Mahishasura Mardini Stotram (Aigiri Nandini)

अयि गिरिनन्दिनि नन्दितमेदिनि विश्वविनोदिनि नन्दिनुते गिरिवरविन्ध्यशिरोऽधिनिवासिनि विष्णुविलासिनि जिष्णुनुते।

Ayi giri-nandini nandita-medini viśva-vinodini nandi-nute girivar-vindhya-śiro'dhi-nivāsinī viṣṇu-vilāsinī jiṣṇu-nute

भगवति हे शितिकण्ठकुटुम्बिनि भूरिकुटुम्बिनि भूरिकृते जय जय हे महिषासुरमर्दिनि रम्यकपर्दिनि शैलसुते॥1॥

Bhagavati he śiti-kaṇṭha-kuṭumbini bhūri-kuṭumbini bhūri-kṛte jaya jaya he mahiṣāsura-mardini ramya-kapardini śaila-sute

सुरवरवर्षिणि दुर्धरधर्षिणि दुर्मुखमर्षिणि हर्षरते त्रिभुवनपोषिणि शङ्करतोषिणि किल्बिषमोषिणि घोषरते।

Sura-vara-varṣiṇī durdha-radharṣiṇī durmukha-marṣiṇī harṣa-rate tribhuvana-poṣiṇī śaṃkara-toṣiṇī kilbiṣa-moṣiṇī ghoṣa-rate

दनुजनिरोषिणि दितिसुतरोषिणि दुर्मदशोषिणि सिन्धुसुते जय जय हे महिषासुरमर्दिनि रम्यकपर्दिनि शैलसुते॥2॥

Danuja-niroṣiṇī diti-suta-roṣiṇī durmada-śoṣiṇī sindhu-sute jaya jaya he mahiṣāsura-mardini ramya-kapardini śaila-sute

अयि जगदम्ब मदम्ब कदम्ब वनप्रियवासिनि हासरते शिखरि शिरोमणि तुङ्गहिमलय शृङ्गनिजालय मध्यगते।

Ayi jagadamba madamba kadamba-vana-priya-vāsinī hāsa-rate śikhari-śiromaṇi tuṅga-himalaya śṛṅga-nijālaya madhyagate

मधुमधुरे मधुकैटभगञ्जिनि कैटभभञ्जिनि रासरते जय जय हे महिषासुरमर्दिनि रम्यकपर्दिनि शैलसुते॥3॥

Madhu-madhure madhu-kaiṭabha-gañjini kaiṭabha-bhañjini rāsa-rate jaya jaya he mahiṣāsura-mardini ramya-kapardini śaila-sute

अयि शतखण्ड विखण्डितरुण्ड वितुण्डितशुण्ड गजाधिपते रिपुगजगण्ड विदारणचण्ड पराक्रमशुण्ड मृगाधिपते।

Ayi śata-khaṇḍa vikhaṇḍita-ruṇḍa vituṇḍita-śuṇḍa gajādhipate ripu-gaja-gaṇḍa vidāraṇa-caṇḍa parākrama-śuṇḍa mṛgādhipate

निजभुजदण्ड निपातितखण्ड विपातितमुण्ड भटाधिपते जय जय हे महिषासुरमर्दिनि रम्यकपर्दिनि शैलसुते॥4॥

Nijabhuja-daṇḍa nipātita-khaṇḍa vipātita-muṇḍa bhaṭādhipate jaya jaya he mahiṣāsura-mardini ramya-kapardini śaila-sute

अयि रणदुर्मद शत्रुवधोदित दुर्धरनिर्जर शक्तिभृते चतुरविचार धुरीणमहाशिव दूतकृत प्रमथाधिपते।

Ayi raṇa-durmada śatru-vadhodita durdha-ranirjara śakti-bhṛte catura-vicāra dhurīṇa-mahāśiva dūta-kṛta pramathādhipate

दुरितदुरीह दुराशयदुर्मति दानवदुत कृतान्तमते जय जय हे महिषासुरमर्दिनि रम्यकपर्दिनि शैलसुते॥5॥

Durita-durīha durāśaya-durmati dānava-duta kṛtānta-mate jaya jaya he mahiṣāsura-mardini ramya-kapardini śaila-sute

