Bilvashtakam
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
त्रिदलं त्रिगुणाकारं त्रिनेत्रं च त्रियायुधम्
Tridalaṃ triguṇākāraṃ trinetraṃ ca triyāyudham
त्रिजन्मपापसंहारं एकबिल्वं शिवार्पणम्
Trijanmapāpasaṃhāraṃ ekabilvaṃ śivārpaṇam
verse 2
त्रिशाखैः बिल्वपत्रैश्च ह्यच्छिद्रैः कोमलैः शुभैः
Triśākhaiḥ bilvapatraiśca hyacchidraiḥ komalaiḥ śubhaiḥ
शिवपूजां करिष्यामि ह्येकबिल्वं शिवार्पणम्
Śivapūjāṃ kariṣyāmi hyekabilvaṃ śivārpaṇam
verse 3
अखण्ड बिल्व पत्रेण पूजिते नन्दिकेश्वरे
Akhaṇḍa bilva patreṇa pūjite nandikeśvare
शुद्ध्यन्ति सर्वपापेभ्यो ह्येकबिल्वं शिवार्पणम्
Śuddhyanti sarvapāpebhyo hyekabilvaṃ śivārpaṇam
verse 4
शालिग्राम शिलामेकां विप्राणां जातु चार्पयेत्
Śāligrāma śilāmekāṃ viprāṇāṃ jātu cārpayet
सोमयज्ञ महापुण्यं एकबिल्वं शिवार्पणम्
Somayajña mahāpuṇyaṃ ekabilvaṃ śivārpaṇam
verse 5
दन्तिकोटि सहस्राणि वाजपेय शतानि च
Dantikoṭi sahasrāṇi vājapeya śatāni ca
कोटिकन्या महादानं एकबिल्वं शिवार्पणम्
Koṭikanyā mahādānaṃ ekabilvaṃ śivārpaṇam
verse 6
लक्ष्म्यास्तनुत उत्पन्नं महादेवस्य च प्रियम्
Lakṣmyāstanuta utpannaṃ mahādevasya ca priyam
बिल्ववृक्षं प्रयच्छामि ह्येकबिल्वं शिवार्पणम्
Bilvavṛkṣaṃ prayacchāmi hyekabilvaṃ śivārpaṇam
verse 7
दर्शनं बिल्ववृक्षस्य स्पर्शनं पापनाशनम्
Darśanaṃ bilvavṛkṣasya sparśanaṃ pāpanāśanam
अघोरपापसंहारं एकबिल्वं शिवार्पणम्
Aghorapāpasaṃhāraṃ ekabilvaṃ śivārpaṇam
verse 8
काशीक्षेत्रनिवासं च कालभैरवदर्शनम्
Kāśīkṣetranivāsaṃ ca kālabhairavadarśanam
प्रयागमाधवं दृष्ट्वा ह्येकबिल्वं शिवार्पणम्
Prayāgamādhavaṃ dṛṣṭvā hyekabilvaṃ śivārpaṇam
मूलतो ब्रह्मरूपाय मध्यतो विष्णुरूपिणे
Mūlato brahmarūpāya madhyato viṣṇurūpiṇe
अग्रतः शिवरूपाय ह्येकबिल्वं शिवार्पणम्
Agrataḥ śivarūpāya hyekabilvaṃ śivārpaṇam
verse 9
बिल्वाष्टकमिदं पुण्यं यः पठेत् शिवसन्निधौ
Bilvāṣṭakamidaṃ puṇyaṃ yaḥ paṭhet śivasannidhau
सर्वपाप विनिर्मुक्तः शिवलोकमवाप्नुयात्
Sarvapāpa vinirmuktaḥ śivalokamavāpnuyāt
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.