Hanuman Bahuk

सिंधु तरन सिय-सोच हरन रबि बाल बरन तनु

Siṃdhu tarana siya-soca harana rabi bāla barana tanu

भुज बिसाल मूरति कराल कालहु को काल जनु

Bhuja bisāla mūrati karāla kālahu ko kāla janu

गहन-दहन-निरदहन लंक निःसंक बंक-भुव

Gahana-dahana-niradahana laṃka niḥsaṃka baṃka-bhuva

जातुधान-बलवान मान-मद-दवन पवनसुव

Jātudhāna-balavāna māna-mada-davana pavanasuva

कह तुलसिदास सेवत सुलभ सेवक हित सन्तत निकट

Kaha tulasidāsa sevata sulabha sevaka hita santata nikaṭa

गुन गनत नमत सुमिरत जपत समन सकल-संकट-विकट

Guna ganata namata sumirata japata samana sakala-saṃkaṭa-vikaṭa

स्वर्न-सैल-संकास कोटि-रवि तरुन तेज घन

Svarna-saila-saṃkāsa koṭi-ravi taruna teja ghana

उर विसाल भुज दण्ड चण्ड नख-वज्रतन

Ura visāla bhuja daṇḍa caṇḍa nakha-vajratana

पिंग नयन भृकुटी कराल रसना दसनानन

Piṃga nayana bhṛkuṭī karāla rasanā dasanānana

कपिस केस करकस लंगूर खल-दल-बल-भानन

Kapisa kesa karakasa laṃgūra khala-dala-bala-bhānana

कह तुलसिदास बस जासु उर मारुतसुत मूरति विकट

Kaha tulasidāsa basa jāsu ura mārutasuta mūrati vikaṭa

संताप पाप तेहि पुरुष पहि सपनेहुँ नहिं आवत निकट

Saṃtāpa pāpa tehi puruṣa pahi sapanehu~ nahiṃ āvata nikaṭa

पञ्चमुख-छःमुख भृगु मुख्य भट असुर सुर सर्व सरि समर समरत्थ सूरो

Pañcamukha-chaḥmukha bhṛgu mukhya bhaṭa asura sura sarva sari samara samarattha sūro

बांकुरो बीर बिरुदैत बिरुदावली बेद बंदी बदत पैजपूरो

Bāṃkuro bīra birudaita birudāvalī beda baṃdī badata paijapūro

जासु गुनगाथ रघुनाथ कह जासुबल बिपुल जल भरित जग जलधि झूरो

Jāsu gunagātha raghunātha kaha jāsubala bipula jala bharita jaga jaladhi jhūro

दुवन दल दमन को कौन तुलसीस है पवन को पूत रजपूत रुरो

Duvana dala damana ko kauna tulasīsa hai pavana ko pūta rajapūta ruro

भानुसों पढ़न हनुमान गए भानुमन अनुमानि सिसु केलि कियो फेर फारसो

Bhānusoṃ par̤hana hanumāna gae bhānumana anumāni sisu keli kiyo phera phāraso

पाछिले पगनि गम गगन मगन मन क्रम को न भ्रम कपि बालक बिहार सो

Pāchile pagani gama gagana magana mana krama ko na bhrama kapi bālaka bihāra so

कौतुक बिलोकि लोकपाल हरिहर विधि लोचननि चकाचौंधी चित्तनि खबार सो

Kautuka biloki lokapāla harihara vidhi locanani cakācauṃdhī cittani khabāra so

बल कैंधो बीर रस धीरज कै साहस कै तुलसी सरीर धरे सबनि सार सो

Bala kaiṃdho bīra rasa dhīraja kai sāhasa kai tulasī sarīra dhare sabani sāra so

भारत में पारथ के रथ केथू कपिराज गाज्यो सुनि कुरुराज दल हल बल भो

Bhārata meṃ pāratha ke ratha kethū kapirāja gājyo suni kururāja dala hala bala bho

कह्यो द्रोन भीषम समीर सुत महाबीर बीर-रस-बारि-निधि जाको बल जल भो

Kahyo drona bhīṣama samīra suta mahābīra bīra-rasa-bāri-nidhi jāko bala jala bho

बानर सुभाय बाल केलि भूमि भानु लागि फलँग फलाँग हूतें घाटि नभ तल भो

Bānara subhāya bāla keli bhūmi bhānu lāgi phala~ga phalā~ga hūteṃ ghāṭi nabha tala bho

नाई-नाई-माथ जोरि-जोरि हाथ जोधा जो हैं हनुमान देखे जगजीवन को फल भो

Nāī-nāī-mātha jori-jori hātha jodhā jo haiṃ hanumāna dekhe jagajīvana ko phala bho

गो-पद पयोधि करि होलिका ज्यों लाई लंक निपट निःसंक पर पुर गल बल भो

Go-pada payodhi kari holikā jyoṃ lāī laṃka nipaṭa niḥsaṃka para pura gala bala bho

द्रोन सो पहार लियो ख्याल ही उखारि कर कंदुक ज्यों कपि खेल बेल कैसो फल भो

Drona so pahāra liyo khyāla hī ukhāri kara kaṃduka jyoṃ kapi khela bela kaiso phala bho

