Madhurashtakam
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
अधरं मधुरं वदनं मधुरं नयनं मधुरं हसितं मधुरम्।
Adharaṃ madhuraṃ vadanaṃ madhuraṃ nayanaṃ madhuraṃ hasitaṃ madhuram
हृदयं मधुरं गमनं मधुरं मधुराधिपतेरखिलं मधुरम्॥1॥
Hṛdayaṃ madhuraṃ gamanaṃ madhuraṃ madhurādhipater-akhilaṃ madhuram
verse 2
वचनं मधुरं चरितं मधुरं वसनं मधुरं वलितं मधुरम्।
Vacanaṃ madhuraṃ caritaṃ madhuraṃ vasanaṃ madhuraṃ valitaṃ madhuram
चलितं मधुरं भ्रमितं मधुरं मधुराधिपतेरखिलं मधुरम्॥2॥
Calitaṃ madhuraṃ bhramitaṃ madhuraṃ madhurādhipater-akhilaṃ madhuram
verse 3
वेणुर्मधुरो रेणुर्मधुरः पाणिर्मधुरः पादौ मधुरौ।
Veṇur-madhuro reṇur-madhuraḥ pāṇir-madhuraḥ pādau madhurau
नृत्यं मधुरं सख्यं मधुरं मधुराधिपतेरखिलं मधुरम्॥3॥
Nṛtyaṃ madhuraṃ sakhyaṃ madhuraṃ madhurādhipater-akhilaṃ madhuram
verse 4
गीतं मधुरं पीतं मधुरं भुक्तं मधुरं सुप्तं मधुरम्।
Gītaṃ madhuraṃ pītaṃ madhuraṃ bhuktaṃ madhuraṃ suptaṃ madhuram
रूपं मधुरं तिलकं मधुरं मधुराधिपतेरखिलं मधुरम्॥4॥
Rūpaṃ madhuraṃ tilakaṃ madhuraṃ madhurādhipater-akhilaṃ madhuram
verse 5
करणं मधुरं तरणं मधुरं हरणं मधुरं रमणं मधुरम्।
Karaṇaṃ madhuraṃ taraṇaṃ madhuraṃ haraṇaṃ madhuraṃ ramaṇaṃ madhuram
वमितं मधुरं शमितं मधुरं मधुराधिपतेरखिलं मधुरम्॥5॥
Vamitaṃ madhuraṃ śamitaṃ madhuraṃ madhurādhipater-akhilaṃ madhuram
verse 6
गुञ्जा मधुरा माला मधुरा यमुना मधुरा वीची मधुरा।
Guñjā madhurā mālā madhurā yamunā madhurā vīcī madhurā
सलिलं मधुरं कमलं मधुरं मधुराधिपतेरखिलं मधुरम्॥6॥
Salilaṃ madhuraṃ kamalaṃ madhuraṃ madhurādhipater-akhilaṃ madhuram
verse 7
गोपी मधुरा लीला मधुरा युक्तं मधुरं मुक्तं मधुरम्।
Gopī madhurā līlā madhurā yuktaṃ madhuraṃ muktaṃ madhuram
दृष्टं मधुरं शिष्टं मधुरं मधुराधिपतेरखिलं मधुरम्॥7॥
Dṛṣṭaṃ madhuraṃ śiṣṭaṃ madhuraṃ madhurādhipater-akhilaṃ madhuram
verse 8
गोपा मधुरा गावो मधुरा यष्टिर्मधुरा सृष्टिर्मधुरा।
Gopā madhurā gāvo madhurā yaṣṭir-madhurā sṛṣṭir-madhurā
दलितं मधुरं फलितं मधुरं मधुराधिपतेरखिलं मधुरम्॥8॥
Dalitaṃ madhuraṃ phalitaṃ madhuraṃ madhurādhipater-akhilaṃ madhuram
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.