Aditya Hridayam
Draft — pending review. This text has been sourced and translated per our editorial policy, but has not yet completed human review against sung versions. Wording may change.
viniyoga
ॐ अस्य आदित्यहृदय स्तोत्रस्य अगस्त्यऋषिः अनुष्टुप्छन्दः आदित्यहृदयभूतो भगवान् ब्रह्मा देवता।
Oṃ asya Āditya-hṛdaya stotrasya Agastya-ṛṣiḥ anuṣṭup-chandaḥ Āditya-hṛdaya-bhūto Bhagavān Brahmā devatā
निरस्ताशेषविघ्नतया ब्रह्माविद्यासिद्धौ सर्वत्र जयसिद्धौ च विनियोगः॥
Nirastāśeṣa-vighnatayā brahmāvidyā-siddhau sarvatra jaya-siddhau ca viniyogaḥ
verse 1
ततो युद्धपरिश्रान्तं समरे चिन्तया स्थितम्।
Tato yuddha-pariśrāntaṃ samare cintayā sthitam
रावणं चाग्रतो दृष्ट्वा युद्धाय समुपस्थितम्॥1॥
Rāvaṇaṃ cāgrato dṛṣṭvā yuddhāya samupasthitam
verse 2
दैवतैश्च समागम्य द्रष्टुमभ्यागतो रणम्।
Daivataiś-ca samāgamya draṣṭum-abhyāgato raṇam
उपागम्याब्रवीद्राममगस्त्यो भगवान् ऋषिः॥2॥
Upāgamy-ābravīd-Rāmam-Agastyo bhagavān ṛṣiḥ
verse 3
राम राम महाबाहो शृणु गुह्यं सनातनम्।
Rāma Rāma mahābāho śṛṇu guhyaṃ sanātanam
येन सर्वानरीन् वत्स समरे विजयिष्यसि॥3॥
Yena sarvān-arīn vatsa samare vijayiṣyasi
verse 4
आदित्यहृदयं पुण्यं सर्वशत्रुविनाशनम्।
Āditya-hṛdayaṃ puṇyaṃ sarva-śatru-vināśanam
जयावहं जपेन्नित्यम् अक्षय्यं परमं शिवम्॥4॥
Jayāvahaṃ japen-nityam akṣayyaṃ paramaṃ śivam
verse 5
सर्वमङ्गलमाङ्गल्यं सर्वपापप्रणाशनम्।
Sarva-maṅgala-māṅgalyaṃ sarva-pāpa-praṇāśanam
चिन्ताशोकप्रशमनम् आयुर्वर्धनमुत्तमम्॥5॥
Cintā-śoka-praśamanam āyur-vardhanam-uttamam
verse 6
रश्मिमंतं समुद्यन्तं देवासुरनमस्कृतम्।
Raśmimantaṃ samudyantaṃ devāsura-namaskṛtam
पूजयस्व विवस्वन्तं भास्करं भुवनेश्वरम्॥6॥
Pūjayasva vivasvantaṃ bhāskaraṃ bhuvan-eśvaram
verse 7
सर्वदेवात्मको ह्येष तेजस्वी रश्मिभावनः।
Sarva-devātmako hyeṣa tejasvī raśmi-bhāvanaḥ
एष देवासुरगणाँल्लोकान् पाति गभस्तिभिः॥7॥
Eṣa devāsura-gaṇāṃl-lokān pāti gabhas-tibhiḥ
verse 8
एष ब्रह्मा च विष्णुश्च शिवः स्कन्दः प्रजापतिः।
Eṣa Brahmā ca Viṣṇuś-ca Śivaḥ Skandaḥ Prajāpatiḥ
महेन्द्रो धनदः कालो यमः सोमो ह्यपां पतिः॥8॥
Mahendro dhanadaḥ kālo yamaḥ somo hyapāṃ patiḥ
verse 9
पितरो वसवः साध्या ह्यश्विनौ मरुतो मनुः।
Pitaro vasavaḥ sādhyā hyaśvinau maruto manuḥ