संकट समाज असमंजस भो राम राज काज जुग पूगनि को करतल पल भो

Saṃkaṭa samāja asamaṃjasa bho rāma rāja kāja juga pūgani ko karatala pala bho

साहसी समत्थ तुलसी को नाई जा की बाँह लोक पाल पालन को फिर थिर थल भो

Sāhasī samattha tulasī ko nāī jā kī bā~ha loka pāla pālana ko phira thira thala bho

कमठ की पीठि जाके गोडनि की गाड़ऐं मानो नाप के भाजन भरि जल निधि जल भो

Kamaṭha kī pīṭhi jāke goḍani kī gār̤aaiṃ māno nāpa ke bhājana bhari jala nidhi jala bho

जातुधान दावन परावन को दुर्ग भयो महा मीन बास तिमि तोमनि को थल भो

Jātudhāna dāvana parāvana ko durga bhayo mahā mīna bāsa timi tomani ko thala bho

कुम्भकरन रावन पयोद नाद ईधन को तुलसी प्रताप जाको प्रबल अनल भो

Kumbhakarana rāvana payoda nāda īdhana ko tulasī pratāpa jāko prabala anala bho

भीषम कहत मेरे अनुमान हनुमान सारिखो त्रिकाल न त्रिलोक महाबल भो

Bhīṣama kahata mere anumāna hanumāna sārikho trikāla na triloka mahābala bho

दूत राम राय को सपूत पूत पौनको तू अंजनी को नन्दन प्रताप भूरि भानु सो

Dūta rāma rāya ko sapūta pūta paunako tū aṃjanī ko nandana pratāpa bhūri bhānu so

सीय-सोच-समन दुरित दोष दमन सरन आये अवन लखन प्रिय प्राण सो

Sīya-soca-samana durita doṣa damana sarana āye avana lakhana priya prāṇa so

दसमुख दुसह दरिद्र दरिबे को भयो प्रकट तिलोक ओक तुलसी निधान सो

Dasamukha dusaha daridra daribe ko bhayo prakaṭa tiloka oka tulasī nidhāna so

ज्ञान गुनवान बलवान सेवा सावधान साहेब सुजान उर आनु हनुमान सो

Jñāna gunavāna balavāna sevā sāvadhāna sāheba sujāna ura ānu hanumāna so

दवन दुवन दल भुवन बिदित बल बेद जस गावत बिबुध बंदी छोर को

Davana duvana dala bhuvana bidita bala beda jasa gāvata bibudha baṃdī chora ko

पाप ताप तिमिर तुहिन निघटन पटु सेवक सरोरुह सुखद भानु भोर को

Pāpa tāpa timira tuhina nighaṭana paṭu sevaka saroruha sukhada bhānu bhora ko

लोक परलोक तें बिसोक सपने न सोक तुलसी के हिये है भरोसो एक ओर को

Loka paraloka teṃ bisoka sapane na soka tulasī ke hiye hai bharoso eka ora ko

राम को दुलारो दास बामदेव को निवास नाम कलि कामतरु केसरी किसोर को

Rāma ko dulāro dāsa bāmadeva ko nivāsa nāma kali kāmataru kesarī kisora ko

महाबल सीम महा भीम महाबान इत महाबीर बिदित बरायो रघुबीर को

Mahābala sīma mahā bhīma mahābāna ita mahābīra bidita barāyo raghubīra ko

कुलिस कठोर तनु जोर परै रोर रन करुना कलित मन धारमिक धीर को

Kulisa kaṭhora tanu jora parai rora rana karunā kalita mana dhāramika dhīra ko

दुर्जन को कालसो कराल पाल सज्जन को सुमिरे हरन हार तुलसी की पीर को

Durjana ko kālaso karāla pāla sajjana ko sumire harana hāra tulasī kī pīra ko

सीय-सुख-दायक दुलारो रघुनायक को सेवक सहायक है साहसी समीर को

Sīya-sukha-dāyaka dulāro raghunāyaka ko sevaka sahāyaka hai sāhasī samīra ko

रचिबे को बिधि जैसे पालिबे को हरि हर मीच मारिबे को ज्याईबे को सुधापान भो

Racibe ko bidhi jaise pālibe ko hari hara mīca māribe ko jyāībe ko sudhāpāna bho

धरिबे को धरनि तरनि तम दलिबे को सोखिबे कृसानु पोषिबे को हिम भानु भो

Dharibe ko dharani tarani tama dalibe ko sokhibe kṛsānu poṣibe ko hima bhānu bho

खल दुःख दोषिबे को जन परितोषिबे को माँगिबो मलीनता को मोदक दुदान भो

Khala duḥkha doṣibe ko jana paritoṣibe ko mā~gibo malīnatā ko modaka dudāna bho

आरत की आरति निवारिबे को तिहुँ पुर तुलसी को साहेब हठीलो हनुमान भो

Ārata kī ārati nivāribe ko tihu~ pura tulasī ko sāheba haṭhīlo hanumāna bho

सेवक स्योकाई जानि जानकीस मानै कानि सानुकूल सूलपानि नवै नाथ नाँक को

Sevaka syokāī jāni jānakīsa mānai kāni sānukūla sūlapāni navai nātha nā~ka ko

देवी देव दानव दयावने ह्वै जोरैं हाथ बापुरे बराक कहा और राजा राँक को

Devī deva dānava dayāvane hvai joraiṃ hātha bāpure barāka kahā aura rājā rā~ka ko

