Devi Kavacham

ॐ अस्य श्रीचण्डीकवचस्यब्रह्मा ऋषिः अनुष्टुप् छन्दः

Oṃ asya śrīcaṇḍīkavacasyabrahmā ṛṣiḥ anuṣṭup chandaḥ

चामुण्डा देवता अङ्गन्यासोक्तमातरोबीजम् दिग्बन्धदेवतास्तत्त्वम्

Cāmuṇḍā devatā aṅganyāsoktamātarobījam digbandhadevatāstattvam

श्रीजगदम्बाप्रीत्यर्थे सप्तशतीपाठाङ्गत्वेनजपे विनियोगः

Śrījagadambāprītyarthe saptaśatīpāṭhāṅgatvenajape viniyogaḥ

ॐ नमश्चण्डिकायै

Oṃ namaścaṇḍikāyai

मार्कण्डेय उवाच

Mārkaṇḍeya uvāca

ॐ यद्गुह्यं परमं लोकेसर्वरक्षाकरं नृणाम्

Oṃ yadguhyaṃ paramaṃ lokesarvarakṣākaraṃ nṛṇām

यन्न कस्यचिदाख्यातंतन्मे ब्रूहि पितामह

Yanna kasyacidākhyātaṃtanme brūhi pitāmaha

ब्रह्मोवाच

Brahmovāca

अस्ति गुह्यतमं विप्र सर्वभूतोपकारकम्

Asti guhyatamaṃ vipra sarvabhūtopakārakam

देव्यास्तु कवचं पुण्यं तच्छृणुष्व महामुने

Devyāstu kavacaṃ puṇyaṃ tacchṛṇuṣva mahāmune

प्रथमं शैलपुत्री च द्वितीयं ब्रह्मचारिणी

Prathamaṃ śailaputrī ca dvitīyaṃ brahmacāriṇī

तृतीयं चन्द्रघण्टेति कूष्माण्डेति चतुर्थकम्

Tṛtīyaṃ candraghaṇṭeti kūṣmāṇḍeti caturthakam

पञ्चमं स्कन्दमातेति षष्ठं कात्यायनीति च

Pañcamaṃ skandamāteti ṣaṣṭhaṃ kātyāyanīti ca

सप्तमं कालरात्रीति महागौरीति चाष्टमम्

Saptamaṃ kālarātrīti mahāgaurīti cāṣṭamam

नवमं सिद्धिदात्री च नवदुर्गाः प्रकीर्तिताः

Navamaṃ siddhidātrī ca navadurgāḥ prakīrtitāḥ

उक्तान्येतानि नामानि ब्रह्मणैव महात्मना

Uktānyetāni nāmāni brahmaṇaiva mahātmanā

अग्निना दह्यमानस्तु शत्रुमध्ये गतो रणे

Agninā dahyamānastu śatrumadhye gato raṇe

विषमे दुर्गमे चैव भयार्ताः शरणं गताः

Viṣame durgame caiva bhayārtāḥ śaraṇaṃ gatāḥ

न तेषां जायते किञ्चिदशुभं रणसङ्कटे

Na teṣāṃ jāyate kiñcidaśubhaṃ raṇasaṅkaṭe

नापदं तस्य पश्यामि शोकदुःखभयं न हि

Nāpadaṃ tasya paśyāmi śokaduḥkhabhayaṃ na hi

यैस्तु भक्त्या स्मृता नूनं तेषां वृद्धिः प्रजायते

Yaistu bhaktyā smṛtā nūnaṃ teṣāṃ vṛddhiḥ prajāyate

ये त्वां स्मरन्ति देवेशि रक्षसे तान्न संशयः

Ye tvāṃ smaranti deveśi rakṣase tānna saṃśayaḥ

प्रेतसंस्था तु चामुण्डा वाराही महिषासना

Pretasaṃsthā tu cāmuṇḍā vārāhī mahiṣāsanā

ऐन्द्री गजसमारुढा वैष्णवी गरुडासना

Aindrī gajasamāruḍhā vaiṣṇavī garuḍāsanā

