Lakshmi Chalisa

मातु लक्ष्मी करि कृपा करो हृदय में वास । मनो कामना सिद्ध कर पुरवहु मेरी आस ॥

mātu lakṣmī kari kṛpā karo hṛdaya meṃ vāsa | mano kāmanā siddha kara puravahu merī āsa ||

सिंधु सुता विष्णुप्रिये नत शिर बारंबार । ऋद्धि सिद्धि मंगलप्रदे नत शिर बारंबार ॥

siṃdhu sutā viṣṇupriye nata śira bāraṃbāra | ṛddhi siddhi maṃgalaprade nata śira bāraṃbāra ||

सिन्धु सुता मैं सुमिरौं तोही । ज्ञान बुद्धि विद्या दो मोहि ॥

sindhu sutā maiṃ sumirauṃ tohī | jñāna buddhi vidyā do mohi ||

तुम समान नहिं कोई उपकारी । सब विधि पुरबहु आस हमारी ॥

tuma samāna nahiṃ koī upakārī | saba vidhi purabahu āsa hamārī ||

जै जै जगत जननि जगदम्बा । सबके तुमही हो स्वलम्बा ॥

jai jai jagata janani jagadambā | sabake tumahī ho svalambā ||

तुम ही हो घट घट के वासी । विनती यही हमारी खासी ॥

tuma hī ho ghaṭa ghaṭa ke vāsī | vinatī yahī hamārī khāsī ||

जग जननी जय सिन्धु कुमारी । दीनन की तुम हो हितकारी ॥

jaga jananī jaya sindhu kumārī | dīnana kī tuma ho hitakārī ||

विनवौं नित्य तुमहिं महारानी । कृपा करौ जग जननि भवानी ॥

vinavauṃ nitya tumahiṃ mahārānī | kṛpā karau jaga janani bhavānī ||

केहि विधि स्तुति करौं तिहारी । सुधि लीजै अपराध बिसारी ॥

kehi vidhi stuti karauṃ tihārī | sudhi lījai aparādha bisārī ||

कृपा दृष्टि चितवो मम ओरी । जगत जननि विनती सुन मोरी ॥

kṛpā dṛṣṭi citavo mama orī | jagata janani vinatī suna morī ||

ज्ञान बुद्धि जय सुख की दाता । संकट हरो हमारी माता ॥

jñāna buddhi jaya sukha kī dātā | saṃkaṭa haro hamārī mātā ||

क्षीर सिंधु जब विष्णु मथायो । चौदह रत्न सिंधु में पायो ॥

kṣīra siṃdhu jaba viṣṇu mathāyo | caudaha ratna siṃdhu meṃ pāyo ||

चौदह रत्न में तुम सुखरासी । सेवा कियो प्रभुहिं बनि दासी ॥

caudaha ratna meṃ tuma sukharāsī | sevā kiyo prabhuhiṃ bani dāsī ||

जब जब जन्म जहां प्रभु लीन्हा । रूप बदल तहं सेवा कीन्हा ॥

jaba jaba janma jahāṃ prabhu līnhā | rūpa badala tahaṃ sevā kīnhā ||

स्वयं विष्णु जब नर तनु धारा । लीन्हेउ अवधपुरी अवतारा ॥

svayaṃ viṣṇu jaba nara tanu dhārā | līnheu avadhapurī avatārā ||

तब तुम प्रकट जनकपुर माहीं । सेवा कियो हृदय पुलकाहीं ॥

taba tuma prakaṭa janakapura māhīṃ | sevā kiyo hṛdaya pulakāhīṃ ||

अपनायो तोहि अन्तर्यामी । विश्व विदित त्रिभुवन की स्वामी ॥

apanāyo tohi antaryāmī | viśva vidita tribhuvana kī svāmī ||

तुम सब प्रबल शक्ति नहिं आनी । कहं तक महिमा कहौं बखानी ॥

tuma saba prabala śakti nahiṃ ānī | kahaṃ taka mahimā kahauṃ bakhānī ||

मन क्रम वचन करै सेवकाई । मन-इच्छित वांछित फल पाई ॥

mana krama vacana karai sevakāī | mana-icchita vāṃchita phala pāī ||

तजि छल कपट और चतुराई । पूजहिं विविध भांति मन लाई ॥

taji chala kapaṭa aura caturāī | pūjahiṃ vividha bhāṃti mana lāī ||

और हाल मैं कहौं बुझाई । जो यह पाठ करे मन लाई ॥

aura hāla maiṃ kahauṃ bujhāī | jo yaha pāṭha kare mana lāī ||

ताको कोई कष्ट न होई । मन इच्छित फल पावै फल सोई ॥

tāko koī kaṣṭa na hoī | mana icchita phala pāvai phala soī ||