जागत सोवत बैठे बागत बिनोद मोद ताके जो अनर्थ सो समर्थ एक आँक को

Jāgata sovata baiṭhe bāgata binoda moda tāke jo anartha so samartha eka ā~ka ko

सब दिन रुरो परै पूरो जहाँ तहाँ ताहि जाके है भरोसो हिये हनुमान हाँक को

Saba dina ruro parai pūro jahā~ tahā~ tāhi jāke hai bharoso hiye hanumāna hā~ka ko

सानुग सगौरि सानुकूल सूलपानि ताहि लोकपाल सकल लखन राम जानकी

Sānuga sagauri sānukūla sūlapāni tāhi lokapāla sakala lakhana rāma jānakī

लोक परलोक को बिसोक सो तिलोक ताहि तुलसी तमाइ कहा काहू बीर आनकी

Loka paraloka ko bisoka so tiloka tāhi tulasī tamāi kahā kāhū bīra ānakī

केसरी किसोर बन्दीछोर के नेवाजे सब कीरति बिमल कपि करुनानिधान की

Kesarī kisora bandīchora ke nevāje saba kīrati bimala kapi karunānidhāna kī

बालक ज्यों पालि हैं कृपालु मुनि सिद्धता को जाके हिये हुलसति हाँक हनुमान की

Bālaka jyoṃ pāli haiṃ kṛpālu muni siddhatā ko jāke hiye hulasati hā~ka hanumāna kī

करुनानिधान बलबुद्धि के निधान हौ महिमा निधान गुनज्ञान के निधान हौ

Karunānidhāna balabuddhi ke nidhāna hau mahimā nidhāna gunajñāna ke nidhāna hau

बाम देव रुप भूप राम के सनेही नाम लेत देत अर्थ धर्म काम निरबान हौ

Bāma deva rupa bhūpa rāma ke sanehī nāma leta deta artha dharma kāma nirabāna hau

