Shiv Chalisa

जय गणेश गिरिजा सुवन, मंगल मूल सुजान। कहत अयोध्यादास तुम, देहु अभय वरदान॥

Jaya ganesha Girija suvana, mamgala mula sujana, kahata ayodhyadasa tuma, dehu abhaya varadana.

जय गिरिजापति दीनदयाला। सदा करत सन्तन प्रतिपाला॥

Jaya Girijapati dinadayala, sada karata santana pratipala.

भाल चन्द्रमा सोहत नीके। कानन कुण्डल नागफनी के॥

Bhala chandrama sohata nike, kanana kundala nagaphani ke.

अंग गौर शिर गंग बहाये। मुण्डमाल तन छार लगाये॥

Amga gaura shira gamga bahaye, mundamala tana chara lagaye.

वस्त्र खाल बाघम्बर सोहे। छवि को देखि नाग मुनि मोहे॥

Vastra khala baghambara sohe, chavi ko dekhi naga muni mohe.

मैना मातु की हवे दुलारी। बाम अंग सोहत छवि न्यारी॥

Maina matu ki have dulari, bama amga sohata chavi nyari.

कर त्रिशूल सोहत छवि भारी। करत सदा शत्रुन क्षयकारी॥

Kara trishula sohata chavi bhari, karata sada shatruna kshayakari.

नन्दि गणेश सोहैं तहँ कैसे। सागर मध्य कमल हैं जैसे॥

Nandi ganesha sohaim taha.n kaise, sagara madhya kamala haim jaise.

कार्तिक श्याम और गणराऊ। या छवि को कहि जात न काऊ॥

Kartika shyama aura ganarau, ya chavi ko kahi jata na kau.

देवन जबहीं जाय पुकारा। तब ही दुख प्रभु आप निवारा॥

Devana jabahim jaya pukara, taba hi dukha prabhu apa nivara.

किया उपद्रव तारक भारी। देवन सब मिलि तुमहिं जुहारी॥

Kiya upadrava taraka bhari, devana saba mili tumahim juhari.

तुरत षडानन आप पठायउ। लवनिमेष महँ मारि गिरायउ॥

Turata shadanana apa pathayau, lavanimesha maha.n mari girayau.

आप जलंधर असुर संहारा। सुयश तुम्हार विदित संसारा॥

Apa jalamdhara asura samhara, suyasha tumhara vidita samsara.

त्रिपुरासुर सन युद्ध मचाई। सबहि कृपा कर लीन बचाई॥

Tripurasura sana yuddha machai, sabahi krripa kara lina bachai.

किया तपहिं भागीरथ भारी। पुरब प्रतिज्ञा तासु पुरारी॥

Kiya tapahim bhagiratha bhari, puraba pratij~na tasu Purari.

दानिन महँ तुम सम कोउ नाहीं। सेवक स्तुति करत सदाहीं॥

Danina maha.n tuma sama kou nahim, sevaka stuti karata sadahim.

वेद नाम महिमा तव गाई। अकथ अनादि भेद नहिं पाई॥

Veda nama mahima tava gai, akatha anadi bheda nahim pai.

प्रगट उदधि मंथन में ज्वाला। जरत सुरासुर भए विहाला॥

Pragata udadhi mamthana mem jvala, jarata surasura bhae vihala.

कीन्ह दया तहँ करी सहाई। नीलकण्ठ तब नाम कहाई॥

Kinha daya taha.n kari sahai, nilakantha taba nama kahai.

पूजन रामचन्द्र जब कीन्हा। जीत के लंक विभीषण दीन्हा॥

Pujana ramachandra jaba kinha, jita ke lamka vibhishana dinha.

सहस कमल में हो रहे धारी। कीन्ह परीक्षा तबहिं पुरारी॥

Sahasa kamala mem ho rahe dhari, kinha pariksha tabahim Purari.

एक कमल प्रभु राखेउ जोई। कमल नयन पूजन चहँ सोई॥

Eka kamala prabhu rakheu joi, kamala nayana pujana chaha.n soi.

