Shiva Ramashtaka Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
शिवहरे शिवराम सखे प्रभो त्रिविधताप-निवारण हे विभो।
Śivahare Śivarāma sakhe prabho trividha-tāpa-nivāraṇa he vibho
अज जनेश्वर यादव पाहि मां शिव हरे विजयं कुरू मे वरम्॥1॥
Aja janeśvara yādava pāhi māṃ śiva hare vijayaṃ kuru me varam
verse 2
कमल लोचन राम दयानिधे हर गुरो गजरक्षक गोपते।
Kamala-locana Rāma dayānidhe hara guro gaja-rakṣaka gopate
शिवतनो भव शङ्कर पाहि मां शिव हरे विजयं कुरू मे वरम्॥2॥
Śivatano bhava śaṃkara pāhi māṃ śiva hare vijayaṃ kuru me varam
verse 3
स्वजनरञ्जन मङ्गलमन्दिर भजति तं पुरुषं परं पदम्।
Svajana-rañjana maṅgala-mandira bhajati taṃ puruṣaṃ paraṃ padam
भवति तस्य सुखं परमाद्भुतं शिवहरे विजयं कुरू मे वरम्॥3॥
Bhavati tasya sukhaṃ paramādbhutaṃ śivahare vijayaṃ kuru me varam
verse 4
जय युधिष्ठिर-वल्लभ भूपते जय जयार्जित-पुण्यपयोनिधे।
Jaya Yudhiṣṭhira-vallabha bhūpate jaya jayārjita-puṇya-payonidhe
जय कृपामय कृष्ण नमोऽस्तुते शिव हरे विजयं कुरू मे वरम्॥4॥
Jaya kṛpāmaya Kṛṣṇa namo'stute śiva hare vijayaṃ kuru me varam
verse 5
भवविमोचन माधव मापते सुकवि-मानस हंस शिवारते।
Bhava-vimocanamādhava māpate sukavi-mānasa haṃsa śivārate
जनक जारत माधव रक्ष मां शिव हरे विजयं कुरू मे वरम्॥5॥
Janaka jārata mādhava rakṣa māṃ śiva hare vijayaṃ kuru me varam
verse 6
अवनि-मण्डल-मङ्गल मापते जलद सुन्दर राम रमापते।
Avani-maṇḍala-maṅgala māpate jalada sundara Rāma Ramāpate
निगम-कीर्ति-गुणार्णव गोपते शिव हरे विजयं कुरू मे वरम्॥6॥
Nigama-kīrti-guṇārṇava gopate śiva hare vijayaṃ kuru me varam
verse 7
पतित-पावन-नाममयी लता तव यशो विमलं परिगीयते।
Patita-pāvana-nāmamayī latā tava yaśo vimalaṃ parigīyate
तदपि माधव मां किमुपेक्षसे शिव हरे विजयं कुरू मे वरम्॥7॥
Tadapi mādhava māṃ kim-upekṣase śiva hare vijayaṃ kuru me varam
verse 8
अमर तापर देव रमापते विनयतस्तव नाम धनोपमम्।
Amara tāpara deva Ramāpate vinayatas tava nāma dhanopamam
मयि कथं करुणार्णव जायते शिव हरे विजयं कुरू मे वरम्॥8॥
Mayi kathaṃ karuṇārṇava jāyate śiva hare vijayaṃ kuru me varam
verse 9
हनुमतः प्रिय चाप कर प्रभो सुरसरिद्-धृतशेखर हे गुरो।
Hanumataḥ priya cāpa-kara prabho sura-sarid-dhṛta-śekhara he guro
मम विभो किमु विस्मरणं कृतं शिव हरे विजयं कुरू मे वरम्॥9॥
Mama vibho kimu vismaraṇaṃ kṛtaṃ śiva hare vijayaṃ kuru me varam
verse 10
नर हरेति परम् जन सुन्दरं पठति यः शिवरामकृतस्तवम्।
Nara hare'ti param jana sundaraṃ paṭhati yaḥ śivarāma-kṛta-stavam
विशति राम-रमा चरणाम्बुजे शिव हरे विजयं कुरू मे वरम्॥10॥
Viśati Rāma-ramā caraṇāmbuje śiva hare vijayaṃ kuru me varam
phalashruti
प्रातरुत्थाय यो भक्त्या पठदेकाग्रमानसः।
Prātar-utthāya yo bhaktyā paṭhad-ekāgra-mānasaḥ
विजयो जायते तस्य विष्णुसान्निध्यमाप्नुयात्॥11॥
Vijayo jāyate tasya viṣṇu-sānnidhyam-āpnuyāt
Shiva-Rama syncretism stotra
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.