Ganesh Pancharatnam (Mudakaratta Modakam)
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
मुदाकरात्तमोदकं सदा विमुक्तिसाधकं कलाधरावतंसकं विलासिलोकरक्षकम्
Mudākarātta-modakaṃ sadā vimukti-sādhakaṃ kalādhara-avataṃsakaṃ vilāsi-loka-rakṣakam
अनायकैकनायकं विनाशितेभदैत्यकं नताशुभाशुनाशकं नमामि तं विनायकम्
Anāyakaika-nāyakaṃ vināśita-ibha-daityakaṃ natāśubhāśu-nāśakaṃ namāmi taṃ vināyakam
verse 2
नतेतरातिभीकरं नवोदितार्कभास्वरं नमत्सुरारिनिर्जरं नताधिकापदुद्धरम्
Natetarāti-bhīkaraṃ navoditārka-bhāsvaraṃ namat-surāri-nirjaraṃ natādhikāpad-uddharam
सुरेश्वरं निधीश्वरं गजेश्वरं गणेश्वरं महेश्वरं तमाश्रये परात्परं निरन्तरम्
Sureśvaraṃ nidhīśvaraṃ gajeśvaraṃ gaṇeśvaraṃ maheśvaraṃ tam āśraye parātparaṃ nirantaram
verse 3
समस्तलोकशंकरं निरस्तदैत्यकुञ्जरं दरेतरोदरं वरं वरेभवक्त्रमक्षरम्
Samastaloka-śaṃkaraṃ nirasta-daitya-kuñjaraṃ daretarodaraṃ varaṃ varebha-vaktram akṣaram
कृपाकरं क्षमाकरं मुदाकरं यशस्करं मनस्करं नमस्कृतां नमस्करोमि भास्वरम्
Kṛpākaraṃ kṣamākaraṃ mudākaraṃ yaśaskaraṃ manaskaraṃ namaskṛtāṃ namaskaromi bhāsvaram
verse 4
अकिंचनार्तिमार्जनं चिरन्तनोक्तिभाजनं पुरारिपूर्वनन्दनं सुरारिगर्वचर्वणम्
Akiṃcanārti-mārjanaṃ cirantanokti-bhājanaṃ purāri-pūrva-nandanaṃ surāri-garva-carvaṇam
प्रपञ्चनाशभीषणं धनंजयादिभूषणम् कपोलदानवारणं भजे पुराणवारणम्
Prapañca-nāśa-bhīṣaṇaṃ dhanañjayādi-bhūṣaṇam kapola-dāna-vāraṇaṃ bhaje purāṇa-vāraṇam
verse 5
नितान्तकान्तदन्तकान्तिमन्तकान्तकात्मजं अचिन्त्यरूपमन्तहीनमन्तरायकृन्तनम्
Nitānta-kānta-danta-kānti-manta-kānta-kātmajaṃ acintya-rūpam antahīnam antarāya-kṛntanam
हृदन्तरे निरन्तरं वसन्तमेव योगिनां तमेकदन्तमेव तं विचिन्तयामि सन्ततम्
Hṛdantare nirantaraṃ vasantam eva yogināṃ tam ekadantam eva taṃ vicintayāmi santatam
phalashruti
महागणेशपञ्चरत्नमादरेण योऽन्वहं प्रजल्पति प्रभातके हृदि स्मरन् गणेश्वरम्
Mahāgaṇeśa-pañcaratnam ādarena yo'nvahaṃ prajalpatī prabhātake hṛdi smaran gaṇeśvaram
अरोगतामदोषतां सुसाहितीं सुपुत्रतां समाहितायुरष्टभूतिमभ्युपैति सोऽचिरात्
Arogatāṃ adoṣatāṃ susāhitīṃ suputratāṃ samāhitāyur aṣṭabhūtim abhyupaiti so'cirāt
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.