कठिन भक्ति देखि प्रभु शंकर। भए प्रसन्न दिए इच्छित वर॥

Kathina bhakti dekhi prabhu shamkara, bhae prasanna die ichchita vara.

जय जय जय अनंत अविनाशी। करत कृपा सबके घटवासी॥

Jaya jaya jaya anamta avinashi, karata krripa sabake ghatavasi.

दुष्ट सकल नित मोहि सतावै। भ्रमत रहौं मोहि चैन न आवै॥

Dushta sakala nita mohi satavai, bhramata rahaum mohi chaina na avai.

त्राहि त्राहि मैं नाथ पुकारो। यहि अवसर मोहि आन उबारो॥

Trahi trahi maim natha pukaro, yahi avasara mohi ana ubaro.

लै त्रिशूल शत्रुन को मारो। संकट ते मोहि आन उबारो॥

Lai trishula shatruna ko maro, samkata te mohi ana ubaro.

मातु पिता भ्राता सब कोई। संकट में पूछत नहिं कोई॥

Matu pita bhrata saba koi, samkata mem puchata nahim koi.

स्वामी एक है आस तुम्हारी। आय हरहु अब संकट भारी॥

Svami eka hai asa tumhari, aya harahu aba samkata bhari.

धन निर्धन को देत सदाहीं। जो कोई जाँचै सो फल पाहीं॥

Dhana nirdhana ko deta sadahim, jo koi ja.nchai so phala pahim.

अस्तुति केहि विधि करौं तुम्हारी। क्षमहु नाथ अब चूक हमारी॥

Astuti kehi vidhi karaum tumhari, kshamahu natha aba chuka hamari.

शंकर हो संकट के नाशन। विघ्न विनाशन मंगल कारन॥

Shamkara ho samkata ke nashana, vighna vinashana mamgala karana.

योगी यति मुनि ध्यान लगावैं। शारद नारद शीश नवावैं॥

Yogi yati muni dhyana lagavaim, sharada narada shisha navavaim.

नमो नमो जय नमः शिवाय। सुर ब्रह्मादिक पार न पाय॥

Namo namo jaya namah shivaya, sura brahmadika para na paya.

जो यह पाठ करे मन लाई। ता पर होत है शम्भु सहाई॥

Jo yaha patha kare mana lai, ta para hota hai Shambhu sahai.

ऋणिया जो कोई हो अधिकारी। पाठ करे सो पावन हारी॥

Rriniya jo koi ho adhikari, patha kare so pavana hari.

पुत्रहीन कर इच्छा कोई। निश्चय शिव प्रसाद तेहि होई॥

Putrahina kara ichcha koi, nishchaya Shiva prasada tehi hoi.

पण्डित त्रयोदशी को लावे। ध्यान पूर्वक होम करावे॥

Pandita trayodashi ko lave, dhyana purvaka homa karave.

त्रयोदशी व्रत करे हमेशा। तन नहीं ताके रहे कलेशा॥

Trayodashi vrata kare hamesha, tana nahim take rahe kalesha.

धूप दीप नैवेद्य चढ़ावे। शंकर सम्मुख पाठ सुनावे॥

Dhupa dipa naivedya cha.dhave, shamkara sammukha patha sunave.

जन्म जन्म के पाप नसावे। अन्तवास शिवपुर में पावे॥

Janma janma ke papa nasave, antavasa shivapura mem pave.

कहे अयोध्यादास आस तुम्हारी। जानि सकल दुःख हरहु हमारी॥

Kahe ayodhyadasa asa tumhari, jani sakala duhkha harahu hamari.

नित्त नेम कर प्रातः ही, पाठ करौं चालीस। तुम मेरी मनोकामना, पूर्ण करो जगदीश॥

Nitta nema kara pratah hi, patha karaum chalisa, tuma meri manokamana, purna karo jagadisha.

मगसर छठि हेमन्त ऋतु, संवत चौसठ जान। अस्तुति चालीसा शिवहि, पूर्ण कीन कल्याण॥

Magasara chathi hemanta rritu, samvata chausatha jana, astuti chalisa shivahi, purna kina kalyana.