माहेश्वरी वृषारुढा कौमारी शिखिवाहना

Māheśvarī vṛṣāruḍhā kaumārī śikhivāhanā

लक्ष्मीः पद्मासना देवी पद्महस्ता हरिप्रिया

Lakṣmīḥ padmāsanā devī padmahastā haripriyā

श्वेतरूपधरा देवी ईश्वरी वृषवाहना

Śvetarūpadharā devī īśvarī vṛṣavāhanā

ब्राह्मी हंससमारुढा सर्वाभरणभूषिता

Brāhmī haṃsasamāruḍhā sarvābharaṇabhūṣitā

इत्येता मातरः सर्वाः सर्वयोगसमन्विताः

Ityetā mātaraḥ sarvāḥ sarvayogasamanvitāḥ

नानाभरणशोभाढ्या नानारत्नोपशोभिताः

Nānābharaṇaśobhāḍhyā nānāratnopaśobhitāḥ

दृश्यन्ते रथमारुढा देव्यः क्रोधसमाकुलाः

Dṛśyante rathamāruḍhā devyaḥ krodhasamākulāḥ

शङ्खं चक्रं गदां शक्तिं हलं च मुसलायुधम्

Śaṅkhaṃ cakraṃ gadāṃ śaktiṃ halaṃ ca musalāyudham

खेटकं तोमरं चैव परशुं पाशमेव च

Kheṭakaṃ tomaraṃ caiva paraśuṃ pāśameva ca

कुन्तायुधं त्रिशूलं च शार्ङ्गमायुधमुत्तमम्

Kuntāyudhaṃ triśūlaṃ ca śārṅgamāyudhamuttamam

दैत्यानां देहनाशाय भक्तानामभयाय च

Daityānāṃ dehanāśāya bhaktānāmabhayāya ca

धारयन्त्यायुधानीत्थं देवानां च हिताय वै

Dhārayantyāyudhānītthaṃ devānāṃ ca hitāya vai

नमस्तेऽस्तु महारौद्रे महाघोरपराक्रमे

Namaste'stu mahāraudre mahāghoraparākrame

महाबले महोत्साहे महाभयविनाशिनि

Mahābale mahotsāhe mahābhayavināśini

त्राहि मां देवि दुष्प्रेक्ष्ये शत्रूणां भयवर्धिनि

Trāhi māṃ devi duṣprekṣye śatrūṇāṃ bhayavardhini

प्राच्यां रक्षतु मामैन्द्री आग्नेय्यामग्निदेवता

Prācyāṃ rakṣatu māmaindrī āgneyyāmagnidevatā

दक्षिणेऽवतु वाराही नैर्ऋत्यां खड्गधारिणी

Dakṣiṇe'vatu vārāhī nairṛtyāṃ khaḍgadhāriṇī

प्रतीच्यां वारुणी रक्षेद् वायव्यां मृगवाहिनी

Pratīcyāṃ vāruṇī rakṣed vāyavyāṃ mṛgavāhinī

उदीच्यां पातु कौमारी ऐशान्यां शूलधारिणी

Udīcyāṃ pātu kaumārī aiśānyāṃ śūladhāriṇī

ऊर्ध्वं ब्रह्माणि मे रक्षेदधस्ताद् वैष्णवी तथा

Ūrdhvaṃ brahmāṇi me rakṣedadhastād vaiṣṇavī tathā

एवं दश दिशो रक्षेच्चामुण्डा शववाहना

Evaṃ daśa diśo rakṣeccāmuṇḍā śavavāhanā

जया मे चाग्रतः पातु विजया पातु पृष्ठतः

Jayā me cāgrataḥ pātu vijayā pātu pṛṣṭhataḥ

अजिता वामपार्श्वे तु दक्षिणे चापराजिता

Ajitā vāmapārśve tu dakṣiṇe cāparājitā

शिखामुद्योतिनि रक्षेदुमा मूर्ध्नि व्यवस्थिता

Śikhāmudyotini rakṣedumā mūrdhni vyavasthitā

