Shani Stotram (Dasharatha-krita)

अस्य श्रीशनैश्चरस्तोत्रस्य दशरथ ऋषिः शनैश्चरो देवता त्रिष्टुप् छन्दः

Asya Śrī-Śanaiścara-stotrasya Daśaratha ṛṣiḥ Śanaiścaro devatā Triṣṭup chandaḥ

शनैश्चरप्रीत्यर्थे जपे विनियोगः

Śanaiścara-prītyarthe jape viniyogaḥ

कोणोऽन्तको रौद्रयमोऽथ बभ्रुः कृष्णः शनिः पिंगलमन्दसौरिः

Koṇo'ntako raudra-yamo'tha babhruḥ kṛṣṇaḥ śaniḥ piṅgala-manda-sauriḥ

नित्यं स्मृतो यो हरते च पीडां तस्मै नमः श्रीरविनन्दनाय

Nityaṃ smṛto yo harate ca pīḍāṃ tasmai namaḥ śrī-ravi-nandanāya

सुरासुराः किम्पुरुषोरगेन्द्रा गन्धर्वविद्याधरपन्नगाश्च

Surāsurāḥ kiṃpuruṣoraga-indrā gandharva-vidyādhara-pannagāś ca

पीड्यन्ति सर्वे विषमस्थितेन तस्मै नमः श्रीरविनन्दनाय

Pīḍyanti sarve viṣama-sthitena tasmai namaḥ śrī-ravi-nandanāya

नरा नरेन्द्राः पशवो मृगेन्द्रा वन्याश्च ये कीटपतंगभृंगाः

Narā narendrāḥ paśavo mṛgendrā vanyāś ca ye kīṭa-pataṅga-bhṛṅgāḥ

पीड्यन्ति सर्वे विषमस्थितेन तस्मै नमः श्रीरविनन्दनाय

Pīḍyanti sarve viṣama-sthitena tasmai namaḥ śrī-ravi-nandanāya

देशाश्च दुर्गाणि वनानि यत्र सेनानिवेशाः पुरपत्तनानि

Deśāś ca durgāṇi vanāni yatra senā-niveśāḥ pura-pattanāni

पीड्यन्ति सर्वे विषमस्थितेन तस्मै नमः श्रीरविनन्दनाय

Pīḍyanti sarve viṣama-sthitena tasmai namaḥ śrī-ravi-nandanāya

तिलैर्यवैर्माषगुडान्नदानैर्लोहेन नीलाम्बरदानतो वा

Tilair yavair māṣa-guḍānna-dānair lohena nīlāmbara-dānato vā

प्रीणाति मन्त्रैर्निजवासरे च तस्मै नमः श्रीरविनन्दनाय

Prīṇāti mantrair nija-vāsare ca tasmai namaḥ śrī-ravi-nandanāya

प्रयागकूले यमुनातटे च सरस्वतीपुण्यजले गुहायाम्

Prayāga-kūle yamunā-taṭe ca sarasvatī-puṇya-jale guhāyām

यो योगिनां ध्यानगतोऽपि सूक्ष्मस्तस्मै नमः श्रीरविनन्दनाय

Yo yogināṃ dhyāna-gato'pi sūkṣmas tasmai namaḥ śrī-ravi-nandanāya

अन्यप्रदेशात्स्वगृहं प्रविष्टस्तदीयवारे स नरः सुखी स्यात्

Anya-pradeśāt sva-gṛhaṃ praviṣṭas tadīya-vāre sa naraḥ sukhī syāt

गृहाद्गतो यो न पुनः प्रयाति तस्मै नमः श्रीरविनन्दनाय

Gṛhād gato yo na punaḥ prayāti tasmai namaḥ śrī-ravi-nandanāya

स्रष्टा स्वयंभूर्भुवनत्रयस्य त्राता हरीशो हरते पिनाकी

Sraṣṭā svayaṃbhūr bhuvana-trayasya trātā harīśo harate pināki

एकस्त्रिधा ऋग्यजुःसाममूर्तिस्तस्मै नमः श्रीरविनन्दनाय

Ekas tridhā ṛg-yajuḥ-sāma-mūrtiḥ tasmai namaḥ śrī-ravi-nandanāya

शन्यष्टकं यः प्रयतः प्रभाते नित्यं सुपुत्रैः पशुबान्धवैश्च

Śany-aṣṭakaṃ yaḥ prayataḥ prabhāte nityaṃ suputraiḥ paśu-bāndhavaiś ca

पठेत्तु सौख्यं भुवि भोगयुक्तः प्राप्नोति निर्वाणपदं तदन्ते

Paṭhet tu saukhyaṃ bhuvi bhoga-yuktaḥ prāpnoti nirvāṇa-padaṃ tadante

कोणस्थः पिंगलो बभ्रुः कृष्णो रौद्रोऽन्तको यमः

Koṇasthaḥ piṅgalo babhruḥ kṛṣṇo raudro'ntako yamaḥ

सौरिः शनैश्चरो मन्दः पिप्पलादेन संस्तुतः

Sauriḥ śanaiścaro mandaḥ pippalādena saṃstutaḥ

एतानि दश नामानि प्रातरुत्थाय यः पठेत्

Etāni daśa nāmāni prātar utthāya yaḥ paṭhet

शनैश्चरकृता पीडा न कदाचिद्भविष्यति

Śanaiścara-kṛtā pīḍā na kadācid bhaviṣyati