अयि शरणागत वैरिवधुवर वीरवराभय दायकरे त्रिभुवनमस्तक शुलविरोधि शिरोऽधिकृतामल शुलकरे।

Ayi śaraṇāgata vairi-vadhu-vara vīra-varābhaya dāya-kare tribhuvana-mastaka śūla-virodhi śiro'dhikṛtāmala śūla-kare

दुमिदुमितामर धुन्दुभिनादमहोमुखरीकृत दिङ्मकरे जय जय हे महिषासुरमर्दिनि रम्यकपर्दिनि शैलसुते॥6॥

Dumidumitāmara dhundubhi-nādamaho-mukharīkṛta diṅmakare jaya jaya he mahiṣāsura-mardini ramya-kapardini śaila-sute

अयि निजहुङ्कृति मात्रनिराकृत धूम्रविलोचन धूम्रशते समरविशोषित शोणितबीज समुद्भवशोणित बीजलते।

Ayi nija-huṅkṛti mātra-nirākṛta dhūmra-vilocana dhūmra-śate samara-viśoṣita śoṇita-bīja samudbhava-śoṇita bīja-late

शिवशिवशुम्भ निशुम्भमहाहव तर्पितभूत पिशाचरते जय जय हे महिषासुरमर्दिनि रम्यकपर्दिनि शैलसुते॥7॥

Śiva-śiva-śumbha niśumbha-mahāhava tarpita-bhūta piśāca-rate jaya jaya he mahiṣāsura-mardini ramya-kapardini śaila-sute

धनुरनुषङ्ग रणक्षणसङ्ग परिस्फुरदङ्ग नटत्कटके कनकपिशङ्ग पृषत्कनिषङ्ग रसद्भटशृङ्ग हताबटुके।

Dhanur-anuṣaṅga raṇa-kṣaṇa-saṅga parisphurad-aṅga naṭat-kaṭake kanaka-piśaṅga pṛṣatka-niṣaṅga rasad-bhaṭa-śṛṅga hatā-baṭuke

कृतचतुरङ्ग बलक्षितिरङ्ग घटद्बहुरङ्ग रटद्बटुके जय जय हे महिषासुरमर्दिनि रम्यकपर्दिनि शैलसुते॥8॥

Kṛta-caturaṅga bala-kṣiti-raṅga ghaṭad-bahuTaṅga raṭad-baṭuke jaya jaya he mahiṣāsura-mardini ramya-kapardini śaila-sute

सुरललना ततथेयि तथेयि कृताभिनयोदर नृत्यरते कृत कुकुथः कुकुथो गडदादिकताल कुतूहल गानरते।

Sura-lalanā tatatheyī tatatheyī kṛtābhinayodara nṛtya-rate kṛta kukuthaḥ kukutho gaḍadādika-tāla kutūhala gāna-rate

धुधुकुट धुक्कुट धिंधिमित ध्वनि धीर मृदंग निनादरते जय जय हे महिषासुरमर्दिनि रम्यकपर्दिनि शैलसुते॥9॥

Dhudhu-kuṭa dhuk-kuṭa dhiṃdhimita dhvani dhīra mṛdaṃga nināda-rate jaya jaya he mahiṣāsura-mardini ramya-kapardini śaila-sute

जय जय जप्य जयेजयशब्द परस्तुति तत्परविश्वनुते झणझणझिञ्झिमि झिङ्कृत नूपुरशिञ्जितमोहित भूतपते।

Jaya jaya japya jayejaya-śabda para-stuti tatpara-viśva-nute jhaṇajhaṇa-jhiñjhimi jhinJakṛta nūpura-śiñjita-mohita bhūtapate

नटित नटार्ध नटी नट नायक नाटितनाट्य सुगानरते जय जय हे महिषासुरमर्दिनि रम्यकपर्दिनि शैलसुते॥10॥

Naṭita naṭārdha naṭī naṭa nāyaka nāṭita-nāṭya sugāna-rate jaya jaya he mahiṣāsura-mardini ramya-kapardini śaila-sute

