Annapurna Stotram
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
नित्यानन्दकरी वराभयकरी सौन्दर्यरत्नाकरी
Nityānandakarī varābhayakarī saundaryaratnākarī
निर्धूताखिलघोरपावनकरी प्रत्यक्षमाहेश्वरी
Nirdhūtākhilaghorapāvanakarī pratyakṣamāheśvarī
प्रालेयाचलवंशपावनकरी काशीपुराधीश्वरी
Prāleyācalavaṃśapāvanakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 2
नानारत्नविचित्रभूषणकरी हेमाम्बराडम्बरी
Nānāratnavicitrabhūṣaṇakarī hemāmbarāḍambarī
मुक्ताहारविलम्बमान-विलसद्वक्षोजकुम्भान्तरी
Muktāhāravilambamāna-vilasadvakṣojakumbhāntarī
काश्मीरागरुवासिताङ्गरुचिरे काशीपुराधीश्वर
Kāśmīrāgaruvāsitāṅgarucire kāśīpurādhīśvara
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 3
योगानन्दकरी रिपुक्षयकरी धर्मार्थनिष्ठाकरी
Yogānandakarī ripukṣayakarī dharmārthaniṣṭhākarī
चन्द्रार्कानलभासमानलहरी त्रैलोक्यरक्षाकरी
Candrārkānalabhāsamānalaharī trailokyarakṣākarī
सर्वैश्वर्यसमस्तवाञ्छितकरी काशीपुराधीश्वरी
Sarvaiśvaryasamastavāñchitakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 4
कैलासाचलकन्दरालयकरी गौरी उमा शङ्करी
Kailāsācalakandarālayakarī gaurī umā śaṅkarī
कौमारी निगमार्थगोचरकरी ओङ्कारबीजाक्षरी
Kaumārī nigamārthagocarakarī oṅkārabījākṣarī
मोक्षद्वारकपाटपाटनकरी काशीपुराधीश्वरी
Mokṣadvārakapāṭapāṭanakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 5
दृश्यादृश्यविभूतिवाहनकरी ब्रह्माण्डभाण्डोदरी
Dṛśyādṛśyavibhūtivāhanakarī brahmāṇḍabhāṇḍodarī
लीलानाटकसूत्रभेदनकरी विज्ञानदीपाङ्कुरी
Līlānāṭakasūtrabhedanakarī vijñānadīpāṅkurī
श्रीविश्वेशमनःप्रसादनकरी काशीपुराधीश्वरी
Śrīviśveśamanaḥprasādanakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 6
उर्वीसर्वजनेश्वरी भगवती मातान्नपूर्णेश्वरी
Urvīsarvajaneśvarī bhagavatī mātānnapūrṇeśvarī
वेणीनीलसमानकुन्तलहरी नित्यान्नदानेश्वरी
Veṇīnīlasamānakuntalaharī nityānnadāneśvarī
सर्वानन्दकरी सदा शुभकरी काशीपुराधीश्वरी
Sarvānandakarī sadā śubhakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 7
आदिक्षान्तसमस्तवर्णनकरी शम्भोस्त्रिभावाकरी
Ādikṣāntasamastavarṇanakarī śambhostribhāvākarī
काश्मीरात्रिजलेश्वरी त्रिलहरी नित्याङ्करा शर्वरी
Kāśmīrātrijaleśvarī trilaharī nityāṅkarā śarvarī
कामाकाङ्क्षकरी जनोदयकरी काशीपुराधीश्वरी
Kāmākāṅkṣakarī janodayakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 8
देवी सर्वविचित्ररत्नरचिता दाक्षायणी सुन्दरी
Devī sarvavicitraratnaracitā dākṣāyaṇī sundarī
वामं स्वादुपयोधरप्रियकरी सौभाग्यमाहेश्वरी
Vāmaṃ svādupayodharapriyakarī saubhāgyamāheśvarī
भक्ताभीष्टकरी सदा शुभकरी काशीपुराधीश्वरी
Bhaktābhīṣṭakarī sadā śubhakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 9
चन्द्रार्कानलकोटिकोटिसदृशा चन्द्रांशुबिम्बाधरी
Candrārkānalakoṭikoṭisadṛśā candrāṃśubimbādharī
चन्द्रार्काग्निसमानकुन्तलधरी चन्द्रार्कवर्णेश्वरी
Candrārkāgnisamānakuntaladharī candrārkavarṇeśvarī
मालापुस्तकपाशसाङ्कुशधरी काशीपुराधीश्वरी
Mālāpustakapāśasāṅkuśadharī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 10
क्षेत्रत्राणकरी महाऽभयकरी माता कृपासागरी
Kṣetratrāṇakarī mahā'bhayakarī mātā kṛpāsāgarī
साक्षान्मोक्षकरी सदा शिवकरी विश्वेश्वर श्रीधरी
Sākṣānmokṣakarī sadā śivakarī viśveśvara śrīdharī
दक्षाक्रन्दकरी निरामयकरी काशीपुराधीश्वरी
Dakṣākrandakarī nirāmayakarī kāśīpurādhīśvarī
भिक्षां देहि कृपावलम्बनकरी मातान्नपूर्णेश्वरी
Bhikṣāṃ dehi kṛpāvalambanakarī mātānnapūrṇeśvarī
verse 11
अन्नपूर्णे सदापूर्णे शङ्करप्राणवल्लभे
Annapūrṇe sadāpūrṇe śaṅkaraprāṇavallabhe
ज्ञानवैराग्यसिद्ध्यर्थं भिक्षां देहि च पार्वति
Jñānavairāgyasiddhyarthaṃ bhikṣāṃ dehi ca pārvati
verse 12
माता च पार्वती देवी पिता देवो महेश्वरः
Mātā ca pārvatī devī pitā devo maheśvaraḥ
बान्धवाः शिवभक्ताश्च स्वदेशो भुवनत्रयम्
Bāndhavāḥ śivabhaktāśca svadeśo bhuvanatrayam
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.