपाता॥

Jaya jaya Lakṣmaṇa prāṇa ke dātā. Ātura hoi duḥkha karahuṃ nipātā

जय गिरिधर जय जय सुख सागर। सुर समूह समरथ भटनागर॥

Jaya Giridhara jaya jaya sukha sāgara. Sura samūha samaratha bhaṭanāgara

ॐ हनु हनु हनु हनु हनुमन्त हठीले। बैरिहिं मारू बज्र की कीले॥

Oṃ hanu hanu hanu hanu Hanumanta haṭhīle. Bairihin mārū bajra kī kīle

गदा बज्र लै बैरिहिं मारो। महाराज प्रभु दास उबारो॥

Gadā bajra lai bairihin māro. Mahārāja prabhu dāsa ubāro

ॐकार हुंकार महाप्रभु धावो। बज्र गदा हनु विलम्ब न लावो॥

Oṃkāra huṃkāra mahāprabhu dhāvo. Bajra gadā hanu vilamb na lāvo

ॐ ह्रीं ह्रीं ह्रीं हनुमन्त कपीसा। ॐ हुं हुं हुं हनु अरि उर शीशा॥

Oṃ hrīṃ hrīṃ hrīṃ Hanumanta kapīsā. Oṃ huṃ huṃ huṃ hanu ari ura śīśā

सत्य होउ हरि शपथ पायके। रामदूत धरु मारु धाय के॥

Satya hou Hari śapatha pāyake. Rāma-dūta dharu māru dhāya ke

जय जय जय हनुमन्त अगाधा। दुःख पावत जन केहि अपराधा॥

Jaya jaya jaya Hanumanta agādhā. Duḥkha pāvata jana kehi aparādhā

पूजा जप तप नेम अचारा। नहिं जानत कछु दास तुम्हारा॥

Pūjā japa tapa nema acārā. Nahiṃ jānata kachu dāsa tumhārā

वन उपवन मग गिरि गृह माहीं। तुमरे बल हम डरपत नाहीं॥

Vana upavana maga giri gṛha māhīṃ. Tumare bala hama ḍarapata nāhīṃ

पाय परौं कर जोरि मनावों। यह अवसर अब केहि गोहरावों॥

Pāya parauṃ kara jori manāvoṃ. Yaha avasara aba kehi goharāvoṃ

जय अंजनि कुमार बलवन्ता। शंकर सुवन धीर हनुमन्ता॥

Jaya Añjani kumāra balavantā. Śaṃkara suvana dhīra Hanumantā

बदन कराल काल कुल घालक। राम सहाय सदा प्रतिपालक॥

Badana karāla kāla kula ghālaka. Rāma sahāya sadā pratipālaka

भूत प्रेत पिशाच निशाचर। अग्नि बैताल काल मारीमर॥

Bhūta preta piśāca niśācara. Agni baitāla kāla mārīmara

इन्हें मारु तोहि शपथ राम की। राखु नाथ मरजाद नाम की॥

Inheṃ māru tohi śapatha Rāma kī. Rākhu nātha marajāda nāma kī

जनकसुता हरि दास कहावो। ताकी शपथ विलम्ब न लावो॥

Janaka-sutā Hari dāsa kahāvo. Tākī śapatha vilamb na lāvo

जय जय जय धुनि होत अकाशा। सुमिरत होत दुसह दुःख नाशा॥

Jaya jaya jaya dhuni hota akāśā. Sumirata hota dusaha duḥkha nāśā

चरण शरण करि जोरि मनावों। यहि अवसर अब केहि गोहरावों॥

Caraṇa śaraṇa kari jori manāvoṃ. Yahi avasara aba kehi goharāvoṃ

उठु उठु चलु तोहिं राम दुहाई। पांय परौं कर जोरि मनाई॥

Uṭhu uṭhu calu tohiṃ Rāma duhāī. Pāṃya parauṃ kara jori manāī

ॐ चं चं चं चं चपल चलन्ता। ॐ हनु हनु हनु हनु हनुमन्ता॥

Oṃ caṃ caṃ caṃ caṃ capala calantā. Oṃ hanu hanu hanu hanu Hanumantā

ॐ हं हं हांक देत कपि चञ्चल। ॐ सं सं सहम पराने खल दल॥

Oṃ haṃ haṃ hāṃka deta kapi cañcala. Oṃ saṃ saṃ sahama parāne khala dala

अपने जन को तुरत उबारो। सुमिरत होय आनन्द हमारो॥

Apane jana ko turata ubāro. Sumirata hoya ānanda hamāro

यहि बजरंग बाण जेहि मारो। ताहि कहो फिर कौन उबारो॥

Yahi bajaraṃga bāṇa jehi māro. Tāhi kaho phira kauna ubāro

पाठ करै बजरंग बाण की। हनुमत रक्षा करै प्राण की॥

Pāṭha karai bajaraṃga bāṇa kī. Hanumata rakṣā karai prāṇa kī

यह बजरंग बाण जो जापै। तेहि ते भूत प्रेत सब कांपे॥

Yaha bajaraṃga bāṇa jo jāpai. Tehi te bhūta preta saba kāṃpe

धूप देय अरु जपै हमेशा। ताके तन नहिं रहे कलेशा॥

Dhūpa deya aru japai hameśā. Tāke tana nahiṃ rahe kaleśā

प्रेम प्रतीतिहिं कपि भजै, सदा धरै उर ध्यान। तेहि के कारज सकल शुभ, सिद्ध करै हनुमान॥

Prema pratītihin kapi bhajai, sadā dharai ura dhyāna. Tehi ke kāraja sakala śubha, siddha karai Hanumāna