आपने प्रभाव सीताराम के सुभाव सील लोक बेद बिधि के बिदूष हनुमान हौ

Āpane prabhāva sītārāma ke subhāva sīla loka beda bidhi ke bidūṣa hanumāna hau

मन की बचन की करम की तिहूँ प्रकार तुलसी तिहारो तुम साहेब सुजान हौ

Mana kī bacana kī karama kī tihū~ prakāra tulasī tihāro tuma sāheba sujāna hau

मन को अगम तन सुगम किये कपीस काज महाराज के समाज साज साजे हैं

Mana ko agama tana sugama kiye kapīsa kāja mahārāja ke samāja sāja sāje haiṃ

देवबंदी छोर रनरोर केसरी किसोर जुग जुग जग तेरे बिरद बिराजे हैं

Devabaṃdī chora ranarora kesarī kisora juga juga jaga tere birada birāje haiṃ

बीर बरजोर घटि जोर तुलसी की ओर सुनि सकुचाने साधु खल गन गाजे हैं

Bīra barajora ghaṭi jora tulasī kī ora suni sakucāne sādhu khala gana gāje haiṃ

बिगरी सँवार अंजनी कुमार कीजे मोहिं जैसे होत आये हनुमान के निवाजे हैं

Bigarī sa~vāra aṃjanī kumāra kīje mohiṃ jaise hota āye hanumāna ke nivāje haiṃ

जान सिरोमनि हो हनुमान सदा जन के मन बास तिहारो

Jāna siromani ho hanumāna sadā jana ke mana bāsa tihāro

ढ़आरो बिगारो मैं काको कहा केहि कारन खीझत हौं तो तिहारो

R̤haāro bigāro maiṃ kāko kahā kehi kārana khījhata hauṃ to tihāro

साहेब सेवक नाते तो हातो कियो सो तहां तुलसी को न चारो

Sāheba sevaka nāte to hāto kiyo so tahāṃ tulasī ko na cāro

दोष सुनाये तैं आगेहुँ को होशियार ह्वैं हों मन तो हिय हारो

Doṣa sunāye taiṃ āgehu~ ko hośiyāra hvaiṃ hoṃ mana to hiya hāro

तेरे थपै उथपै न महेस थपै थिर को कपि जे उर घाले

Tere thapai uthapai na mahesa thapai thira ko kapi je ura ghāle

तेरे निबाजे गरीब निबाज बिराजत बैरिन के उर साले

Tere nibāje garība nibāja birājata bairina ke ura sāle

संकट सोच सबै तुलसी लिये नाम फटै मकरी के से जाले

Saṃkaṭa soca sabai tulasī liye nāma phaṭai makarī ke se jāle

बूढ भये बलि मेरिहिं बार कि हारि परे बहुतै नत पाले

Būḍha bhaye bali merihiṃ bāra ki hāri pare bahutai nata pāle

सिंधु तरे बड़ए बीर दले खल जारे हैं लंक से बंक मवासे

Siṃdhu tare bar̤ae bīra dale khala jāre haiṃ laṃka se baṃka mavāse

तैं रनि केहरि केहरि के बिदले अरि कुंजर छैल छवासे

Taiṃ rani kehari kehari ke bidale ari kuṃjara chaila chavāse

तोसो समत्थ सुसाहेब सेई सहै तुलसी दुख दोष दवा से

Toso samattha susāheba seī sahai tulasī dukha doṣa davā se

बानरबाज ! बढ़ए खल खेचर लीजत क्यों न लपेटि लवासे

Bānarabāja ! bar̤hae khala khecara lījata kyoṃ na lapeṭi lavāse

अच्छ विमर्दन कानन भानि दसानन आनन भा न निहारो

Accha vimardana kānana bhāni dasānana ānana bhā na nihāro

बारिदनाद अकंपन कुंभकरन से कुञ्जर केहरि वारो

Bāridanāda akaṃpana kuṃbhakarana se kuñjara kehari vāro

राम प्रताप हुतासन कच्छ विपच्छ समीर समीर दुलारो

Rāma pratāpa hutāsana kaccha vipaccha samīra samīra dulāro

पाप ते साप ते ताप तिहूँ तें सदा तुलसी कह सो रखवारो

Pāpa te sāpa te tāpa tihū~ teṃ sadā tulasī kaha so rakhavāro

जानत जहान हनुमान को निवाज्यो जन मन अनुमानि बलि बोल न बिसारिये

Jānata jahāna hanumāna ko nivājyo jana mana anumāni bali bola na bisāriye

सेवा जोग तुलसी कबहुँ कहा चूक परी साहेब सुभाव कपि साहिबी संभारिये

Sevā joga tulasī kabahu~ kahā cūka parī sāheba subhāva kapi sāhibī saṃbhāriye

अपराधी जानि कीजै सासति सहस भान्ति मोदक मरै जो ताहि माहुर न मारिये

Aparādhī jāni kījai sāsati sahasa bhānti modaka marai jo tāhi māhura na māriye

साहसी समीर के दुलारे रघुबीर जू के बाँह पीर महाबीर बेगि ही निवारिये

Sāhasī samīra ke dulāre raghubīra jū ke bā~ha pīra mahābīra begi hī nivāriye

बालक बिलोकि बलि बारें तें आपनो कियो दीनबन्धु दया कीन्हीं निरुपाधि न्यारिये

Bālaka biloki bali bāreṃ teṃ āpano kiyo dīnabandhu dayā kīnhīṃ nirupādhi nyāriye

रावरो भरोसो तुलसी के रावरोई बल आस रावरीयै दास रावरो विचारिये

Rāvaro bharoso tulasī ke rāvaroī bala āsa rāvarīyai dāsa rāvaro vicāriye

बड़ओ बिकराल कलि काको न बिहाल कियो माथे पगु बलि को निहारि सो निबारिये

Bar̤ao bikarāla kali kāko na bihāla kiyo māthe pagu bali ko nihāri so nibāriye

केसरी किसोर रनरोर बरजोर बीर बाँह पीर राहु मातु ज्यौं पछारि मारिये

Kesarī kisora ranarora barajora bīra bā~ha pīra rāhu mātu jyauṃ pachāri māriye

उथपे थपनथिर थपे उथपनहार केसरी कुमार बल आपनो संबारिये

Uthape thapanathira thape uthapanahāra kesarī kumāra bala āpano saṃbāriye

राम के गुलामनि को काम तरु रामदूत मोसे दीन दूबरे को तकिया तिहारिये

Rāma ke gulāmani ko kāma taru rāmadūta mose dīna dūbare ko takiyā tihāriye

साहेब समर्थ तो सों तुलसी के माथे पर सोऊ अपराध बिनु बीर बाँधि मारिये

Sāheba samartha to soṃ tulasī ke māthe para soū aparādha binu bīra bā~dhi māriye

पोखरी बिसाल बाँहु बलि बारिचर पीर मकरी ज्यों पकरि के बदन बिदारिये

Pokharī bisāla bā~hu bali bāricara pīra makarī jyoṃ pakari ke badana bidāriye

राम को सनेह राम साहस लखन सिय राम की भगति सोच संकट निवारिये

Rāma ko saneha rāma sāhasa lakhana siya rāma kī bhagati soca saṃkaṭa nivāriye

मुद मरकट रोग बारिनिधि हेरि हारे जीव जामवंत को भरोसो तेरो भारिये

Muda marakaṭa roga bārinidhi heri hāre jīva jāmavaṃta ko bharoso tero bhāriye

कूदिये कृपाल तुलसी सुप्रेम पब्बयतें सुथल सुबेल भालू बैठि कै विचारिये

Kūdiye kṛpāla tulasī suprema pabbayateṃ suthala subela bhālū baiṭhi kai vicāriye

महाबीर बाँकुरे बराकी बाँह पीर क्यों न लंकिनी ज्यों लात घात ही मरोरि मारिये

Mahābīra bā~kure barākī bā~ha pīra kyoṃ na laṃkinī jyoṃ lāta ghāta hī marori māriye

