Kanakadhara Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
अङ्गं हरेः पुलकभूषणमाश्रयन्ती भृङ्गाङ्गनेव मुकुलाभरणं तमालम्।
Aṅgaṃ hareḥ pulaka-bhūṣaṇam-āśrayantī bhṛṅgāṅganeva mukulābharaṇaṃ tamālam
अङ्गीकृताऽखिल-विभूतिरपाङ्गलीला माङ्गल्यदाऽस्तु मम मङ्गळदेवतायाः॥1॥
Aṅgīkṛtā'khila-vibhūtir-apāṅga-līlā māṅgalyadā'stu mama maṅgaḷa-devatāyāḥ
verse 2
मुग्धा मुहुर्विदधती वदने मुरारेः प्रेमत्रपा-प्रणहितानि गताऽऽगतानि।
Mugdhā muhur-vidadhatī vadane murāreḥ prema-trapā-praṇahitāni gatā'gatāni
मालादृशोर्मधुकरीव महोत्पले या सा मे श्रियं दिशतु सागरसम्भवायाः॥2॥
Mālādṛśor-madhukarīva mahotpale yā sā me śriyaṃ diśatu sāgara-sambhavāyāḥ
verse 3
विश्वामरेन्द्रपद-वीभ्रमदानदक्ष आनन्द-हेतुरधिकं मुरविद्विषोऽपि।
Viśvāmarendrapada-vībhramadāna-dakṣa ānanda-hetur-adhikaṃ mura-vidviṣo'pi
ईषन्निषीदतु मयि क्षणमीक्षणर्द्धम् इन्दीवरोदर-सहोदरमिन्दिरायाः॥3॥
Īṣan-niṣīdatu mayi kṣaṇam-īkṣaṇarddham indīvarodara-sahodaram-indirāyāḥ
verse 4
आमीलिताक्षमधिगम्य मुदा मुकुन्द आनन्दकन्दमनिमेषमनङ्गतन्त्रम्।
Āmīlitākṣam-adhigamya mudā Mukunda ānanda-kandam-animeṣam-anaṅga-tantram
आकेकरस्थित-कनीनिकपक्ष्मनेत्रं भूत्यै भवेन्मम भुजङ्गशयाङ्गनायाः॥4॥
Ākekara-sthita-kanīnika-pakṣma-netraṃ bhūtyai bhaven-mama bhujaṅga-śayāṅganāyāḥ
verse 5
बाह्वन्तरे मधुजितः श्रित कौस्तुभे या हारावलीव हरिनीलमयी विभाति।
Bāhvantare madhujitaḥ śrita kaustu-bhe yā hārāvalīva harinīlamayī vibhāti
कामप्रदा भगवतोऽपि कटाक्षमाला कल्याणमावहतु मे कमलालयायाः॥5॥
Kāmapradā bhagavato'pi kaṭākṣamālā kalyāṇam-āvahatu me kamalālayāyāḥ
verse 6
कालाम्बुदाळि-ललितोरसि कैटभारे-र्धाराधरे स्फुरति या तडिदङ्गनेव।
Kālāmbudāḷi-lalitorasi kaiṭabhārer-dhārādhare sphurati yā taḍid-aṅganeva
मातुः समस्तजगतां महनीयमूर्ति-र्भद्राणि मे दिशतु भार्गवनन्दनायाः॥6॥
Mātuḥ samasta-jagatāṃ mahanīya-mūrtir-bhadrāṇi me diśatu bhārgava-nandanāyāḥ
verse 7
प्राप्तं पदं प्रथमतः किल यत् प्रभावान् माङ्गल्यभाजि मधुमाथिनि मन्मथेन।
Prāptaṃ padaṃ prathamataḥ kila yat prabhāvān māṅgalya-bhāji madhumāthini manmathena
मय्यापतेत्तदिह मन्थर-मीक्षणार्धं मन्दाऽलसञ्च मकरालय-कन्यकायाः॥7॥