मालाधरी ललाटे च भ्रुवौ रक्षेद् यशस्विनी

Mālādharī lalāṭe ca bhruvau rakṣed yaśasvinī

त्रिनेत्रा च भ्रुवोर्मध्ये यमघण्टा च नासिके

Trinetrā ca bhruvormadhye yamaghaṇṭā ca nāsike

शङ्खिनी चक्षुषोर्मध्ये श्रोत्रयोर्द्वारवासिनी

Śaṅkhinī cakṣuṣormadhye śrotrayordvāravāsinī

कपोलौ कालिका रक्षेत्कर्णमूले तु शाङ्करी

Kapolau kālikā rakṣetkarṇamūle tu śāṅkarī

नासिकायां सुगन्धा च उत्तरोष्ठे च चर्चिका

Nāsikāyāṃ sugandhā ca uttaroṣṭhe ca carcikā

अधरे चामृतकला जिह्वायां च सरस्वती

Adhare cāmṛtakalā jihvāyāṃ ca sarasvatī

दन्तान् रक्षतु कौमारी कण्ठदेशे तु चण्डिका

Dantān rakṣatu kaumārī kaṇṭhadeśe tu caṇḍikā

घण्टिकां चित्रघण्टा च महामाया च तालुके

Ghaṇṭikāṃ citraghaṇṭā ca mahāmāyā ca tāluke

कामाक्षी चिबुकं रक्षेद् वाचं मे सर्वमङ्गला

Kāmākṣī cibukaṃ rakṣed vācaṃ me sarvamaṅgalā

ग्रीवायां भद्रकाली च पृष्ठवंशे धनुर्धरी

Grīvāyāṃ bhadrakālī ca pṛṣṭhavaṃśe dhanurdharī

नीलग्रीवा बहिःकण्ठे नलिकां नलकूबरी

Nīlagrīvā bahiḥkaṇṭhe nalikāṃ nalakūbarī

स्कन्धयोः खङ्गिनी रक्षेद् बाहू मे वज्रधारिणी

Skandhayoḥ khaṅginī rakṣed bāhū me vajradhāriṇī

हस्तयोर्दण्डिनी रक्षेदम्बिका चाङ्गुलीषु च

Hastayordaṇḍinī rakṣedambikā cāṅgulīṣu ca

नखाञ्छूलेश्वरी रक्षेत्कुक्षौ रक्षेत्कुलेश्वरी

Nakhāñchūleśvarī rakṣetkukṣau rakṣetkuleśvarī

स्तनौ रक्षेन्महादेवी मनः शोकविनाशिनी

Stanau rakṣenmahādevī manaḥ śokavināśinī

हृदये ललिता देवी उदरे शूलधारिणी

Hṛdaye lalitā devī udare śūladhāriṇī

नाभौ च कामिनी रक्षेद् गुह्यं गुह्येश्वरी तथा

Nābhau ca kāminī rakṣed guhyaṃ guhyeśvarī tathā

पूतना कामिका मेढ्रं गुदे महिषवाहिनी

Pūtanā kāmikā meḍhraṃ gude mahiṣavāhinī

कट्यां भगवती रक्षेज्जानुनी विन्ध्यवासिनी

Kaṭyāṃ bhagavatī rakṣejjānunī vindhyavāsinī

जङ्घे महाबला रक्षेत्सर्वकामप्रदायिनी

Jaṅghe mahābalā rakṣetsarvakāmapradāyinī

गुल्फयोर्नारसिंही च पादपृष्ठे तु तैजसी

Gulphayornārasiṃhī ca pādapṛṣṭhe tu taijasī

पादाङ्गुलीषु श्री रक्षेत्पादाधस्तलवासिनी

Pādāṅgulīṣu śrī rakṣetpādādhastalavāsinī

नखान् दंष्ट्राकराली च केशांश्चैवोर्ध्वकेशिनी

Nakhān daṃṣṭrākarālī ca keśāṃścaivordhvakeśinī

रोमकूपेषु कौबेरी त्वचं वागीश्वरी तथा