वायुर्वह्निः प्रजाप्राण ऋतुकर्ता प्रभाकरः॥9॥
Vāyur-vahniḥ prajāprāṇa ṛtu-kartā prabhākaraḥ
verse 10
आदित्यः सविता सूर्यः खगः पूषा गभस्तिमान्।
Ādityaḥ savitā sūryaḥ khagaḥ pūṣā gabhas-timān
सुवर्णसदृशो भानुर्हिरण्यरेता दिवाकरः॥10॥
Suvarṇa-sadṛśo bhānur-hiraṇya-retā divākaraḥ
verse 11
हरिदश्वः सहस्रार्चिः सप्तसप्तिर्मरीचिमान्।
Harid-aśvaḥ sahasrārciḥ sapta-saptir-marīcimān
तिमिरोन्मथनः शम्भुस्त्वष्टा मार्ताण्ड अंशुमान्॥11॥
Timironmathanaḥ śambhus-tvaṣṭā mārtāṇḍa aṃśumān
verse 12
हिरण्यगर्भः शिशिरस्तपनो भास्करो रविः।
Hiraṇya-garbhaḥ śiśiras-tapano bhāskaro raviḥ
अग्निगर्भोऽदितेः पुत्रः शङ्खः शिशिरनाशनः॥12॥
Agni-garbho'diteḥ putraḥ śaṅkhaḥ śiśira-nāśanaḥ
verse 13
व्योमनाथस्तमोभेदी ऋग्यजुःसामपारगः।
Vyoma-nāthas-tamo-bhedī ṛg-yajuḥ-sāma-pāragaḥ
घनवृष्टिरपां मित्रो विन्ध्यवीथीप्लवङ्गमः॥13॥
Ghana-vṛṣṭir-apāṃ mitro vindhya-vīthī-plavaṅgamaḥ
verse 14
आतपी मण्डली मृत्युः पिङ्गलः सर्वतापनः।
Ātapī maṇḍalī mṛtyuḥ piṅgalaḥ sarva-tāpanaḥ
कविर्विश्वो महातेजाः रक्तः सर्वभवोद्भवः॥14॥
Kavir-viśvo mahātejāḥ raktaḥ sarva-bhavodbhavaḥ
verse 15
नक्षत्रग्रहताराणां अधिपो विश्वभावनः।
Nakṣatra-graha-tārāṇāṃ adhipo viśva-bhāvanaḥ
तेजसामपि तेजस्वी द्वादशात्मन् नमोऽस्तु ते॥15॥
Tejasām-api tejasvī dvādaśātman namo'stu te
verse 16
नमः पूर्वाय गिरये पश्चिमायाद्रये नमः।
Namaḥ pūrvāya giraye paścimāyādraye namaḥ
ज्योतिर्गणानां पतये दिनाधिपतये नमः॥16॥
Jyotir-gaṇānāṃ pataye dina-ādhipataye namaḥ
verse 17
जयाय जयभद्राय हर्यश्वाय नमो नमः।
Jayāya jaya-bhadrāya haryaśvāya namo namaḥ
नमो नमः सहस्रांशो आदित्याय नमो नमः॥17॥
Namo namaḥ sahasrāṃśo Ādityāya namo namaḥ
verse 18
नम उग्राय वीराय सारङ्गाय नमो नमः।
Nama ugrāya vīrāya sāraṅgāya namo namaḥ
नमः पद्मप्रबोधाय मार्ताण्डाय नमो नमः॥18॥
Namaḥ padma-prabodhāya mārtāṇḍāya namo namaḥ
verse 19
ब्रह्मेशानाच्युतेशाय सूर्यायादित्यवर्चसे।
Brahmeśānācyuteśāya sūryāyāditya-varcase
भास्वते सर्वभक्षाय रौद्राय वपुषे नमः॥19॥
Bhāsvate sarva-bhakṣāya raudrāya vapuṣe namaḥ
verse 20
तमोघ्नाय हिमघ्नाय शत्रुघ्नायामितात्मने।
Tamoghnāya himaghnāya śatrughnāyāmitātmane
कृतघ्नघ्नाय देवाय ज्योतिषां पतये नमः॥20॥
Kṛtaghna-ghnāya devāya jyotiṣāṃ pataye namaḥ
verse 21
तप्तचामीकराभाय वह्नये विश्वकर्मणे।
