Shivashtakam (Prabhum Prananatham)
verse 1
प्रभुं प्राणनाथं विभुं विश्वनाथं
Prabhuṃ prāṇanāthaṃ vibhuṃ viśvanāthaṃ
जगन्नाथनाथं सदानन्दभाजम् ।
Jagannāthanāthaṃ sadānandabhājam |
भवद्भव्यभूतेश्वरं भूतनाथं
Bhavadbhavyabhūteśvaraṃ bhūtanāthaṃ
शिवं शङ्करं शम्भुमीशानमीडे ॥ १॥
Śivaṃ śaṅkaraṃ śambhum īśānam īḍe ||1||
Meaning
The Master, the Lord of the life-breath, the all-pervading One, the Lord of the universe,
Lord even of the Lord of the world, He who abides in unending bliss,
Lord of all beings that are and are yet to be, Master of every creature,
I praise Him: Shiva, Shankara, Shambhu, Ishana.
verse 2
गले रुण्डमालं तनौ सर्पजालं
Gale ruṇḍamālaṃ tanau sarpajālaṃ
महाकालकालं गणेशाधिपालम् ।
Mahākālakālaṃ gaṇeśādhipālam |
जटाजूटगङ्गोत्तरङ्गैर्विशालं
Jaṭājūṭagaṅgottaraṅgair viśālaṃ
शिवं शङ्करं शम्भुमीशानमीडे ॥ २॥
Śivaṃ śaṅkaraṃ śambhum īśānam īḍe ||2||
Meaning
On His neck a garland of skulls, on His body a mesh of serpents,
Death to great Death itself, sovereign protector of Ganesha and the ganas,
made vast by the surging waves of Ganga in His matted locks,
I praise Him: Shiva, Shankara, Shambhu, Ishana.
verse 3
मुदामाकरं मण्डनं मण्डयन्तं
Mudāmākaraṃ maṇḍanaṃ maṇḍayantaṃ
महामण्डलं भस्मभूषाधरं तम् ।
Mahāmaṇḍalaṃ bhasmabhūṣādharaṃ tam |
अनादिं ह्यपारं महामोहहारं
Anādiṃ hyapāraṃ mahāmohaharam
शिवं शङ्करं शम्भुमीशानमीडे ॥ ३॥
Śivaṃ śaṅkaraṃ śambhum īśānam īḍe ||3||
Meaning
a mine of joy, the adornment that adorns every adornment,
the vast encompassing orb, Him who wears sacred ash as His ornament,
beginningless, boundless, the remover of great delusion,
I praise Him: Shiva, Shankara, Shambhu, Ishana.
verse 4
वटाधोनिवासं महाट्टाट्टहासं
Vaṭādhonivāsaṃ mahāṭṭāṭṭahāsaṃ
महापापनाशं सदा सुप्रकाशम् ।
Mahāpāpanāśaṃ sadā suprakāśam |
गिरीशं गणेशं सुरेशं महेशं
Girīśaṃ gaṇeśaṃ sureśaṃ maheśaṃ
शिवं शङ्करं शम्भुमीशानमीडे ॥ ४॥
Śivaṃ śaṅkaraṃ śambhum īśānam īḍe ||4||
Meaning
dwelling beneath the banyan tree, whose mighty laughter peals out,
the destroyer of the gravest sins, ever shining bright,
Lord of the mountains, Lord of the ganas, Lord of the gods, the Great Lord,
I praise Him: Shiva, Shankara, Shambhu, Ishana.
verse 5
गिरीन्द्रात्मजासङ्गृहीतार्धदेहं
Girīndrātmajāsaṅgṛhītārdhadehaṃ
गिरौ संस्थितं सर्वदा सन्नगेहम् ।
Girau saṃsthitaṃ sarvadā sannageham |
परब्रह्म ब्रह्मादिभिर्वन्द्यमानं
Parabrahma brahmādibhir vandyamānaṃ
शिवं शङ्करं शम्भुमीशानमीडे ॥ ५॥
Śivaṃ śaṅkaraṃ śambhum īśānam īḍe ||5||
Meaning
half of whose body is taken up by the daughter of the mountain king,
seated upon the mountain, whose dwelling is settled there for all time,
the supreme Brahman, worshipped by Brahma and the other gods,
I praise Him: Shiva, Shankara, Shambhu, Ishana.