Romakūpeṣu kauberī tvacaṃ vāgīśvarī tathā

रक्तमज्जावसामांसान्यस्थिमेदांसि पार्वती

Raktamajjāvasāmāṃsānyasthimedāṃsi pārvatī

अन्त्राणि कालरात्रिश्च पित्तं च मुकुटेश्वरी

Antrāṇi kālarātriśca pittaṃ ca mukuṭeśvarī

पद्मावती पद्मकोशे कफे चूडामणिस्तथा

Padmāvatī padmakośe kaphe cūḍāmaṇistathā

ज्वालामुखी नखज्वालामभेद्या सर्वसन्धिषु

Jvālāmukhī nakhajvālāmabhedyā sarvasandhiṣu

शुक्रं ब्रह्माणि मे रक्षेच्छायां छत्रेश्वरी तथा

Śukraṃ brahmāṇi me rakṣecchāyāṃ chatreśvarī tathā

अहङ्कारं मनो बुद्धिं रक्षेन्मे धर्मधारिणी

Ahaṅkāraṃ mano buddhiṃ rakṣenme dharmadhāriṇī

प्राणापानौ तथा व्यानमुदानं च समानकम्

Prāṇāpānau tathā vyānamudānaṃ ca samānakam

वज्रहस्ता च मे रक्षेत्प्राणं कल्याणशोभना

Vajrahastā ca me rakṣetprāṇaṃ kalyāṇaśobhanā

रसे रूपे च गन्धे च शब्दे स्पर्शे च योगिनी

Rase rūpe ca gandhe ca śabde sparśe ca yoginī

सत्त्वं रजस्तमश्चैव रक्षेन्नारायणी सदा

Sattvaṃ rajastamaścaiva rakṣennārāyaṇī sadā

आयू रक्षतु वाराही धर्मं रक्षतु वैष्णवी

Āyū rakṣatu vārāhī dharmaṃ rakṣatu vaiṣṇavī

यशः कीर्तिं च लक्ष्मीं च धनं विद्यां च चक्रिणी

Yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī

गोत्रमिन्द्राणि मे रक्षेत्पशून्मे रक्ष चण्डिके

Gotramindrāṇi me rakṣetpaśūnme rakṣa caṇḍike

पुत्रान् रक्षेन्महालक्ष्मीर्भार्यां रक्षतु भैरवी

Putrān rakṣenmahālakṣmīrbhāryāṃ rakṣatu bhairavī

पन्थानं सुपथा रक्षेन्मार्गं क्षेमकरी तथा

Panthānaṃ supathā rakṣenmārgaṃ kṣemakarī tathā

राजद्वारे महालक्ष्मीर्विजया सर्वतः स्थिता

Rājadvāre mahālakṣmīrvijayā sarvataḥ sthitā

रक्षाहीनं तु यत्स्थानं वर्जितं कवचेन तु

Rakṣāhīnaṃ tu yatsthānaṃ varjitaṃ kavacena tu

तत्सर्वं रक्ष मे देवि जयन्ती पापनाशिनी

Tatsarvaṃ rakṣa me devi jayantī pāpanāśinī

पदमेकं न गच्छेत्तु यदीच्छेच्छुभमात्मनः

Padamekaṃ na gacchettu yadīcchecchubhamātmanaḥ

कवचेनावृतो नित्यं यत्र यत्रैव गच्छति

Kavacenāvṛto nityaṃ yatra yatraiva gacchati

तत्र तत्रार्थलाभश्च विजयः सार्वकामिकः

Tatra tatrārthalābhaśca vijayaḥ sārvakāmikaḥ

यं यं चिन्तयते कामं तं तं प्राप्नोति निश्चितम्

Yaṃ yaṃ cintayate kāmaṃ taṃ taṃ prāpnoti niścitam

परमैश्वर्यमतुलं प्राप्स्यते भूतले पुमान्