लोक परलोकहुँ तिलोक न विलोकियत तोसे समरथ चष चारिहूँ निहारिये

Loka paralokahu~ tiloka na vilokiyata tose samaratha caṣa cārihū~ nihāriye

कर्म काल लोकपाल अग जग जीवजाल नाथ हाथ सब निज महिमा बिचारिये

Karma kāla lokapāla aga jaga jīvajāla nātha hātha saba nija mahimā bicāriye

खास दास रावरो निवास तेरो तासु उर तुलसी सो देव दुखी देखिअत भारिये

Khāsa dāsa rāvaro nivāsa tero tāsu ura tulasī so deva dukhī dekhiata bhāriye

बात तरुमूल बाँहूसूल कपिकच्छु बेलि उपजी सकेलि कपि केलि ही उखारिये

Bāta tarumūla bā~hūsūla kapikacchu beli upajī sakeli kapi keli hī ukhāriye

करम कराल कंस भूमिपाल के भरोसे बकी बक भगिनी काहू तें कहा डरैगी

Karama karāla kaṃsa bhūmipāla ke bharose bakī baka bhaginī kāhū teṃ kahā ḍaraigī

बड़ई बिकराल बाल घातिनी न जात कहि बाँहू बल बालक छबीले छोटे छरैगी

Bar̤aī bikarāla bāla ghātinī na jāta kahi bā~hū bala bālaka chabīle choṭe charaigī

आई है बनाई बेष आप ही बिचारि देख पाप जाय सब को गुनी के पाले परैगी

Āī hai banāī beṣa āpa hī bicāri dekha pāpa jāya saba ko gunī ke pāle paraigī

पूतना पिसाचिनी ज्यौं कपि कान्ह तुलसी की बाँह पीर महाबीर तेरे मारे मरैगी

Pūtanā pisācinī jyauṃ kapi kānha tulasī kī bā~ha pīra mahābīra tere māre maraigī

भाल की कि काल की कि रोष की त्रिदोष की है बेदन बिषम पाप ताप छल छाँह की

Bhāla kī ki kāla kī ki roṣa kī tridoṣa kī hai bedana biṣama pāpa tāpa chala chā~ha kī

करमन कूट की कि जन्त्र मन्त्र बूट की पराहि जाहि पापिनी मलीन मन माँह की

Karamana kūṭa kī ki jantra mantra būṭa kī parāhi jāhi pāpinī malīna mana mā~ha kī

पैहहि सजाय नत कहत बजाय तोहि बाबरी न होहि बानि जानि कपि नाँह की

Paihahi sajāya nata kahata bajāya tohi bābarī na hohi bāni jāni kapi nā~ha kī

आन हनुमान की दुहाई बलवान की सपथ महाबीर की जो रहै पीर बाँह की

Āna hanumāna kī duhāī balavāna kī sapatha mahābīra kī jo rahai pīra bā~ha kī

सिंहिका सँहारि बल सुरसा सुधारि छल लंकिनी पछारि मारि बाटिका उजारी है

Siṃhikā sa~hāri bala surasā sudhāri chala laṃkinī pachāri māri bāṭikā ujārī hai

लंक परजारि मकरी बिदारि बार बार जातुधान धारि धूरि धानी करि डारी है

Laṃka parajāri makarī bidāri bāra bāra jātudhāna dhāri dhūri dhānī kari ḍārī hai

तोरि जमकातरि मंदोदरी कठोरि आनी रावन की रानी मेघनाद महतारी है

Tori jamakātari maṃdodarī kaṭhori ānī rāvana kī rānī meghanāda mahatārī hai

भीर बाँह पीर की निपट राखी महाबीर कौन के सकोच तुलसी के सोच भारी है

Bhīra bā~ha pīra kī nipaṭa rākhī mahābīra kauna ke sakoca tulasī ke soca bhārī hai

तेरो बालि केलि बीर सुनि सहमत धीर भूलत सरीर सुधि सक्र रवि राहु की

Tero bāli keli bīra suni sahamata dhīra bhūlata sarīra sudhi sakra ravi rāhu kī

तेरी बाँह बसत बिसोक लोक पाल सब तेरो नाम लेत रहैं आरति न काहु की

Terī bā~ha basata bisoka loka pāla saba tero nāma leta rahaiṃ ārati na kāhu kī

साम दाम भेद विधि बेदहू लबेद सिधि हाथ कपिनाथ ही के चोटी चोर साहु की

Sāma dāma bheda vidhi bedahū labeda sidhi hātha kapinātha hī ke coṭī cora sāhu kī

