Devi Aparadha Kshamapana Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
न मन्त्रं नो यन्त्रं तदपि च न जाने स्तुतिमहो
Na mantraṃ no yantraṃ tadapi ca na jāne stutimaho
न चाह्वानं ध्यानं तदपि च न जाने स्तुतिकथाः ।
Na cāhvānaṃ dhyānaṃ tadapi ca na jāne stutikathāḥ |
न जाने मुद्रास्ते तदपि च न जाने विलपनं
Na jāne mudrāste tadapi ca na jāne vilapanaṃ
परं जाने मातस्त्वदनुसरणं क्लेशहरणम्
Paraṃ jāne mātastvadanusaraṇaṃ kleśaharaṇam
verse 2
विधेरज्ञानेन द्रविणविरहेणालसतया
Vidherajñānena draviṇaviraheṇālasatayā
विधेयाशक्यत्वात्तव चरणयोर्या च्युतिरभूत् ।
Vidheyāśakyatvāttava caraṇayoryā cyutirabhūt |
तदेतत् क्षन्तव्यं जननि सकलोद्धारिणि शिवे
Tadetat kṣantavyaṃ janani sakaloddhāriṇi śive
कुपुत्रो जायेत क्वचिदपि कुमाता न भवति
Kuputro jāyeta kvacidapi kumātā na bhavati
verse 3
पृथिव्यां पुत्रास्ते जननि बहवः सन्ति सरलाः
Pṛthivyāṃ putrāste janani bahavaḥ santi saralāḥ
परं तेषां मध्ये विरलतरलोऽहं तव सुतः ।
Paraṃ teṣāṃ madhye viralataralo'haṃ tava sutaḥ |
मदीयोऽयं त्यागः समुचितमिदं नो तव शिवे
Madīyo'yaṃ tyāgaḥ samucitamidaṃ no tava śive
कुपुत्रो जायेत क्वचिदपि कुमाता न भवति
Kuputro jāyeta kvacidapi kumātā na bhavati
verse 4
जगन्मातर्मातस्तव चरणसेवा न रचिता
Jaganmātarmātastava caraṇasevā na racitā
न वा दत्तं देवि द्रविणमपि भूयस्तव मया ।
Na vā dattaṃ devi draviṇamapi bhūyastava mayā |
तथापि त्वं स्नेहं मयि निरुपमं यत्प्रकुरुषे
Tathāpi tvaṃ snehaṃ mayi nirupamaṃ yatprakuruṣe
कुपुत्रो जायेत क्वचिदपि कुमाता न भवति
Kuputro jāyeta kvacidapi kumātā na bhavati
verse 5
परित्यक्ता देवा विविधविधसेवाकुलतया
Parityaktā devā vividhavidhasevākulatayā
मया पञ्चा शीतेरधिकमपनीते तु वयसि ।
Mayā pañcā śīteradhikamapanīte tu vayasi |
इदानीं चेन्मातस्तव यदि कृपा नापि भविता
Idānīṃ cenmātastava yadi kṛpā nāpi bhavitā
निरालम्बो लम्बोदरजननि कं यामि शरणम्
Nirālambo lambodarajanani kaṃ yāmi śaraṇam
verse 6
श्वपाको जल्पाको भवति मधुपाकोपमगिरा
Śvapāko jalpāko bhavati madhupākopamagirā
निरातङ्को रङ्को विहरति चिरं कोटिकनकैः ।
Nirātaṅko raṅko viharati ciraṃ koṭikanakaiḥ |
तवापर्णे कर्णे विशति मनु वर्णे फलमिदं
Tavāparṇe karṇe viśati manu varṇe phalamidaṃ
जनः को जानीते जननि जननीयं जपविधौ
Janaḥ ko jānīte janani jananīyaṃ japavidhau
verse 7
चिताभस्मालेपो गरलमशनं दिक्पटधरो
Citābhasmālepo garalamaśanaṃ dikpaṭadharo
जटाधारी कण्ठे भुजगपतिहारी पशुपतिः ।
Jaṭādhārī kaṇṭhe bhujagapatihārī paśupatiḥ |
कपाली भूतेशो भजति जगदीशैकपदवीं
Kapālī bhūteśo bhajati jagadīśaikapadavīṃ
भवानि त्वत्पाणिग्रहणपरिपाटीफलमिदम्
Bhavāni tvatpāṇigrahaṇaparipāṭīphalamidam
verse 8
न मोक्षस्याकाङ्क्षा भवविभववाञ्छापि च न मे
Na mokṣasyākāṅkṣā bhavavibhavavāñchāpi ca na me
न विज्ञानापेक्षा शशिमुखि सुखेच्छापि न पुनः ।
Na vijñānāpekṣā śaśimukhi sukhecchāpi na punaḥ |
अतस्त्वां संयाचे जननि जननं यातु मम वै
Atastvāṃ saṃyāce janani jananaṃ yātu mama vai
मृडानी रुद्राणी शिव शिव भवानीति जपतः
Mṛḍānī rudrāṇī śiva śiva bhavānīti japataḥ
verse 9
नाराधितासि विधिना विविधोपचारैः
Nārādhitāsi vidhinā vividhopacāraiḥ
किं रुक्षचिन्तनपरैर्न कृतं वचोभिः ।
Kiṃ rukṣacintanaparairna kṛtaṃ vacobhiḥ |
श्यामे त्वमेव यदि किञ्चन मय्यनाथे
Śyāme tvameva yadi kiñcana mayyanāthe
धत्से कृपामुचितमम्ब परं तवैव
Dhatse kṛpāmucitamamba paraṃ tavaiva
verse 10
आपत्सु मग्नः स्मरणं त्वदीयं
Āpatsu magnaḥ smaraṇaṃ tvadīyaṃ
करोमि दुर्गे करुणार्णवेशि ।
Karomi durge karuṇārṇaveśi |
नैतच्छठत्वं मम भावयेथाः
Naitacchaṭhatvaṃ mama bhāvayethāḥ
क्षुधातृषार्ता जननीं स्मरन्ति
Kṣudhātṛṣārtā jananīṃ smaranti
verse 11
जगदम्ब विचित्र मत्र किं
Jagadamba vicitra matra kiṃ
परिपूर्णा करुणास्ति चेन्मयि ।
Paripūrṇā karuṇāsti cenmayi |
अपराधपरम्परापरं
Aparādhaparamparāparaṃ
न हि माता समुपेक्षते सुतम्
Na hi mātā samupekṣate sutam
verse 12
मत्समः पातकी नास्ति पापघ्नी त्वत्समा न हि ।
Matsamaḥ pātakī nāsti pāpaghnī tvatsamā na hi |
एवं ज्ञात्वा महादेवि यथायोग्यं तथा कुरु
Evaṃ jñātvā mahādevi yathāyogyaṃ tathā kuru
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.