Ram Raksha Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
viniyoga
अस्य श्रीरामरक्षास्तोत्रमन्त्रस्य। बुधकौशिक ऋषिः। श्रीसीतारामचन्द्रो देवता। अनुष्टुप् छन्दः। सीता शक्तिः।
Asya Śrī-Rāma-rakṣā-stotra-mantrasya. Budhakauśika ṛṣiḥ. Śrī-Sītā-Rāma-candro devatā. Anuṣṭup chandaḥ. Sītā śaktiḥ
श्रीमद्हनुमान् कीलकम्। श्रीसीतारामचन्द्रप्रीत्यर्थे जपे विनियोगः॥
Śrīmad-Hanumān kīlakam. Śrī-Sītā-Rāma-candra-prītyarthe jape viniyogaḥ
dhyana
ध्यायेदाजानुबाहुं धृतशरधनुषं बद्धपद्मासनस्थं पीतं वासो वसानं नवकमलदलस्पर्धिनेत्रं प्रसन्नम्।
Dhyāyed-ājānu-bāhuṃ dhṛta-śara-dhanuṣaṃ baddha-padmāsana-sthaṃ pītaṃ vāso vasānaṃ nava-kamala-dala-spardhi-netraṃ prasannam
वामाङ्कारूढ-सीता-मुखकमल-मिलल्लोचनं नीरदाभं नानालङ्कारदीप्तं दधतमुरुजटामण्डनं रामचन्द्रम्॥
Vāmāṅkārūḍha-Sītā-mukha-kamala-milal-locanaṃ nīradābhaṃ nānālaṅkāra-dīptaṃ dadhatam-uru-jaṭā-maṇḍanaṃ Rāmacandram
verse 1
चरितं रघुनाथस्य शतकोटिप्रविस्तरम्।
Caritaṃ Raghunāthasya śata-koṭi-pravistaram
एकैकमक्षरं पुंसां महापातकनाशनम्॥1॥
Ekaikam-akṣaraṃ puṃsāṃ mahā-pātaka-nāśanam
verse 2
ध्यात्वा नीलोत्पलश्यामं रामं राजीवलोचनम्।
Dhyātvā nīlotpala-śyāmaṃ Rāmaṃ rājīva-locanam
जानकीलक्ष्मणोपेतं जटामुकुटमण्डितम्॥2॥
Jānakī-Lakṣmaṇo-petaṃ jaṭā-mukuṭa-maṇḍitam
verse 3
सासितूणधनुर्बाणपाणिं नक्तं चरान्तकम्।
Sāsi-tūṇa-dhanur-bāṇa-pāṇiṃ naktaṃ carāntakam
स्वलीलया जगत्त्रातुमाविर्भूतमजं विभुम्॥3॥
Svalīlayā jagat-trātum-āvirbhūtam-ajaṃ vibhum
verse 4
रामरक्षां पठेत्प्राज्ञः पापघ्नीं सर्वकामदाम्।
Rāma-rakṣāṃ paṭhet-prājñaḥ pāpa-ghnīṃ sarva-kāmadām
शिरो मे राघवः पातु भालं दशरथात्मजः॥4॥
Śiro me Rāghavaḥ pātu bhālaṃ Daśarathātmajaḥ
verse 5
कौसल्येयो दृशौ पातु विश्वामित्रप्रियः श्रुती।
Kauśalyeyo dṛśau pātu Viśvāmitra-priyaḥ śrutī
घ्राणं पातु मखत्राता मुखं सौमित्रिवत्सलः॥5॥
Ghrāṇaṃ pātu makha-trātā mukhaṃ Saumitri-vatsalaḥ
verse 6
जिव्हां विद्यानिधिः पातु कण्ठं भरतवन्दितः।
Jihvāṃ vidyā-nidhiḥ pātu kaṇṭhaṃ Bharata-vanditaḥ
स्कन्धौ दिव्यायुधः पातु भुजौ भग्नेशकार्मुकः॥6॥
Skandhau divyāyudhaḥ pātu bhujau bhagneśa-kārmukaḥ
verse 7
करौ सीतापतिः पातु हृदयं जामदग्न्यजित्।
Karau Sītā-patiḥ pātu hṛdayaṃ Jāmadagnya-jit
मध्यं पातु खरध्वंसी नाभिं जाम्बवदाश्रयः॥7॥
Madhyaṃ pātu Khara-dhvaṃsī nābhiṃ Jāmbavad-āśrayaḥ
verse 8
सुग्रीवेशः कटी पातु सक्थिनी हनुमत्प्रभुः।
