Kilak Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
ॐ विशुद्धज्ञानदेहाय त्रिवेदीदिव्यचक्षुषे ।
Oṃ viśuddhajñānadehāya trivedīdivyacakṣuṣe |
श्रेयःप्राप्तिनिमित्ताय नमः सोमार्धधारिणे
Śreyaḥprāptinimittāya namaḥ somārdhadhāriṇe
verse 2
सर्वमेतद्विजानीयान्मन्त्राणामपि कीलकम् ।
Sarvametadvijānīyānmantrāṇāmapi kīlakam |
सोऽपि क्षेममवाप्नोति सततं जप्यतत्परः
So'pi kṣemamavāpnoti satataṃ japyatatparaḥ
verse 3
सिद्ध्यन्त्युच्चाटनादीनि कर्माणि सकलान्यपि ।
Siddhyantyuccāṭanādīni karmāṇi sakalānyapi |
एतेन स्तुवतां देवीं स्तोत्रवृन्देन भक्तितः
Etena stuvatāṃ devīṃ stotravṛndena bhaktitaḥ
verse 4
न मन्त्रो नौषधं तस्य न किञ्चिदपि विद्यते ।
Na mantro nauṣadhaṃ tasya na kiñcidapi vidyate |
विना जप्येन सिद्ध्येत्तु सर्वमुच्चाटनादिकम्
Vinā japyena siddhyettu sarvamuccāṭanādikam
verse 5
समग्राण्यपि सेत्स्यन्ति लोकशङ्कामिमां हरः ।
Samagrāṇyapi setsyanti lokaśaṅkāmimāṃ haraḥ |
कृत्वा निमन्त्रयामास सर्वमेवमिदं शुभम्
Kṛtvā nimantrayāmāsa sarvamevamidaṃ śubham
verse 6
स्तोत्रं वै चण्डिकायास्तु तच्च गुह्यं चकार सः ।
Stotraṃ vai caṇḍikāyāstu tacca guhyaṃ cakāra saḥ |
समाप्नोति स पुण्येन तां यथावन्निमन्त्रणाम्
Samāpnoti sa puṇyena tāṃ yathāvannimantraṇām
verse 7
सोऽपि क्षेममवाप्नोति सर्वमेव न संशयः ।
So'pi kṣemamavāpnoti sarvameva na saṃśayaḥ |
कृष्णायां वा चतुर्दश्यामष्टम्यां वा समाहितः
Kṛṣṇāyāṃ vā caturdaśyāmaṣṭamyāṃ vā samāhitaḥ
verse 8
ददाति प्रतिगृह्णाति नान्यथैषा प्रसीदति ।
Dadāti pratigṛhṇāti nānyathaiṣā prasīdati |
इत्थं रूपेण कीलेन महादेवेन कीलितम्
Itthaṃ rūpeṇa kīlena mahādevena kīlitam
verse 9
यो निष्कीलां विधायैनां चण्डीं जपति नित्यशः ।
Yo niṣkīlāṃ vidhāyaināṃ caṇḍīṃ japati nityaśaḥ |
स सिद्धः स गणः सोऽथ गन्धर्वो जायते ध्रुवम्
Sa siddhaḥ sa gaṇaḥ so'tha gandharvo jāyate dhruvam
verse 10
न चैवापाटवं तस्य भयं क्वापि न जायते ।
Na caivāpāṭavaṃ tasya bhayaṃ kvāpi na jāyate |
नापमृत्युवशं याति मृते च मोक्षमाप्नुयात्
Nāpamṛtyuvaśaṃ yāti mṛte ca mokṣamāpnuyāt
verse 11
ज्ञात्वा प्रारभ्य कुर्वीत ह्यकुर्वाणो विनश्यति ।
Jñātvā prārabhya kurvīta hyakurvāṇo vinaśyati |
ततो ज्ञात्वैव सम्पूर्णमिदं प्रारभ्यते बुधैः
Tato jñātvaiva sampūrṇamidaṃ prārabhyate budhaiḥ
verse 12
सौभाग्यादि च यत्किञ्चिद् दृश्यते ललनाजने ।
Saubhāgyādi ca yatkiñcid dṛśyate lalanājane |
तत्सर्वं तत्प्रसादेन तेन जप्यमिदम् शुभम्
Tatsarvaṃ tatprasādena tena japyamidam śubham
verse 13
शनैस्तु जप्यमानेऽस्मिन् स्तोत्रे सम्पत्तिरुच्चकैः ।
Śanaistu japyamāne'smin stotre sampattiruccakaiḥ |
भवत्येव समग्रापि ततः प्रारभ्यमेव तत्
Bhavatyeva samagrāpi tataḥ prārabhyameva tat
verse 14
ऐश्वर्यं तत्प्रसादेन सौभाग्यारोग्यमेव च ।
Aiśvaryaṃ tatprasādena saubhāgyārogyameva ca |
शत्रुहानिः परो मोक्षः स्तूयते सा न किं जनैः
Śatruhāniḥ paro mokṣaḥ stūyate sā na kiṃ janaiḥ
verse 15
चण्डिकां हृदयेनापि यः स्मरेत् सततं नरः ।
Caṇḍikāṃ hṛdayenāpi yaḥ smaret satataṃ naraḥ |
हृद्यं काममवाप्नोति हृदि देवी सदा वसेत्
Hṛdyaṃ kāmamavāpnoti hṛdi devī sadā vaset
verse 16
अग्रतोऽमुं महादेवकृतं कीलकवारणम् ।
Agrato'muṃ mahādevakṛtaṃ kīlakavāraṇam |
निष्कीलञ्च तथा कृत्वा पठितव्यं समाहितैः
Niṣkīlañca tathā kṛtvā paṭhitavyaṃ samāhitaiḥ
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.