Nirvana Shatakam (Atma Shatakam)
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
मनोबुद्ध्यहङ्कार चित्तानि नाहं न च श्रोत्रजिह्वे न च घ्राणनेत्रे।
Mano-buddhy-ahaṅkāra cittāni nāhaṃ na ca śrotra-jihve na ca ghrāṇa-netre
न च व्योम भूमिर्न तेजो न वायुः चिदानन्दरूपः शिवोऽहम् शिवोऽहम्॥1॥
Na ca vyoma bhūmir na tejo na vāyuḥ cidānanda-rūpaḥ śivo'ham śivo'ham
verse 2
न च प्राणसंज्ञो न वै पञ्चवायुः न वा सप्तधातुः न वा पञ्चकोशः।
Na ca prāṇa-saṃjño na vai pañca-vāyuḥ na vā sapta-dhātuḥ na vā pañca-kośaḥ
न वाक्पाणिपादं न चोपस्थपायु चिदानन्दरूपः शिवोऽहम् शिवोऽहम्॥2॥
Na vāk-pāṇi-pādaṃ na copastha-pāyu cidānanda-rūpaḥ śivo'ham śivo'ham
verse 3
न मे द्वेषरागौ न मे लोभमोहौ मदो नैव मे नैव मात्सर्यभावः।
Na me dveṣa-rāgau na me lobha-mohau mado naiva me naiva mātsarya-bhāvaḥ
न धर्मो न चार्थो न कामो न मोक्षः चिदानन्दरूपः शिवोऽहम् शिवोऽहम्॥3॥
Na dharmo na cārtho na kāmo na mokṣaḥ cidānanda-rūpaḥ śivo'ham śivo'ham
verse 4
न पुण्यं न पापं न सौख्यं न दुःखं न मन्त्रो न तीर्थं न वेदा न यज्ञाः।
Na puṇyaṃ na pāpaṃ na saukhyaṃ na duḥkhaṃ na mantro na tīrthaṃ na vedā na yajñāḥ
अहं भोजनं नैव भोज्यं न भोक्ता चिदानन्दरूपः शिवोऽहम् शिवोऽहम्॥4॥
Ahaṃ bhojanaṃ naiva bhojyaṃ na bhoktā cidānanda-rūpaḥ śivo'ham śivo'ham
verse 5
न मृत्युर्न शङ्का न मे जातिभेदः पिता नैव मे नैव माता न जन्मः।
Na mṛtyur na śaṅkā na me jāti-bhedaḥ pitā naiva me naiva mātā na janmaḥ
न बन्धुर्न मित्रं गुरुर्नैव शिष्यं चिदानन्दरूपः शिवोऽहम् शिवोऽहम्॥5॥
Na bandhur na mitraṃ gurur naiva śiṣyaṃ cidānanda-rūpaḥ śivo'ham śivo'ham
verse 6
अहं निर्विकल्पो निराकाररूपो विभुत्वाच्च सर्वत्र सर्वेन्द्रियाणाम्।
Ahaṃ nirvikalpo nirākāra-rūpo vibhutvāc ca sarvatra sarvendriyāṇām
न चासङ्गतं नैव मुक्तिर्न मेयः चिदानन्दरूपः शिवोऽहम् शिवोऽहम्॥6॥
Na cāsaṅgataṃ naiva muktir na meyaḥ cidānanda-rūpaḥ śivo'ham śivo'ham
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.