Sugrīveśaḥ kaṭī pātu sakthinī Hanumat-prabhuḥ
ऊरू रघूत्तमः पातु रक्षःकुलविनाशकृत्॥8॥
Ūrū Raghūttamaḥ pātu rakṣaḥ-kula-vināśa-kṛt
verse 9
जानुनी सेतुकृत्पातु जङ्घे दशमुखान्तकः।
Jānunī setu-kṛt-pātu jaṅghe daśamukha-antakaḥ
पादौ बिभीषणश्रीदः पातु रामोSखिलं वपुः॥9॥
Pādau Bibhīṣaṇa-śrīdaḥ pātu Rāmo'khilaṃ vapuḥ
verse 10
एतां रामबलोपेतां रक्षां यः सुकृती पठेत्।
Etāṃ Rāma-balo-petāṃ rakṣāṃ yaḥ sukṛtī paṭhet
स चिरायुः सुखी पुत्री विजयी विनयी भवेत्॥10॥
Sa cirāyuḥ sukhī putrī vijayī vinayī bhavet
verse 11
पाताल-भूतल-व्योम-चारिणश्छद्मचारिणः।
Pātāla-bhūtala-vyoma-cāriṇaś-chadma-cāriṇaḥ
न द्रष्टुमपि शक्तास्ते रक्षितं रामनामभिः॥11॥
Na draṣṭum-api śaktāste rakṣitaṃ Rāma-nāmabhiḥ
verse 12
रामेति रामभद्रेति रामचन्द्रेति वा स्मरन्।
Rāmeti Rāmabhadreti Rāmacandreti vā smaran
नरो न लिप्यते पापैः भुक्तिं मुक्तिं च विन्दति॥12॥
Naro na lipyate pāpaiḥ bhuktiṃ muktiṃ ca vindati
verse 13
जगज्जेत्रैकमन्त्रेण रामनाम्नाऽभिरक्षितम्।
Jagaj-jetrai-ka-mantreṇa Rāma-nāmnā'bhirakṣitam
यः कण्ठे धारयेत्तस्य करस्थाः सर्वसिद्धयः॥13॥
Yaḥ kaṇṭhe dhārayet-tasya karasthāḥ sarva-siddhayaḥ
verse 14
वज्रपञ्जरनामेदं यो रामकवचं स्मरेत्।
Vajra-pañjara-nāmedaṃ yo Rāma-kavacaṃ smaret
अव्याहताज्ञः सर्वत्र लभते जयमङ्गलम्॥14॥
Avyāhatājñaḥ sarvatra labhate jaya-maṅgalam
verse 15
आदिष्टवान् यथा स्वप्ने रामरक्षामिमां हरः।
Ādiṣṭavān yathā svapne Rāma-rakṣām-imāṃ Haraḥ
तथा लिखितवान् प्रातः प्रबुद्धो बुधकौशिकः॥15॥
Tathā likhitavān prātaḥ prabuddho Budhakauśikaḥ
verse 16
आरामः कल्पवृक्षाणां विरामः सकलापदाम्।
Ārāmaḥ kalpa-vṛkṣāṇāṃ virāmaḥ sakala-āpadām
अभिरामस्त्रिलोकानां रामः श्रीमान् स नः प्रभुः॥16॥
Abhirāmas-tri-lokānāṃ Rāmaḥ śrīmān sa naḥ prabhuḥ
verse 17
तरुणौ रूपसम्पन्नौ सुकुमारौ महाबलौ।
Taruṇau rūpa-sampannau su-kumārau mahā-balau
पुण्डरीकविशालाक्षौ चीरकृष्णाजिनाम्बरौ॥17॥
Puṇḍarīka-viśālākṣau cīra-kṛṣṇājinām-barau
verse 18
फलमूलशिनौ दान्तौ तापसौ ब्रह्मचारिणौ।
Phala-mūla-śinau dāntau tāpasau brahma-cāriṇau
पुत्रौ दशरथस्यैतौ भ्रातरौ रामलक्ष्मणौ॥18॥
Putrau Daśarathasyaitau bhrātarau Rāma-Lakṣmaṇau
verse 19
शरण्यौ सर्वसत्वानां श्रेष्ठौ सर्वधनुष्मताम्।
Śaraṇyau sarva-satvānāṃ śreṣṭhau sarva-dhanuṣmatām
रक्षःकुलनिहन्तारौ त्रायेतां नो रघूत्तमौ॥19॥
Rakṣaḥ-kula-nihantārau trāyetāṃ no Raghūttamau
verse 20
