Rudrashtakam (Namami Shamishan)
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
नमामीशमीशान निर्वाणरूपं विभुं व्यापकं ब्रह्मवेदस्वरूपम्।
Namāmīśam-īśāna nirvāṇa-rūpaṃ vibhuṃ vyāpakaṃ brahma-veda-svarūpam
निजं निर्गुणं निर्विकल्पं निरीहं चिदाकाशमाकाशवासं भजेऽहम्॥1॥
Nijaṃ nirguṇaṃ nirvikalpaṃ nirīhaṃ cidākāśam ākāśa-vāsaṃ bhaje'ham
verse 2
निराकारमोंकारमूलं तुरीयं गिराज्ञानगोतीतमीशं गिरीशम्।
Nirākāram oṃkāra-mūlaṃ turīyaṃ girā-jñāna-go-tītam-īśaṃ gīrīśam
करालं महाकालकालं कृपालं गुणागारसंसारपारं नतोऽहम्॥2॥
Karālaṃ mahā-kāla-kālaṃ kṛpālaṃ guṇāgāra-saṃsāra-pāraṃ nato'ham
verse 3
तुषाराद्रिसंकाशगौरं गभीरं मनोभूतकोटिप्रभाश्री शरीरम्।
Tuṣārādri-saṃkāśa-gauraṃ gabhīraṃ mano-bhūta-koṭi-prabhā-śrī-śarīram
स्फुरन्मौलिकल्लोलिनी चारु गङ्गा लसद्भालबालेन्दु कण्ठे भुजङ्गा॥3॥
Sphuran-mauli-kallolini cāru-gaṅgā lasad-bhāla-bālendu kaṇṭhe bhujaṅgā
verse 4
चलद्कुण्डलं भ्रू सुनेत्रं विशालं प्रसन्नाननं नीलकण्ठं दयालम्।
Calad-kuṇḍalaṃ bhrū su-netraṃ viśālaṃ prasannānanaṃ nīlakaṇṭhaṃ dayālam
मृगाधीशचर्माम्बरं मुण्डमालं प्रियं शंकरं सर्वनाथं भजामि॥4॥
Mṛgādhīśa-carmāmbaraṃ muṇḍa-mālaṃ priyaṃ śaṃkaraṃ sarvanāthaṃ bhajāmi
verse 5
प्रचण्डं प्रकृष्टं प्रगल्भं परेशं अखण्डं अजं भानुकोटिप्रकाशम्।
Pracaṇḍaṃ prakṛṣṭaṃ pragalbhaṃ pareśaṃ akhaṇḍaṃ ajaṃ bhānu-koṭi-prakāśam
त्रयः शूलनिर्मूलनं शूलपाणिं भजेऽहं भवानीपतिं भावगम्यम्॥5॥
Trayaḥ śūla-nirmūlanaṃ śūla-pāṇiṃ bhaje'haṃ bhavānī-patiṃ bhāva-gamyam
verse 6
कलातीतकल्याण कल्पान्तकारी सदा सज्जनानन्ददाता पुरारी।
Kalātīta-kalyāṇa kalpānta-kārī sadā sajjanānanda-dātā purārī
चिदानन्दसंदोह मोहापहारी प्रसीद प्रसीद प्रभो मन्मथारी॥6॥
Cidānanda-sandoha mohāpahārī prasīda prasīda prabho manmathārī
verse 7
न यावद्उमानाथपादारविन्दं भजन्तीह लोके परे वा नराणाम्।
Na yāvad umānātha-pādāravindaṃ bhajantīha loke pare vā narāṇām
न तावत्सुखं शान्ति सन्तापनाशं प्रसीद प्रभो सर्वभूताधिवासम्॥7॥
Na tāvat sukhaṃ śānti santāpa-nāśaṃ prasīda prabho sarva-bhūtādhivāsam
verse 8
न जानामि योगं जपं नैव पूजां नतोऽहं सदा सर्वदा शम्भुतुभ्यम्।
Na jānāmi yogaṃ japaṃ naiva pūjāṃ nato'haṃ sadā sarvadā śambhu-tubhyam
जरा जन्म दुःखौघ तातप्यमानं प्रभो पाहि आपन्नमामीश शम्भो॥8॥
Jarā janma duḥkhaugha tātapyamānaṃ prabho pāhi āpannam āmīśa śambho
phalashruti
रुद्राष्टकमिदं प्रोक्तं विप्रेण हरतोषये।
Rudrāṣṭakam idaṃ proktaṃ vipreṇa hara-toṣaye
ये पठन्ति नरा भक्त्या तेषां शम्भुः प्रसीदति॥
Ye paṭhanti narā bhaktyā teṣāṃ śambhuḥ prasīdati
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.