अयि सुमनःसुमनःसुमनः सुमनःसुमनोहरकान्तियुते श्रितरजनी रजनीरजनी रजनीरजनी करवक्त्रवृते।

Ayi sumanaḥ-sumanaḥ-sumanaḥ sumanaḥ-sumano-hara-kāntiyute śrita-rajanī rajanī-rajanī rajanī-rajanī kara-vaktra-vṛte

सुनयनविभ्रमर भ्रमरभ्रमर भ्रमरभ्रमराधिपते जय जय हे महिषासुरमर्दिनि रम्यकपर्दिनि शैलसुते॥11॥

Sunayanavibrhmara bhramara-bhramara bhramara-bhramarādhipate jaya jaya he mahiṣāsura-mardini ramya-kapardini śaila-sute

सहितमहाहव मल्लमतल्लिक मल्लितरल्लक मल्लरते विरचितवल्लिक पल्लिकमल्लिक झिल्लिकभिल्लिक वर्गवृते।

Sahita-mahāhava malla-matallika mallita-rallaka malla-rate viracita-vallika pallika-mallika jhillika-bhillika varga-vṛte

शितकृतफुल्ल समुल्लसितारुण तल्लजपल्लव सल्ललिते जय जय हे महिषासुरमर्दिनि रम्यकपर्दिनि शैलसुते॥12॥

Śita-kṛta-phulla samullasitāruṇa tallaja-pallava sallalite jaya jaya he mahiṣāsura-mardini ramya-kapardini śaila-sute

अविरलगण्ड गलन्मदमेदुर मत्तमतङ्ग जराजपते त्रिभुवनभुषण भूतकलानिधि रूपपयोनिधि राजसुते।

Avirala-gaṇḍa galan-mada-medura matta-mataṅga jarāja-pate tribhuvana-bhuṣaṇa bhūta-kalānidhi rūpa-payonidhi rāja-sute

अयि सुदतीजन लालसमानस मोहन मन्मथराजसुते जय जय हे महिषासुरमर्दिनि रम्यकपर्दिनि शैलसुते॥13॥

Ayi sudatī-jana lālasa-mānasa mohana manmatha-rāja-sute jaya jaya he mahiṣāsura-mardini ramya-kapardini śaila-sute

कमलदलामल कोमलकान्ति कलाकलितामल भाललते सकलविलास कलानिलयक्रम केलिचलत्कल हंसकुले।

Kamala-dalāmala komala-kānti kalā-kalitāmala bhāla-late sakala-vilāsa kalā-nilaya-krama keli-calat-kala haṃsa-kule

अलिकुलसङ्कुल कुवलयमण्डल मौलिमिलद्बकुलालिकुले जय जय हे महिषासुरमर्दिनि रम्यकपर्दिनि शैलसुते॥14॥

Alikula-saṃkula kuvalaya-maṇḍala mauli-milad-bakulālikule jaya jaya he mahiṣāsura-mardini ramya-kapardini śaila-sute

करमुरलीरव वीजितकूजित लज्जितकोकिल मञ्जुमते मिलितपुलिन्द मनोहरगुञ्जित रञ्जितशैल निकुञ्जगते।

Kara-muralī-rava vījita-kūjita lajjita-kokila mañju-mate milita-pulinda manohara-guñjita rañjita-śaila nikuñja-gate

निजगणभूत महाशबरीगण सद्गुणसम्भृत केलितले जय जय हे महिषासुरमर्दिनि रम्यकपर्दिनि शैलसुते॥15॥

Nija-gaṇa-bhūta mahā-śabarī-gaṇa sad-guṇa-sambhṛta keli-tale jaya jaya he mahiṣāsura-mardini ramya-kapardini śaila-sute

कटितटपीत दुकूलविचित्र मयुखतिरस्कृत चन्द्ररुचे प्रणतसुरासुर मौलिमणिस्फुर दंशुलसन्नख चन्द्ररुचे।

Kaṭi-taṭa-pīta dukūla-vicitra mayukha-tiraskṛta candra-ruce praṇata-surāsura mauli-maṇi-sphura daṃśulasan-nakha candra-ruce