Mayy-āpatet-tadiha manthara-mīkṣaṇārdhaṃ mandā'lasañca makarālaya-kanyakāyāḥ
verse 8
दद्याद् दयानुपवनो द्रविणाम्बुधारां अस्मिन्नकिञ्चन विहङ्गशिशौ विषण्णे।
Dadyād dayānupavano draviṇāmbudhārām asmin-nakiñcana vihaṅga-śiśau viṣaṇṇe
दुष्कर्म-घर्ममपनीय चिराय दूरं नारायण-प्रणयिनी नयनाम्बुवाहः॥8॥
Duṣkarma-gharmam-apanīya cirāya dūraṃ nārāyaṇa-praṇayinī nayanāmbuvāhaḥ
verse 9
इष्टाविशिष्टमतयोऽपि यया दयार्द्र दृष्ट्यात्रिविष्टपपदं सुलभं लभन्ते।
Iṣṭā-viśiṣṭa-matayo'pi yayā dayārdra dṛṣṭyā-triviṣṭapa-padaṃ sulabhaṃ labhante
दृष्टिः प्रहृष्ट-कमलोदर-दीप्तिरिष्टां पुष्टिं कृषीष्ट मम पुष्करविष्टरायाः॥9॥
Dṛṣṭiḥ prahṛṣṭa-kamalodara-dīptir-iṣṭāṃ puṣṭiṃ kṛṣīṣṭa mama puṣkara-viṣṭarāyāḥ
verse 10
गीर्देवतेति गरुडध्वजभामिनीति शाकम्भरीति शशिशेखर-वल्लभेति।
Gīr-devateti garuḍadhvaja-bhāminīti śākambharīti śaśiśekhara-vallabheti
सृष्टि-स्थिति-प्रलय-केलिषु संस्थितायै तस्यै नमस्त्रिभुवनैकगुरोस्तरुण्यै॥10॥
Sṛṣṭi-sthiti-pralaya-keliṣu saṃsthitāyai tasyai namas-tri-bhuvanaikaGuros-taruṇyai
verse 11
श्रुत्यै नमोऽस्तु नमस्त्रिभुवनैक-फलप्रसूत्यै रत्यै नमोऽस्तु रमणीय गुणाश्रयायै।
Śrutyai namo'stu namas-tribhuvanaika-phala-prasūtyai ratyai namo'stu ramaṇīya-guṇāśrayāyai
शक्त्यै नमोऽस्तु शतपत्र निकेतनायै पुष्ट्यै नमोऽस्तु पुरुषोत्तम-वल्लभायै॥11॥
Śaktyai namo'stu śatapatra-niketanāyai puṣṭyai namo'stu puruṣottama-vallabhāyai
verse 12
नमोऽस्तु नालीक-निभाननायै नमोऽस्तु दुग्धोदधि-जन्मभूत्यै।
Namo'stu nālīka-nibhānanāyai namo'stu dugdhoda-dhi-janma-bhūtyai
नमोऽस्तु सोमामृत-सोदरायै नमोऽस्तु नारायण-वल्लभायै॥12॥
Namo'stu somāmṛta-sodarāyai namo'stu nārāyaṇa-vallabhāyai
verse 13
नमोऽस्तु हेमाम्बुजपीठिकायै नमोऽस्तु भूमण्डलनायिकायै।
Namo'stu hemāmbuja-pīṭhikāyai namo'stu bhūmaṇḍala-nāyikāyai
नमोऽस्तु देवादिदयापरायै नमोऽस्तु शार्ङ्गायुधवल्लभायै॥13॥
Namo'stu devādi-dayāparāyai namo'stu śārṅgāyudha-vallabhāyai
verse 14
नमोऽस्तु देव्यै भृगुनन्दनायै नमोऽस्तु विष्णोरुरसि स्थितायै।
Namo'stu devyai bhṛgu-nandanāyai namo'stu viṣṇor-urasi sthitāyai
नमोऽस्तु लक्ष्म्यै कमलालयायै नमोऽस्तु दामोदरवल्लभायै॥14॥