आत्तसज्जधनुषा विषुस्पृशावक्षया शुगनिषङ्गसङ्गिनौ।
Ātta-sajja-dhanuṣā viṣu-spṛśāv-akṣayā śuga-niṣaṅga-saṅginau
रक्षणाय मम रामलक्ष्मणावग्रतःपथि सदैव गच्छताम्॥20॥
Rakṣaṇāya mama Rāma-Lakṣmaṇāv-agrataḥ-pathi sadaiva gaccchatām
verse 21
संनद्धः कवची खड्गी चापबाणधरो युवा।
Saṃnaddhaḥ kavacī khaḍgī cāpa-bāṇa-dharo yuvā
गच्छन् मनोरथोऽस्माकं रामः पातु सलक्ष्मणः॥21॥
Gacchan manoratho'smākaṃ Rāmaḥ pātu sa-Lakṣmaṇaḥ
verse 22
रामो दाशरथिः शूरो लक्ष्मणानुचरो बली।
Rāmo Dāśarathiḥ śūro Lakṣmaṇānu-caro balī
काकुत्स्थः पुरुषः पूर्णः कौसल्येयो रघूत्तमः॥22॥
Kākutsthaḥ puruṣaḥ pūrṇaḥ Kauśalyeyo Raghūttamaḥ
verse 23
वेदान्तवेद्यो यज्ञेशः पुराणपुरुषोत्तमः।
Vedānta-vedyo yajñeśaḥ purāṇa-puruṣottamaḥ
जानकीवल्लभः श्रीमान् अप्रमेयपराक्रमः॥23॥
Jānakī-vallabhaḥ śrīmān aprameya-parākramaḥ
verse 24
इत्येतानि जपेन्नित्यं मद्भक्तः श्रद्धयान्वितः।
Ityetāni japen-nityaṃ mad-bhaktaḥ śraddhayānvitaḥ
अश्वमेधाधिकं पुण्यं सम्प्राप्नोति न संशयः॥24॥
Aśvamedha-adhikaṃ puṇyaṃ samprāpnoti na saṃśayaḥ
verse 25
रामं दूर्वादलश्यामं पद्माक्षं पीतवाससम्।
Rāmaṃ dūrvādala-śyāmaṃ padmākṣaṃ pīta-vāsasam
स्तुवन्ति नामभिर्दिव्यैर्न ते संसारिणो नरः॥25॥
Stuvanti nāmabhir-divyair-na te saṃsāriṇo naraḥ
verse 26
रामं लक्ष्मण-पूर्वजं रघुवरं सीतापतिं सुन्दरं काकुत्स्थं करुणार्णवं गुणनिधिं विप्रप्रियं धार्मिकम्।
Rāmaṃ Lakṣmaṇa-pūrvajaṃ Raghu-varaṃ Sītā-patiṃ sundaraṃ Kākutsthaṃ karuṇārṇavaṃ guṇa-nidhiṃ vipra-priyaṃ dhārmikam
राजेन्द्रं सत्यसन्धं दशरथ-तनयं श्यामलं शान्तमूर्तिं वन्दे लोकाभिरामं रघुकुलतिलकं राघवं रावणारिम्॥26॥
Rājendraṃ satya-sandhaṃ Daśaratha-tanayaṃ śyāmalaṃ śānta-mūrtiṃ vande lokābhirāmaṃ Raghu-kula-tilakaṃ Rāghavaṃ Rāvaṇārim
verse 27
रामाय रामभद्राय रामचन्द्राय वेधसे।
Rāmāya Rāma-bhadrāya Rāma-candrāya vedhase
रघुनाथाय नाथाय सीतायाः पतये नमः॥27॥
Raghunāthāya nāthāya Sītāyāḥ pataye namaḥ
verse 28
श्रीराम राम रघुनन्दन राम राम। श्रीराम राम भरताग्रज राम राम।
Śrī-Rāma Rāma Raghunandana Rāma Rāma. Śrī-Rāma Rāma Bharatāgraja Rāma Rāma
श्रीराम राम रणकर्कश राम राम। श्रीराम राम शरणं भव राम राम॥28॥
Śrī-Rāma Rāma Raṇa-karkaśa Rāma Rāma. Śrī-Rāma Rāma śaraṇaṃ bhava Rāma Rāma
verse 29
श्रीरामचन्द्रचरणौ मनसा स्मरामि। श्रीरामचन्द्रचरणौ वचसा गृणामि।
Śrī-Rāmacandra-caraṇau manasā smārami. Śrī-Rāmacandra-caraṇau vacasā gṛṇāmi
