Achyutashtakam (Achyutam Keshavam)
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
अच्युतं केशवं रामनारायणं कृष्णदामोदरं वासुदेवं हरिम् ।
Acyutaṃ keśavaṃ rāmanārāyaṇaṃ kṛṣṇadāmodaraṃ vāsudevaṃ harim |
श्रीधरं माधवं गोपिकावल्लभं जानकीनायकं रामचन्द्रं भजे
Śrīdharaṃ mādhavaṃ gopikāvallabhaṃ jānakīnāyakaṃ rāmacandraṃ bhaje
verse 2
अच्युतं केशवं सत्यभामाधवं माधवं श्रीधरं राधिकाराधितम् ।
Acyutaṃ keśavaṃ satyabhāmādhavaṃ mādhavaṃ śrīdharaṃ rādhikārādhitam |
इन्दिरामन्दिरं चेतसा सुन्दरं देवकीनन्दनं नन्दनं सन्दधे
Indirāmandiraṃ cetasā sundaraṃ devakīnandanaṃ nandanaṃ sandadhe
verse 3
विष्णवे जिष्णवे शङ्खिने चक्रिणे रुक्मिणिऱागिणे जानकीजानये ।
Viṣṇave jiṣṇave śaṅkhine cakriṇe rukmiṇiṟāgiṇe jānakījānaye |
वल्लवीवल्लभायाऽर्चितायात्मने कंसविध्वंसिने वंशिने ते नमः
Vallavīvallabhāyā'rcitāyātmane kaṃsavidhvaṃsine vaṃśine te namaḥ
verse 4
कृष्ण गोविन्द हे राम नारायण श्रीपते वासुदेवाजित श्रीनिधे ।
Kṛṣṇa govinda he rāma nārāyaṇa śrīpate vāsudevājita śrīnidhe |
अच्युतानन्त हे माधवाधोक्षज द्वारकानायक द्रौपदीरक्षक
Acyutānanta he mādhavādhokṣaja dvārakānāyaka draupadīrakṣaka
verse 5
राक्षसक्षोभितः सीतया शोभितो दण्डकारण्यभूपुण्यताकारणः ।
Rākṣasakṣobhitaḥ sītayā śobhito daṇḍakāraṇyabhūpuṇyatākāraṇaḥ |
लक्ष्मणेनान्वितो वानरैः सेवितोऽगस्त्यसम्पूजितो राघवः पातु माम्
Lakṣmaṇenānvito vānaraiḥ sevito'gastyasampūjito rāghavaḥ pātu mām
verse 6
धेनुकारिष्टकोऽनिष्टकृद्द्वेषिणां केशिहा कंसहृद्वंशिकावादकः ।
Dhenukāriṣṭako'niṣṭakṛddveṣiṇāṃ keśihā kaṃsahṛdvaṃśikāvādakaḥ |
पूतनाकोपकः सूरजाखेलनो बालगोपालकः पातु माम् सर्वदा
Pūtanākopakaḥ sūrajākhelano bālagopālakaḥ pātu mām sarvadā
verse 7
विद्युदुद्योतवत्प्रस्फुरद्वाससं प्रावृडम्भोदवत्प्रोल्लसद्विग्रहम् ।
Vidyududyotavatprasphuradvāsasaṃ prāvṛḍambhodavatprollasadvigraham |
वन्यया मालया शोभितोरःस्थलं लोहिताङ्घ्रिद्वयं वारिजाक्षं भजे
Vanyayā mālayā śobhitoraḥsthalaṃ lohitāṅghridvayaṃ vārijākṣaṃ bhaje
verse 8
कुञ्चितैः कुन्तलैर्भ्राजमानाननं रत्नमौलिं लसत्कुण्डलं गण्डयोः ।
Kuñcitaiḥ kuntalairbhrājamānānanaṃ ratnamauliṃ lasatkuṇḍalaṃ gaṇḍayoḥ |
हारकेयूरकं कङ्कणप्रोज्ज्वलं किङ्किणीमञ्जुलं श्यामलं तं भजे
Hārakeyūrakaṃ kaṅkaṇaprojjvalaṃ kiṅkiṇīmañjulaṃ śyāmalaṃ taṃ bhaje
verse 9
अच्युतस्याष्टकं यः पठेदिष्टदं प्रेमतः प्रत्यहं पूरुषः सस्पृहम् ।
Acyutasyāṣṭakaṃ yaḥ paṭhediṣṭadaṃ premataḥ pratyahaṃ pūruṣaḥ saspṛham |
वृत्ततः सुन्दरं कर्तृ विश्वम्भरस्तस्य वश्यो हरिर्जायते सत्वरम्
Vṛttataḥ sundaraṃ kartṛ viśvambharastasya vaśyo harirjāyate satvaram
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.