आलस अनख परिहास कै सिखावन है एते दिन रही पीर तुलसी के बाहु की

Ālasa anakha parihāsa kai sikhāvana hai ete dina rahī pīra tulasī ke bāhu kī

टूकनि को घर घर डोलत कँगाल बोलि बाल ज्यों कृपाल नत पाल पालि पोसो है

Ṭūkani ko ghara ghara ḍolata ka~gāla boli bāla jyoṃ kṛpāla nata pāla pāli poso hai

कीन्ही है सँभार सार अँजनी कुमार बीर आपनो बिसारि हैं न मेरेहू भरोसो है

Kīnhī hai sa~bhāra sāra a~janī kumāra bīra āpano bisāri haiṃ na merehū bharoso hai

इतनो परेखो सब भान्ति समरथ आजु कपिराज सांची कहौं को तिलोक तोसो है

Itano parekho saba bhānti samaratha āju kapirāja sāṃcī kahauṃ ko tiloka toso hai

सासति सहत दास कीजे पेखि परिहास चीरी को मरन खेल बालकनि कोसो है

Sāsati sahata dāsa kīje pekhi parihāsa cīrī ko marana khela bālakani koso hai

आपने ही पाप तें त्रिपात तें कि साप तें बढ़ई है बाँह बेदन कही न सहि जाति है

Āpane hī pāpa teṃ tripāta teṃ ki sāpa teṃ bar̤haī hai bā~ha bedana kahī na sahi jāti hai

औषध अनेक जन्त्र मन्त्र टोटकादि किये बादि भये देवता मनाये अधीकाति है

Auṣadha aneka jantra mantra ṭoṭakādi kiye bādi bhaye devatā manāye adhīkāti hai

करतार भरतार हरतार कर्म काल को है जगजाल जो न मानत इताति है

Karatāra bharatāra haratāra karma kāla ko hai jagajāla jo na mānata itāti hai

चेरो तेरो तुलसी तू मेरो कह्यो राम दूत ढील तेरी बीर मोहि पीर तें पिराति है

Cero tero tulasī tū mero kahyo rāma dūta ḍhīla terī bīra mohi pīra teṃ pirāti hai

दूत राम राय को सपूत पूत वाय को समत्व हाथ पाय को सहाय असहाय को

Dūta rāma rāya ko sapūta pūta vāya ko samatva hātha pāya ko sahāya asahāya ko

बाँकी बिरदावली बिदित बेद गाइयत रावन सो भट भयो मुठिका के धाय को

Bā~kī biradāvalī bidita beda gāiyata rāvana so bhaṭa bhayo muṭhikā ke dhāya ko

एते बडे साहेब समर्थ को निवाजो आज सीदत सुसेवक बचन मन काय को

Ete baḍe sāheba samartha ko nivājo āja sīdata susevaka bacana mana kāya ko

थोरी बाँह पीर की बड़ई गलानि तुलसी को कौन पाप कोप लोप प्रकट प्रभाय को

Thorī bā~ha pīra kī bar̤aī galāni tulasī ko kauna pāpa kopa lopa prakaṭa prabhāya ko

देवी देव दनुज मनुज मुनि सिद्ध नाग छोटे बड़ए जीव जेते चेतन अचेत हैं

Devī deva danuja manuja muni siddha nāga choṭe bar̤ae jīva jete cetana aceta haiṃ

पूतना पिसाची जातुधानी जातुधान बाग राम दूत की रजाई माथे मानि लेत हैं

Pūtanā pisācī jātudhānī jātudhāna bāga rāma dūta kī rajāī māthe māni leta haiṃ

घोर जन्त्र मन्त्र कूट कपट कुरोग जोग हनुमान आन सुनि छाड़त निकेत हैं

Ghora jantra mantra kūṭa kapaṭa kuroga joga hanumāna āna suni chār̤ata niketa haiṃ

क्रोध कीजे कर्म को प्रबोध कीजे तुलसी को सोध कीजे तिनको जो दोष दुख देत हैं

Krodha kīje karma ko prabodha kīje tulasī ko sodha kīje tinako jo doṣa dukha deta haiṃ

तेरे बल बानर जिताये रन रावन सों तेरे घाले जातुधान भये घर घर के

Tere bala bānara jitāye rana rāvana soṃ tere ghāle jātudhāna bhaye ghara ghara ke

तेरे बल राम राज किये सब सुर काज सकल समाज साज साजे रघुबर के

Tere bala rāma rāja kiye saba sura kāja sakala samāja sāja sāje raghubara ke

तेरो गुनगान सुनि गीरबान पुलकत सजल बिलोचन बिरंचि हरिहर के

Tero gunagāna suni gīrabāna pulakata sajala bilocana biraṃci harihara ke

तुलसी के माथे पर हाथ फेरो कीस नाथ देखिये न दास दुखी तोसो कनिगर के

Tulasī ke māthe para hātha phero kīsa nātha dekhiye na dāsa dukhī toso kanigara ke

