Mahalakshmi Ashtakam
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
नमस्तेऽस्तु महामाये श्रीपीठे सुरपूजिते ।
Namaste'stu mahāmāye śrīpīṭhe surapūjite |
शङ्खचक्रगदाहस्ते महालक्ष्मि नमोऽस्तु ते
Śaṅkhacakragadāhaste mahālakṣmi namo'stu te
verse 2
नमस्ते गरुडारूढे कोलासुरभयङ्करि ।
Namaste garuḍārūḍhe kolāsurabhayaṅkari |
सर्वपापहरे देवि महालक्ष्मि नमोऽस्तु ते
Sarvapāpahare devi mahālakṣmi namo'stu te
verse 3
सर्वज्ञे सर्ववरदे सर्वदुष्टभयङ्करि ।
Sarvajñe sarvavarade sarvaduṣṭabhayaṅkari |
सर्वदुःखहरे देवि महालक्ष्मि नमोऽस्तु ते
Sarvaduḥkhahare devi mahālakṣmi namo'stu te
verse 4
सिद्धिबुद्धिप्रदे देवि भुक्तिमुक्तिप्रदायिनि ।
Siddhibuddhiprade devi bhuktimuktipradāyini |
मन्त्रमूर्ते सदा देवि महालक्ष्मि नमोऽस्तु ते
Mantramūrte sadā devi mahālakṣmi namo'stu te
verse 5
आद्यन्तरहिते देवि आद्यशक्तिमहेश्वरि ।
Ādyantarahite devi ādyaśaktimaheśvari |
योगजे योगसम्भूते महालक्ष्मि नमोऽस्तु ते
Yogaje yogasambhūte mahālakṣmi namo'stu te
verse 6
स्थूलसूक्ष्ममहारौद्रे महाशक्ति महोदरे ।
Sthūlasūkṣmamahāraudre mahāśakti mahodare |
महापापहरे देवि महालक्ष्मि नमोऽस्तु ते
Mahāpāpahare devi mahālakṣmi namo'stu te
verse 7
पद्मासनस्थिते देवि परब्रह्मस्वरूपिणि ।
Padmāsanasthite devi parabrahmasvarūpiṇi |
परमेशि जगन्माता महालक्ष्मि नमोऽस्तु ते
Parameśi jaganmātā mahālakṣmi namo'stu te
verse 8
श्वेताम्बरधरे देवि नानालङ्कारभूषिते ।
Śvetāmbaradhare devi nānālaṅkārabhūṣite |
जगत्स्थिते जगन्मातर्महालक्ष्मि नमोऽस्तु ते
Jagatsthite jaganmātarmahālakṣmi namo'stu te
phalashruti
महालक्ष्म्यष्टकस्तोत्रं यः पठेद्भक्तिमान्नरः ।
Mahālakṣmyaṣṭakastotraṃ yaḥ paṭhedbhaktimānnaraḥ |
सर्वसिद्धिमवाप्नोति राज्यं प्राप्नोति सर्वदा ॥
Sarvasiddhimavāpnoti rājyaṃ prāpnoti sarvadā ||
एककाले पठेन्नित्यं महापापविनाशनम् ।
Ekakāle paṭhennityaṃ mahāpāpavināśanam |
द्विकालं यः पठेन्नित्यं धनधान्यसमन्वितः ॥
Dvikālaṃ yaḥ paṭhennityaṃ dhanadhānyasamanvitaḥ ||
त्रिकालं यः पठेन्नित्यं महाशत्रुविनाशनम् ।
Trikālaṃ yaḥ paṭhennityaṃ mahāśatruvināśanam |
महालक्ष्मीर्भवेन्नित्यं प्रसन्न वरदा शुभा ॥
Mahālakṣmīrbhavennityaṃ prasanna varadā śubhā ||
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.