verse 6
कपालं त्रिशूलं कराभ्यां दधानं
Kapālaṃ triśūlaṃ karābhyāṃ dadhānaṃ
पदाम्भोजनम्राय कामं ददानम् ।
Padāmbhojanamrāya kāmaṃ dadānam |
बलीवर्दयानं सुराणां प्रधानं
Balīvardayānaṃ surāṇāṃ pradhānaṃ
शिवं शङ्करं शम्भुमीशानमीडे ॥ ६॥
Śivaṃ śaṅkaraṃ śambhum īśānam īḍe ||6||
Meaning
bearing the skull and the trident in His two hands,
granting every wish to whoever bows at His lotus feet,
whose mount is the bull, foremost among the gods,
I praise Him: Shiva, Shankara, Shambhu, Ishana.
verse 7
शरच्चन्द्रगात्रं गुणानन्दपात्रं
Śaraccandragātraṃ guṇānandapātraṃ
त्रिनेत्रं पवित्रं धनेशस्य मित्रम् ।
Trinetraṃ pavitraṃ dhaneśasya mitram |
अपर्णाकलत्रं चरित्रं विचित्रं
Aparṇākalatraṃ caritraṃ vicitraṃ
शिवं शङ्करं शम्भुमीशानमीडे ॥ ७॥
Śivaṃ śaṅkaraṃ śambhum īśānam īḍe ||7||
Meaning
whose form is the autumn moon, the vessel of the bliss of all noble qualities,
three-eyed, utterly pure, the friend of Kubera the lord of wealth,
whose consort is Aparna, whose deeds are wondrous,
I praise Him: Shiva, Shankara, Shambhu, Ishana.
verse 8
हरं सर्पहारं चिताभूविहारं
Haraṃ sarpahāraṃ citābhūvihāraṃ
भवं वेदसारं सदा निर्विकारम् ।
Bhavaṃ vedasāraṃ sadā nirvikāram |
श्मशाने वसन्तं मनोजं दहन्तं
Śmaśāne vasantaṃ manojaṃ dahantaṃ
शिवं शङ्करं शम्भुमीशानमीडे ॥ ८॥
Śivaṃ śaṅkaraṃ śambhum īśānam īḍe ||8||
Meaning
Hara, who wears serpents as a garland, who roams the cremation ground,
Bhava, the very essence of the Vedas, forever free of change,
dwelling in the burning ground, who burned Manoja, the god of desire,
I praise Him: Shiva, Shankara, Shambhu, Ishana.
phalashruti
स्तवं यः प्रभाते नरः शूलपाणे
Stavaṃ yaḥ prabhāte naraḥ śūlapāṇe
पठेत् सर्वदा भर्गभावानुरक्तः ।
Paṭhet sarvadā bhargabhāvānuraktaḥ |
स पुत्रं धनं धान्यमित्रं कलत्रं
Sa putraṃ dhanaṃ dhānyamitraṃ kalatraṃ
विचित्रं समासाद्य मोक्षं प्रयाति ॥ ९॥
Vicitraṃ samāsādya mokṣaṃ prayāti ||9||
Meaning
O Shulapani, the one who at dawn takes up this hymn of praise,
and recites it every day, his heart set on Bharga, the effulgent One,
sons, wealth, grain, friends and a wife —
having obtained all this in its variety, he goes on to liberation.
colophon
॥ इति श्रीशिवाष्टकं सम्पूर्णम् ॥
Iti śrīśivāṣṭakaṃ sampūrṇam ||
Meaning
Thus concludes the sacred Shivashtakam.
Classical Sanskrit stotram in bhujangaprayata metre; 8 verses plus phalashruti; refrain "shivam shankaram shambhum ishanam ide"
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.
Spotted something wrong? Tell us and we will check it against the sources.