Tapta-cāmīkarābhāya vahnaye viśva-karmaṇe
नमस्तमोऽभिनिघ्नाय रुचये लोकसाक्षिणे॥21॥
Namas-tamo'bhinighnāya rucaye loka-sākṣiṇe
verse 22
नाशयत्येष वै भूतं तदेव सृजति प्रभुः।
Nāśayatyeṣa vai bhūtaṃ tadeva sṛjati prabhuḥ
पायत्येष तपत्येष वर्षत्येष गभस्तिभिः॥22॥
Pāyatyeṣa tapatyeṣa varṣatyeṣa gabhas-tibhiḥ
verse 23
एष सुप्तेषु जागर्ति भूतेषु परिनिष्ठितः।
Eṣa supteṣu jāgarti bhūteṣu pariniṣṭhitaḥ
एष एवाग्निहोत्रं च फलं चैवाग्निहोत्रिणाम्॥23॥
Eṣa evāgni-hotraṃ ca phalaṃ caivāgni-hotriṇām
verse 24
वेदाश्च क्रतवश्चैव क्रतूनां फलमेव च।
Vedāś-ca kratavaś-caiva kratūnāṃ phalam-eva ca
यानि कृत्यानि लोकेषु सर्व एष रविः प्रभुः॥24॥
Yāni kṛtyāni lokeṣu sarva eṣa raviḥ prabhuḥ
verse 25
एनमापत्सु कृच्छ्रेषु कान्तातेषु भयेषु च।
Enam-āpatsu kṛcchreṣu kāntāteṣu bhayeṣu ca
कीर्तयन् पुरुषः कश्चिन्नावसीदति राघव॥25॥
Kīrtayan puruṣaḥ kaścin-nāvasīdati Rāghava
verse 26
पूजयस्वैनमेकाग्रो देवदेवं जगत्पतिम्।
Pūjayasvaim-ekāgro deva-devaṃ jagat-patim
एतत् त्रिगुणितं जप्त्वा युद्धेषु विजयिष्यसि॥26॥
Etat tri-guṇitaṃ japtvā yuddheṣu vijayiṣyasi
verse 27
अस्मिन् क्षणे महाबाहो रावणं त्वं वधिष्यसि।
Asmin kṣaṇe mahābāho Rāvaṇaṃ tvaṃ vadhiṣyasi
एवमुक्त्वा तदागस्त्यो जगाम च यथागतम्॥27॥
Evam-uktvā tadā Agastyo jagāma ca yathāgatam
verse 28
एतच्छ्रुत्वा महातेजा नष्टशोकोऽभवत्तदा।
Etac-chrutvā mahātejā naṣṭa-śoko'bhavat tadā
धारयामास सुप्रीतो राघवः प्रयतात्मवान्॥28॥
Dhārayāmāsa suprīto Rāghavaḥ prayatāt-mavān
verse 29
आदित्यं प्रेक्ष्य जप्त्वा तु परं हर्षमवाप्तवान्।
Ādityaṃ prekṣya japtvā tu paraṃ harṣam-avāptavān
त्रिराचम्य शुचिर्भूत्वा धनुरादाय वीर्यवान्॥29॥
Tri-ācamya śucir-bhūtvā dhanur-ādāya vīryavān
verse 30
रावणं प्रेक्ष्य हृष्टात्मा युद्धाय समुपागमत्।
Rāvaṇaṃ prekṣya hṛṣṭātmā yuddhāya samupāgamat
सर्वयत्नेन महता वधे तस्य धृतोऽभवत्॥30॥
Sarva-yatnena mahatā vadhe tasya dhṛto'bhavat
verse 31
अथ रविरवदन्निरीक्ष्य रामं मुदितमनाः परमं प्रहृष्यमाणः।
Atha ravi-ravadan-nirīkṣya Rāmaṃ mudita-manāḥ paramaṃ prahṛṣyamāṇaḥ
निशिचरपतिसंक्षयं विदित्वा सुरगणमध्यगतो वचस्त्वरेति॥31॥
Niśicara-pati-saṃkṣayaṃ viditvā sura-gaṇa-madhyagato vacas-tvareta
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.