Lingashtakam
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
ब्रह्ममुरारिसुरार्चितलिङ्गं निर्मलभासितशोभितलिङ्गम्।
Brahma-murāri-surārcita-liṅgaṃ nirmala-bhāsita-śobhita-liṅgam
जन्मजदुःखविनाशकलिङ्गं तत् प्रणमामि सदाशिवलिङ्गम्॥1॥
Janmaja-duḥkha-vināśaka-liṅgaṃ tat praṇamāmi sadāśiva-liṅgam
verse 2
देवमुनिप्रवरार्चितलिङ्गं कामदहं करुणाकर लिङ्गम्।
Deva-muni-pravarārcita-liṅgaṃ kāmadahaṃ karuṇākara liṅgam
रावणदर्पविनाशनलिङ्गं तत् प्रणमामि सदाशिव लिङ्गम्॥2॥
Rāvaṇa-darpa-vināśana-liṅgaṃ tat praṇamāmi sadāśiva liṅgam
verse 3
सर्वसुगन्धिसुलेपितलिङ्गं बुद्धिविवर्धनकारणलिङ्गम्।
Sarva-sugandhi-sulepita-liṅgaṃ buddhi-vivardhanakāraṇa-liṅgam
सिद्धसुरासुरवन्दितलिङ्गं तत् प्रणमामि सदाशिव लिङ्गम्॥3॥
Siddha-surāsura-vandita-liṅgaṃ tat praṇamāmi sadāśiva liṅgam
verse 4
कनकमहामणिभूषितलिङ्गं फणिपतिवेष्टित शोभित लिङ्गम्।
Kanaka-mahāmaṇi-bhūṣita-liṅgaṃ phaṇipati-veṣṭita śobhita liṅgam
दक्षसुयज्ञविनाशन लिङ्गं तत् प्रणमामि सदाशिव लिङ्गम्॥4॥
Dakṣa-suyajña-vināśana liṅgaṃ tat praṇamāmi sadāśiva liṅgam
verse 5
कुङ्कुमचन्दनलेपितलिङ्गं पङ्कजहारसुशोभितलिङ्गम्।
Kuṅkuma-candana-lepita-liṅgaṃ paṅkaja-hāra-suśobhita-liṅgam
सञ्चितपापविनाशनलिङ्गं तत् प्रणमामि सदाशिव लिङ्गम्॥5॥
Sañcita-pāpa-vināśana-liṅgaṃ tat praṇamāmi sadāśiva liṅgam
verse 6
देवगणार्चित सेवितलिङ्गं भावैर्भक्तिभिरेव च लिङ्गम्।
Deva-gaṇārcita sevita-liṅgaṃ bhāvair bhaktibhir eva ca liṅgam
दिनकरकोटिप्रभाकरलिङ्गं तत् प्रणमामि सदाशिव लिङ्गम्॥6॥
Dinakara-koṭi-prabhākara-liṅgaṃ tat praṇamāmi sadāśiva liṅgam
verse 7
अष्टदलोपरिवेष्टितलिङ्गं सर्वसमुद्भवकारणलिङ्गम्।
Aṣṭadala-upari-veṣṭita-liṅgaṃ sarva-samudbhava-kāraṇa-liṅgam
अष्टदरिद्रविनाशनलिङ्गं तत् प्रणमामि सदाशिव लिङ्गम्॥7॥
Aṣṭa-daridra-vināśana-liṅgaṃ tat praṇamāmi sadāśiva liṅgam
verse 8
सुरगुरुसुरवरपूजित लिङ्गं सुरवनपुष्प सदार्चित लिङ्गम्।
Sura-guru-suravara-pūjita liṅgaṃ sura-vana-puṣpa sadārcita liṅgam
परात्परं परमात्मक लिङ्गं तत् प्रणमामि सदाशिव लिङ्गम्॥8॥
Parātparaṃ paramātmaka liṅgaṃ tat praṇamāmi sadāśiva liṅgam
phalashruti
लिङ्गाष्टकमिदं पुण्यं यः पठेत् शिवसन्निधौ।
Liṅgāṣṭakam idaṃ puṇyaṃ yaḥ paṭhet śiva-sannidhau
शिवलोकमवाप्नोति शिवेन सह मोदते॥9॥
Śivalokam avāpnoti śivena saha modate
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.