त्राहि-त्राहि जय दुःख निवारिणी । त्रिविध ताप भव बंधन हारिणि ॥

trāhi-trāhi jaya duḥkha nivāriṇī | trividha tāpa bhava baṃdhana hāriṇi ||

जो यह चालीसा पढ़े और पढ़ावे । इसे ध्यान लगाकर सुने सुनावै ॥

jo yaha cālīsā par̤he aura par̤hāve | ise dhyāna lagākara sune sunāvai ||

ताको कोई न रोग सतावै । पुत्र आदि धन सम्पत्ति पावै ॥

tāko koī na roga satāvai | putra ādi dhana sampatti pāvai ||

पुत्र हीन और सम्पत्ति हीना । अन्धा बधिर कोढ़ी अति दीना ॥

putra hīna aura sampatti hīnā | andhā badhira kor̤hī ati dīnā ||

विप्र बोलाय कै पाठ करावै । शंका दिल में कभी न लावै ॥

vipra bolāya kai pāṭha karāvai | śaṃkā dila meṃ kabhī na lāvai ||

पाठ करावै दिन चालीसा । ता पर कृपा करैं गौरीसा ॥

pāṭha karāvai dina cālīsā | tā para kṛpā karaiṃ gaurīsā ||

सुख सम्पत्ति बहुत सी पावै । कमी नहीं काहू की आवै ॥

sukha sampatti bahuta sī pāvai | kamī nahīṃ kāhū kī āvai ||

बारह मास करै जो पूजा । तेहि सम धन्य और नहिं दूजा ॥

bāraha māsa karai jo pūjā | tehi sama dhanya aura nahiṃ dūjā ||

प्रतिदिन पाठ करै मन माहीं । उन सम कोई जग में नाहिं ॥

pratidina pāṭha karai mana māhīṃ | una sama koī jaga meṃ nāhiṃ ||

बहु विधि क्या मैं करौं बड़ाई । लेय परीक्षा ध्यान लगाई ॥

bahu vidhi kyā maiṃ karauṃ bar̤āī | leya parīkṣā dhyāna lagāī ||

करि विश्वास करैं व्रत नेमा । होय सिद्ध उपजै उर प्रेमा ॥

kari viśvāsa karaiṃ vrata nemā | hoya siddha upajai ura premā ||

जय जय जय लक्ष्मी महारानी । सब में व्यापित जो गुण खानी ॥

jaya jaya jaya lakṣmī mahārānī | saba meṃ vyāpita jo guṇa khānī ||

तुम्हरो तेज प्रबल जग माहीं । तुम सम कोउ दयाल कहूं नाहीं ॥

tumharo teja prabala jaga māhīṃ | tuma sama kou dayāla kahūṃ nāhīṃ ||

मोहि अनाथ की सुधि अब लीजै । संकट काटि भक्ति मोहि दीजे ॥

mohi anātha kī sudhi aba lījai | saṃkaṭa kāṭi bhakti mohi dīje ||

भूल चूक करी क्षमा हमारी । दर्शन दीजै दशा निहारी ॥

bhūla cūka karī kṣamā hamārī | darśana dījai daśā nihārī ||

बिन दरशन व्याकुल अधिकारी । तुमहिं अक्षत दुःख सहते भारी ॥

bina daraśana vyākula adhikārī | tumahiṃ akṣata duḥkha sahate bhārī ||

नहिं मोहिं ज्ञान बुद्धि है तन में । सब जानत हो अपने मन में ॥

nahiṃ mohiṃ jñāna buddhi hai tana meṃ | saba jānata ho apane mana meṃ ||

रूप चतुर्भुज करके धारण । कष्ट मोर अब करहु निवारण ॥

rūpa caturbhuja karake dhāraṇa | kaṣṭa mora aba karahu nivāraṇa ||

कहि प्रकार मैं करौं बड़ाई । ज्ञान बुद्धि मोहिं नहिं अधिकाई ॥

kahi prakāra maiṃ karauṃ bar̤āī | jñāna buddhi mohiṃ nahiṃ adhikāī ||

रामदास अब कहै पुकारी । करो दूर तुम विपति हमारी ॥

rāmadāsa aba kahai pukārī | karo dūra tuma vipati hamārī ||

त्राहि त्राहि दुःख हारिणी हरो बेगि सब त्रास । जयति जयति जय लक्ष्मी करो शत्रुन का नाश ॥

trāhi trāhi duḥkha hāriṇī haro begi saba trāsa | jayati jayati jaya lakṣmī karo śatruna kā nāśa ||

रामदास धरि ध्यान नित विनय करत कर जोर । मातु लक्ष्मी दास पर करहु दया की कोर ॥

rāmadāsa dhari dhyāna nita vinaya karata kara jora | mātu lakṣmī dāsa para karahu dayā kī kora ||