पालो तेरे टूक को परेहू चूक मूकिये न कूर कौड़ई दूको हौं आपनी ओर हेरिये

Pālo tere ṭūka ko parehū cūka mūkiye na kūra kaur̤aī dūko hauṃ āpanī ora heriye

भोरानाथ भोरे ही सरोष होत थोरे दोष पोषि तोषि थापि आपनो न अव डेरिये

Bhorānātha bhore hī saroṣa hota thore doṣa poṣi toṣi thāpi āpano na ava ḍeriye

अँबु तू हौं अँबु चूर अँबु तू हौं डिंभ सो न बूझिये बिलंब अवलंब मेरे तेरिये

A~bu tū hauṃ a~bu cūra a~bu tū hauṃ ḍiṃbha so na būjhiye bilaṃba avalaṃba mere teriye

बालक बिकल जानि पाहि प्रेम पहिचानि तुलसी की बाँह पर लामी लूम फेरिये

Bālaka bikala jāni pāhi prema pahicāni tulasī kī bā~ha para lāmī lūma pheriye

घेरि लियो रोगनि कुजोगनि कुलोगनि ज्यौं बासर जलद घन घटा धुकि धाई है

Gheri liyo rogani kujogani kulogani jyauṃ bāsara jalada ghana ghaṭā dhuki dhāī hai

बरसत बारि पीर जारिये जवासे जस रोष बिनु दोष धूम मूल मलिनाई है

Barasata bāri pīra jāriye javāse jasa roṣa binu doṣa dhūma mūla malināī hai

करुनानिधान हनुमान महा बलवान हेरि हँसि हाँकि फूंकि फौंजै ते उड़आई है

Karunānidhāna hanumāna mahā balavāna heri ha~si hā~ki phūṃki phauṃjai te ur̤aāī hai

खाये हुतो तुलसी कुरोग राढ़ राकसनि केसरी किसोर राखे बीर बरिआई है

Khāye huto tulasī kuroga rār̤ha rākasani kesarī kisora rākhe bīra bariāī hai

राम गुलाम तु ही हनुमान गोसाँई सुसाँई सदा अनुकूलो

Rāma gulāma tu hī hanumāna gosā~ī susā~ī sadā anukūlo

पाल्यो हौं बाल ज्यों आखर दू पितु मातु सों मंगल मोद समूलो

Pālyo hauṃ bāla jyoṃ ākhara dū pitu mātu soṃ maṃgala moda samūlo

बाँह की बेदन बाँह पगार पुकारत आरत आनँद भूलो

Bā~ha kī bedana bā~ha pagāra pukārata ārata āna~da bhūlo

श्री रघुबीर निवारिये पीर रहौं दरबार परो लटि लूलो

Śrī raghubīra nivāriye pīra rahauṃ darabāra paro laṭi lūlo

काल की करालता करम कठिनाई कीधौ पाप के प्रभाव की सुभाय बाय बावरे

Kāla kī karālatā karama kaṭhināī kīdhau pāpa ke prabhāva kī subhāya bāya bāvare

बेदन कुभाँति सो सही न जाति राति दिन सोई बाँह गही जो गही समीर डाबरे

Bedana kubhā~ti so sahī na jāti rāti dina soī bā~ha gahī jo gahī samīra ḍābare

लायो तरु तुलसी तिहारो सो निहारि बारि सींचिये मलीन भो तयो है तिहुँ तावरे

Lāyo taru tulasī tihāro so nihāri bāri sīṃciye malīna bho tayo hai tihu~ tāvare

भूतनि की आपनी पराये की कृपा निधान जानियत सबही की रीति राम रावरे

Bhūtani kī āpanī parāye kī kṛpā nidhāna jāniyata sabahī kī rīti rāma rāvare

पाँय पीर पेट पीर बाँह पीर मुंह पीर जर जर सकल पीर मई है

Pā~ya pīra peṭa pīra bā~ha pīra muṃha pīra jara jara sakala pīra maī hai

देव भूत पितर करम खल काल ग्रह मोहि पर दवरि दमानक सी दई है

Deva bhūta pitara karama khala kāla graha mohi para davari damānaka sī daī hai

हौं तो बिनु मोल के बिकानो बलि बारे हीतें ओट राम नाम की ललाट लिखि लई है

Hauṃ to binu mola ke bikāno bali bāre hīteṃ oṭa rāma nāma kī lalāṭa likhi laī hai

कुँभज के किंकर बिकल बूढ़ए गोखुरनि हाय राम राय ऐसी हाल कहूँ भई है

Ku~bhaja ke kiṃkara bikala būr̤hae gokhurani hāya rāma rāya aisī hāla kahū~ bhaī hai

बाहुक सुबाहु नीच लीचर मरीच मिलि मुँह पीर केतुजा कुरोग जातुधान है

Bāhuka subāhu nīca līcara marīca mili mu~ha pīra ketujā kuroga jātudhāna hai

राम नाम जप जाग कियो चहों सानुराग काल कैसे दूत भूत कहा मेरे मान है

Rāma nāma japa jāga kiyo cahoṃ sānurāga kāla kaise dūta bhūta kahā mere māna hai

सुमिरे सहाय राम लखन आखर दौऊ जिनके समूह साके जागत जहान है

Sumire sahāya rāma lakhana ākhara dauū jinake samūha sāke jāgata jahāna hai

तुलसी सँभारि ताडका सँहारि भारि भट बेधे बरगद से बनाई बानवान है

Tulasī sa~bhāri tāḍakā sa~hāri bhāri bhaṭa bedhe baragada se banāī bānavāna hai

बालपने सूधे मन राम सनमुख भयो राम नाम लेत माँगि खात टूक टाक हौं

Bālapane sūdhe mana rāma sanamukha bhayo rāma nāma leta mā~gi khāta ṭūka ṭāka hauṃ