श्रीरामचन्द्रचरणौ शिरसा नमामि। श्रीरामचन्द्रचरणौ शरणं प्रपद्ये॥29॥
Śrī-Rāmacandra-caraṇau śirasā namāmi. Śrī-Rāmacandra-caraṇau śaraṇaṃ prapadye
verse 30
माता रामो मत्पिता रामचन्द्रः। स्वामी रामो मत्सखा रामचन्द्रः।
Mātā Rāmo mat-pitā Rāmacandraḥ. Svāmī Rāmo mat-sakhā Rāmacandraḥ
सर्वस्वं मे रामचन्द्रो दयालुर् नान्यं जाने नैव जाने न जाने॥30॥
Sarvasvaṃ me Rāmacandro dayālur nānyaṃ jāne naiva jāne na jāne
verse 31
दक्षिणे लक्ष्मणो यस्य वामे च जनकात्मजा।
Dakṣiṇe Lakṣmaṇo yasya vāme ca Janakātmajā
पुरतो मारुतिर्यस्य तं वन्दे रघुनन्दनम्॥31॥
Purato Mārutir-yasya taṃ vande Raghunandanam
verse 32
लोकाभिरामं रणरङ्गधीरं राजीवनेत्रं रघुवंशनाथम्।
Lokābhirāmaṃ raṇa-raṅga-dhīraṃ rājīva-netraṃ Raghu-vaṃśa-nātham
कारुण्यरूपं करुणाकरन्तं श्रीरामचन्द्रं शरणं प्रपद्ये॥32॥
Kāruṇya-rūpaṃ karuṇākaran-taṃ Śrī-Rāmacandraṃ śaraṇaṃ prapadye
verse 33
मनोजवं मारुततुल्यवेगं जितेन्द्रियं बुद्धिमतां वरिष्ठम्।
Manojavañ-māruta-tulya-vegaṃ jitendriyaṃ buddhimatāṃ variṣṭham
वातात्मजं वानरयूथमुख्यं श्रीरामदूतं शरणं प्रपद्ये॥33॥
Vātātmajaṃ vānara-yūtha-mukhyaṃ Śrī-Rāma-dūtaṃ śaraṇaṃ prapadye
verse 34
कूजन्तं राम-रामेति मधुरं मधुराक्षरम्।
Kūjantaṃ Rāma-Rāmeti madhuraṃ madhurākṣaram
आरुह्य कविताशाखां वन्दे वाल्मीकिकोकिलम्॥34॥
Āruhya kavitā-śākhāṃ vande Vālmīki-kokilam
verse 35
आपदामपहर्तारं दातारं सर्वसम्पदाम्।
Āpadām-apahartāraṃ dātāraṃ sarva-sampadām
लोकाभिरामं श्रीरामं भूयो भूयो नमाम्यहम्॥35॥
Lokābhirāmaṃ Śrī-Rāmaṃ bhūyo bhūyo namāmy-aham
verse 36
भर्जनं भवबीजानां अर्जनं सुखसम्पदाम्।
Bharjanaṃ bhava-bījānāṃ arjanaṃ sukha-sampadām
तर्जनं यमदूतानां रामरामेति गर्जनम्॥36॥
Tarjanaṃ yama-dūtānāṃ Rāma-Rāmeti garjanam
verse 37
रामो राजमणिः सदा विजयते रामं रमेशं भजे। रामेणाभिहता निशाचरचमू रामाय तस्मै नमः।
Rāmo rāja-maṇiḥ sadā vijayate Rāmaṃ Rameśaṃ bhaje. Rāmeṇābhihatā niśācara-camū Rāmāya tasmai namaḥ
रामान्नास्ति परायणं परतरं रामस्य दासोऽस्म्यहम्। रामे चित्तलयः सदा भवतु मे भो राम मामुद्धर॥37॥
Rāmān-nāsti parāyaṇaṃ parataraṃ Rāmasya dāso'smy-aham. Rāme citta-layaḥ sadā bhavatu me bho Rāma māmuddha
verse 38
राम रामेति रामेति रमे रामे मनोरमे।
Rāma Rāmeti Rāmeti rame Rāme manorame
सहस्रनाम तत्तुल्यं रामनाम वरानने॥38॥
Sahasra-nāma tat-tulyaṃ Rāma-nāma varānane
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.