Namo'stu lakṣmyai kamalālayāyai namo'stu dāmodara-vallabhāyai
verse 15
नमोऽस्तु कान्त्यै कमलेक्षणायै नमोऽस्तु भूत्यै भुवनप्रसूत्यै।
Namo'stu kāntyai kamalekṣaṇāyai namo'stu bhūtyai bhuvana-prasūtyai
नमोऽस्तु देवादिभिरर्चितायै नमोऽस्तु नन्दात्मजवल्लभायै॥15॥
Namo'stu devādibhir-arcitāyai namo'stu nandātmaja-vallabhāyai
verse 16
सम्पत्कराणि सकलेन्द्रिय-नन्दनानि साम्राज्यदान विभवानि सरोरुहाक्षि।
Sampat-karāṇi sakala-indriya-nandanāni sāmrājya-dāna-vibhavāni saroruha-akṣi
त्वद्-वन्दनानि दुरिताहरणोद्यतानि मामेव मातरनिशं कलयन्तु नान्यत्॥16॥
Tvad-vandanāni duritā-haraṇodya-tāni māmeva mātara-niśaṃ kalantu nānyat
verse 17
यत्कटाक्ष-समुपासनाविधिः सेवकस्य सकलार्थसम्पदः।
Yat-kaṭākṣa-samupāsanāvidhiḥ sevakasya sakalārtha-sampadaḥ
सन्तनोति वचनाऽङ्गमानसैः त्वां मुरारि-हृदयेश्वरीं भजे॥17॥
Santanoti vacanā'ṅga-mānasaiḥ tvāṃ murāri-hṛdayeśvarīṃ bhaje
verse 18
सरसिज-निलये सरोजहस्ते धवळतरांशुक-गन्ध-माल्यशोभे।
Sarasija-nilaye saroja-haste dhavaḷatarāṃśuka-gandha-mālya-śobhe
भगवति हरिवल्लभे मनोज्ञे त्रिभुवन-भूतिकरि प्रसीद मह्यम्॥18॥
Bhagavati hari-vallabhe manojñe tri-bhuvana-bhūti-kari prasīda mahyam
verse 19
दिग्घस्तिभिः कनककुम्भमुखावसृष्ट स्वर्वाहिनीविमलचारु-जलप्लुताङ्गीम्।
Digghastibhiḥ kanaka-kumbha-mukhāvasṛṣṭa svar-vāhinī-vimala-cāru-jala-plutāṅgīm
प्रातर्नमामि जगतां जननीमशेष लोकाधिराजगृहिणीम मृताब्धिपुत्रीम्॥19॥
Prātar-namāmi jagatāṃ jananīm-aśeṣa lokādhirāja-gṛhiṇīm amṛtābdhi-putrīm
verse 20
कमले कमलाक्षवल्लभे त्वं करुणापूर-तरङ्गितैरपाङ्गैः।
Kamale kamalākṣa-vallabhe tvaṃ karuṇāpūra-taraṅgitair-apāṅgaiḥ
अवलोकय मामकिञ्चनानां प्रथमं पात्रमकृत्रिमं दयायाः॥20॥
Avalokaya māmakiñcanānāṃ prathamaṃ pātram-akṛtrimaṃ dayāyāḥ
verse 21
स्तुवन्ति ये स्तुतिभिरमीभिरन्वहं त्रयीमयीं त्रिभुवनमातरं रमाम्।
Stuvanti ye stutibhir-amībhir-anvahaṃ trayīmayīṃ tribhuvana-mātaraṃ ramām
गुणाधिका गुरुतरभाग्यभागिनो भवन्ति ते भुविबुधभाविताशयाः॥21॥
Guṇādhikā gurutara-bhāgya-bhāgino bhavanti te bhuvibudha-bhāvitāśayāḥ
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.