परयो लोक रीति में पुनीत प्रीति राम राय मोह बस बैठो तोरि तरकि तराक हौं

Parayo loka rīti meṃ punīta prīti rāma rāya moha basa baiṭho tori taraki tarāka hauṃ

खोटे खोटे आचरन आचरत अपनायो अंजनी कुमार सोध्यो रामपानि पाक हौं

Khoṭe khoṭe ācarana ācarata apanāyo aṃjanī kumāra sodhyo rāmapāni pāka hauṃ

तुलसी गुसाँई भयो भोंडे दिन भूल गयो ताको फल पावत निदान परिपाक हौं

Tulasī gusā~ī bhayo bhoṃḍe dina bhūla gayo tāko phala pāvata nidāna paripāka hauṃ

असन बसन हीन बिषम बिषाद लीन देखि दीन दूबरो करै न हाय हाय को

Asana basana hīna biṣama biṣāda līna dekhi dīna dūbaro karai na hāya hāya ko

तुलसी अनाथ सो सनाथ रघुनाथ कियो दियो फल सील सिंधु आपने सुभाय को

Tulasī anātha so sanātha raghunātha kiyo diyo phala sīla siṃdhu āpane subhāya ko

नीच यहि बीच पति पाइ भरु हाईगो बिहाइ प्रभु भजन बचन मन काय को

Nīca yahi bīca pati pāi bharu hāīgo bihāi prabhu bhajana bacana mana kāya ko

ता तें तनु पेषियत घोर बरतोर मिस फूटि फूटि निकसत लोन राम राय को

Tā teṃ tanu peṣiyata ghora baratora misa phūṭi phūṭi nikasata lona rāma rāya ko

जीओ जग जानकीजीवन को कहाइ जन मरिबे को बारानसी बारि सुरसरि को

Jīo jaga jānakījīvana ko kahāi jana maribe ko bārānasī bāri surasari ko

तुलसी के दोहूँ हाथ मोदक हैं ऐसे ठाँऊ जाके जिये मुये सोच करिहैं न लरि को

Tulasī ke dohū~ hātha modaka haiṃ aise ṭhā~ū jāke jiye muye soca karihaiṃ na lari ko

मोको झूँटो साँचो लोग राम कौ कहत सब मेरे मन मान है न हर को न हरि को

Moko jhū~ṭo sā~co loga rāma kau kahata saba mere mana māna hai na hara ko na hari ko

भारी पीर दुसह सरीर तें बिहाल होत सोऊ रघुबीर बिनु सकै दूर करि को

Bhārī pīra dusaha sarīra teṃ bihāla hota soū raghubīra binu sakai dūra kari ko

सीतापति साहेब सहाय हनुमान नित हित उपदेश को महेस मानो गुरु कै

Sītāpati sāheba sahāya hanumāna nita hita upadeśa ko mahesa māno guru kai

मानस बचन काय सरन तिहारे पाँय तुम्हरे भरोसे सुर मैं न जाने सुर कै

Mānasa bacana kāya sarana tihāre pā~ya tumhare bharose sura maiṃ na jāne sura kai

ब्याधि भूत जनित उपाधि काहु खल की समाधि की जै तुलसी को जानि जन फुर कै

Byādhi bhūta janita upādhi kāhu khala kī samādhi kī jai tulasī ko jāni jana phura kai

कपिनाथ रघुनाथ भोलानाथ भूतनाथ रोग सिंधु क्यों न डारियत गाय खुर कै

Kapinātha raghunātha bholānātha bhūtanātha roga siṃdhu kyoṃ na ḍāriyata gāya khura kai

कहों हनुमान सों सुजान राम राय सों कृपानिधान संकर सों सावधान सुनिये

Kahoṃ hanumāna soṃ sujāna rāma rāya soṃ kṛpānidhāna saṃkara soṃ sāvadhāna suniye

हरष विषाद राग रोष गुन दोष मई बिरची बिरञ्ची सब देखियत दुनिये

Haraṣa viṣāda rāga roṣa guna doṣa maī biracī birañcī saba dekhiyata duniye

माया जीव काल के करम के सुभाय के करैया राम बेद कहें साँची मन गुनिये

Māyā jīva kāla ke karama ke subhāya ke karaiyā rāma beda kaheṃ sā~cī mana guniye

तुम्ह तें कहा न होय हा हा सो बुझैये मोहिं हौं हूँ रहों मौनही वयो सो जानि लुनिये

Tumha teṃ kahā na hoya hā hā so bujhaiye mohiṃ hauṃ hū~ rahoṃ maunahī vayo so jāni luniye