Paramaiśvaryamatulaṃ prāpsyate bhūtale pumān

निर्भयो जायते मर्त्यः सङ्ग्रामेष्वपराजितः

Nirbhayo jāyate martyaḥ saṅgrāmeṣvaparājitaḥ

त्रैलोक्ये तु भवेत्पूज्यः कवचेनावृतः पुमान्

Trailokye tu bhavetpūjyaḥ kavacenāvṛtaḥ pumān

इदं तु देव्याः कवचं देवानामपि दुर्लभम्

Idaṃ tu devyāḥ kavacaṃ devānāmapi durlabham

यः पठेत्प्रयतो नित्यं त्रिसन्ध्यं श्रद्धयान्वितः

Yaḥ paṭhetprayato nityaṃ trisandhyaṃ śraddhayānvitaḥ

दैवी कला भवेत्तस्य त्रैलोक्येष्वपराजितः

Daivī kalā bhavettasya trailokyeṣvaparājitaḥ

जीवेद् वर्षशतं साग्रमपमृत्युविवर्जितः

Jīved varṣaśataṃ sāgramapamṛtyuvivarjitaḥ

नश्यन्ति व्याधयः सर्वे लूताविस्फोटकादयः

Naśyanti vyādhayaḥ sarve lūtāvisphoṭakādayaḥ

स्थावरं जङ्गमं चैव कृत्रिमं चापि यद्विषम्

Sthāvaraṃ jaṅgamaṃ caiva kṛtrimaṃ cāpi yadviṣam

अभिचाराणि सर्वाणि मन्त्रयन्त्राणि भूतले

Abhicārāṇi sarvāṇi mantrayantrāṇi bhūtale

भूचराः खेचराश्चैव जलजाश्चोपदेशिकाः

Bhūcarāḥ khecarāścaiva jalajāścopadeśikāḥ

सहजा कुलजा माला डाकिनी शाकिनी तथा

Sahajā kulajā mālā ḍākinī śākinī tathā

अन्तरिक्षचरा घोरा डाकिन्यश्च महाबलाः

Antarikṣacarā ghorā ḍākinyaśca mahābalāḥ

ग्रहभूतपिशाचाश्च यक्षगन्धर्वराक्षसाः

Grahabhūtapiśācāśca yakṣagandharvarākṣasāḥ

ब्रह्मराक्षसवेतालाः कूष्माण्डा भैरवादयः

Brahmarākṣasavetālāḥ kūṣmāṇḍā bhairavādayaḥ

नश्यन्ति दर्शनात्तस्य कवचे हृदि संस्थिते

Naśyanti darśanāttasya kavace hṛdi saṃsthite

मानोन्नतिर्भवेद् राज्ञस्तेजोवृद्धिकरं परम्

Mānonnatirbhaved rājñastejovṛddhikaraṃ param

यशसा वर्धते सोऽपि कीर्तिमण्डितभूतले

Yaśasā vardhate so'pi kīrtimaṇḍitabhūtale

जपेत्सप्तशतीं चण्डीं कृत्वा तु कवचं पुरा

Japetsaptaśatīṃ caṇḍīṃ kṛtvā tu kavacaṃ purā

यावद्भूमण्डलं धत्ते सशैलवनकाननम्

Yāvadbhūmaṇḍalaṃ dhatte saśailavanakānanam

तावत्तिष्ठति मेदिन्यां संततिः पुत्रपौत्रिकी

Tāvattiṣṭhati medinyāṃ saṃtatiḥ putrapautrikī

देहान्ते परमं स्थानं यत्सुरैरपि दुर्लभम्

Dehānte paramaṃ sthānaṃ yatsurairapi durlabham

प्राप्नोति पुरुषो नित्यं महामायाप्रसादतः

Prāpnoti puruṣo nityaṃ mahāmāyāprasādataḥ

लभते परमं रूपं शिवेन सह मोदते ॐ

Labhate paramaṃ rūpaṃ śivena saha modate oṃ