जितकनकाचल मौलिमदोर्जित निर्भरकुञ्जर कुम्भकुचे जय जय हे महिषासुरमर्दिनि रम्यकपर्दिनि शैलसुते॥16॥

Jita-kanakācala mauli-mador-jita nirbhara-kuñjara kumbha-kuce jaya jaya he mahiṣāsura-mardini ramya-kapardini śaila-sute

विजितसहस्रकरैक सहस्रकरैक सहस्रकरैकनुते कृतसुरतारक सङ्गरतारक सङ्गरतारक सूनुसुते।

Vijita-sahasra-karaikaṃ sahasra-karaikaṃ sahasra-karaikānute kṛta-sura-tāraka saṅgara-tāraka saṅgara-tāraka sūnu-sute

सुरथसमाधि समानसमाधि समाधिसमाधि सुजातरते जय जय हे महिषासुरमर्दिनि रम्यकपर्दिनि शैलसुते॥17॥

Suratha-samādhi samāna-samādhi samādhi-samādhi sujāta-rate jaya jaya he mahiṣāsura-mardini ramya-kapardini śaila-sute

पदकमलं करुणानिलये वरिवस्यति योऽनुदिनं सुशिवे अयि कमले कमलानिलये कमलानिलयः स कथं न भवेत्।

Pada-kamalaṃ karuṇā-nilaye varivasyati yo'nudinaṃ śuśive ayi kamale kamalā-nilaye kamalā-nilayaḥ sa kathaṃ na bhavet

तव पदमेव परम्पदमित्यनुशीलयतो मम किं न शिवे जय जय हे महिषासुरमर्दिनि रम्यकपर्दिनि शैलसुते॥18॥

Tava padameva param-padam-ity-anuśīlayato mama kiṃ na śive jaya jaya he mahiṣāsura-mardini ramya-kapardini śaila-sute

कनकलसत्कलसिन्धुजलैरनुषिञ्चति तेगुणरङ्गभुवम् भजति स किं न शचीकुचकुम्भतटीपरिरम्भसुखानुभवम्।

Kanaka-lasat-kala-sindhu-jalair-anuṣiñcati te-guṇa-raṅga-bhuvam bhajati sa kiṃ na śacī-kuca-kumbha-taṭī-parirambha-sukhānubhavam

तव चरणं शरणं करवाणि नतामरवाणि निवासि शिवम् जय जय हे महिषासुरमर्दिनि रम्यकपर्दिनि शैलसुते॥19॥

Tava caraṇaṃ śaraṇaṃ karavāṇi natāmara-vāṇi nivāsi śivam jaya jaya he mahiṣāsura-mardini ramya-kapardini śaila-sute

तव विमलेन्दुकुलं वदनेन्दुमलं सकलं ननु कूलयते किमु पुरुहूतपुरीन्दु मुखी सुमुखीभिरसौ विमुखीक्रियते।

Tava vimala-indu-kulaṃ vadana-indu-malaṃ sakalaṃ nanu kūlayate kimu puruhūta-purī-indu mukhī sumukhibhir-asau vimukhī-kriyate

मम तु मतं शिवनामधने भवती कृपया किमुत क्रियते जय जय हे महिषासुरमर्दिनि रम्यकपर्दिनि शैलसुते॥20॥

Mama tu mataṃ śiva-nāma-dhane bhavatī kṛpayā kimuta kriyate jaya jaya he mahiṣāsura-mardini ramya-kapardini śaila-sute

अयि मयि दीन दयालुतया कृपयैव त्वया भवितव्यमुमे अयि जगतो जननी कृपयासि यथासि तथानुमितासिरते।

Ayi mayi dīna dayālutayā kṛpayaiva tvayā bhavitavyam-ume ayi jagato jananī kṛpayāsi yathāsi tathānumitāsī-rate

यदुचितमत्र भवत्युररीकुरुतादुरुतापमपाकुरुते जय जय हे महिषासुरमर्दिनि रम्यकपर्दिनि शैलसुते॥21॥

Yaducitam-atra bhavatyur-arī-kurutā-durutāpam-apā-kurute jaya jaya he mahiṣāsura-mardini ramya-kapardini śaila-sute