Shiva Manas Puja Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
रत्नैः कल्पितमासनं हिमजलैः स्नानं च दिव्याम्बरं
Ratnaiḥ kalpitam āsanaṃ hima-jalaiḥ snānaṃ ca divyāmbaram
नानारत्नविभूषितं मृगमदामोदाङ्कितं चन्दनम्।
Nānā-ratna-vibhūṣitaṃ mṛgamadāmodāṅkitaṃ candanam
जातीचम्पकबिल्वपत्ररचितं पुष्पं च धूपं तथा
Jātī-campaka-bilva-patra-racitaṃ puṣpaṃ ca dhūpaṃ tathā
दीपं देव दयानिधे पशुपते हृत्कल्पितं गृह्यताम्॥1॥
Dīpaṃ deva dayānidhe paśupate hṛt-kalpitaṃ gṛhyatām
verse 2
सौवर्णे नवरत्नखण्डरचिते पात्रे घृतं पायसं
Sauvarṇe nava-ratna-khaṇḍa-racite pātre ghṛtaṃ pāyasaṃ
भक्ष्यं पञ्चविधं पयोदधियुतं रम्भाफलं पानकम्।
Bhakṣyaṃ pañca-vidhaṃ payo-dadhi-yutaṃ rambhā-phalaṃ pānakam
शाकानामयुतं जलं रुचिकरं कर्पूरखण्डोज्ज्वलं
Śākānām ayutaṃ jalaṃ rucikaraṃ karpūra-khaṇḍojjvalaṃ
ताम्बूलं मनसा मया विरचितं भक्त्या प्रभो स्वीकुरु॥2॥
Tāmbūlaṃ manasā mayā viracitaṃ bhaktyā prabho svīkuru
verse 3
छत्रं चामरयोर्युगं व्यजनकं चादर्शकं निर्मलं
Chatraṃ cāmarayor yugaṃ vyajanakaṃ cādarśakaṃ nirmalaṃ
वीणाभेरिमृदङ्गकाहलकला गीतं च नृत्यं तथा।
Vīṇā-bheri-mṛdaṅga-kāhala-kalā gītaṃ ca nṛtyaṃ tathā
साष्टाङ्गं प्रणतिः स्तुतिर्बहुविधा ह्येतत्समस्तं मया
Sāṣṭāṅgaṃ praṇatiḥ stutir bahu-vidhā hy etat samastaṃ mayā
सङ्कल्पेन समर्पितं तव विभो पूजां गृहाण प्रभो॥3॥
Saṅkalpena samarpitaṃ tava vibho pūjāṃ gṛhāṇa prabho
verse 4
आत्मा त्वं गिरिजा मतिः सहचराः प्राणाः शरीरं गृहं
Ātmā tvaṃ Girijā matiḥ sahacarāḥ prāṇāḥ śarīraṃ gṛhaṃ
पूजा ते विषयोपभोगरचना निद्रा समाधिस्थितिः।
Pūjā te viṣaya-upabhoga-racanā nidrā samādhi-sthitiḥ
सञ्चारः पदयोः प्रदक्षिणविधिः स्तोत्राणि सर्वा गिरो
Sañcāraḥ padayoḥ pradakṣiṇa-vidhiḥ stotrāṇi sarvā giro
यद्यत्कर्म करोमि तत्तदखिलं शम्भो तवाराधनम्॥4॥
Yad-yat karma karomi tat-tad akhilaṃ śambho tavārādhanam
verse 5
करचरणकृतं वाक्कायजं कर्मजं वा।
Kara-caraṇa-kṛtaṃ vāk-kāyajaṃ karma-jaṃ vā
श्रवणनयनजं वा मानसं वापराधम्।
Śravaṇa-nayana-jaṃ vā mānasaṃ vāparādham
विदितमविदितं वा सर्वमेतत्क्षमस्व।
Viditam aviditaṃ vā sarvam etat kṣamasva
जय जय करुणाब्धे श्रीमहादेवशम्भो॥5॥
Jaya jaya karuṇābdhe śrī-Mahādeva-Śambho
Classic Advaita devotional composition
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.