Saraswati Stotram (Ya Kundendu Tushara...)
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
या कुन्देन्दु-तुषारहार-धवलाया शुभ्र-वस्त्रावृता
Yā kundendu-tuṣārahāra-dhavalāyā śubhra-vastrāvṛtā
या वीणावरदण्डमण्डितकराया श्वेतपद्मासना
Yā vīṇāvaradaṇḍamaṇḍitakarāyā śvetapadmāsanā
या ब्रह्माच्युत-शङ्कर-प्रभृतिभिर्देवैःसदा पूजिता
Yā brahmācyuta-śaṅkara-prabhṛtibhirdevaiḥsadā pūjitā
सा मां पातु सरस्वती भगवतीनिःशेषजाड्यापहा
Sā māṃ pātu sarasvatī bhagavatīniḥśeṣajāḍyāpahā
verse 2
दोर्भिर्युक्ता चतुर्भिःस्फटिकमणिमयीमक्षमालां दधाना
Dorbhiryuktā caturbhiḥsphaṭikamaṇimayīmakṣamālāṃ dadhānā
हस्तेनैकेन पद्मं सितमपिच शुकं पुस्तकं चापरेण
Hastenaikena padmaṃ sitamapica śukaṃ pustakaṃ cāpareṇa
भासा कुन्देन्दु-शङ्खस्फटिकमणिनिभाभासमानाऽसमाना
Bhāsā kundendu-śaṅkhasphaṭikamaṇinibhābhāsamānā'samānā
सा मे वाग्देवतेयं निवसतुवदने सर्वदा सुप्रसन्ना
Sā me vāgdevateyaṃ nivasatuvadane sarvadā suprasannā
verse 3
आशासु राशी भवदंगवल्लि भासैवदासीकृत-दुग्धसिन्धुम्
Āśāsu rāśī bhavadaṃgavalli bhāsaivadāsīkṛta-dugdhasindhum
मन्दस्मितैर्निन्दित-शारदेन्दुंवन्देऽरविन्दासन-सुन्दरि त्वाम्
Mandasmitairnindita-śāradenduṃvande'ravindāsana-sundari tvām
verse 4
शारदा शारदाम्बोजवदना वदनाम्बुजे
Śāradā śāradāmbojavadanā vadanāmbuje
सर्वदा सर्वदास्माकं सन्निधिं सन्निधिं क्रियात्
Sarvadā sarvadāsmākaṃ sannidhiṃ sannidhiṃ kriyāt
verse 5
सरस्वतीं च तां नौमि वागधिष्ठातृ-देवताम्
Sarasvatīṃ ca tāṃ naumi vāgadhiṣṭhātṛ-devatām
देवत्वं प्रतिपद्यन्ते यदनुग्रहतो जनाः
Devatvaṃ pratipadyante yadanugrahato janāḥ
verse 6
पातु नो निकषग्रावा मतिहेम्नः सरस्वती
Pātu no nikaṣagrāvā matihemnaḥ sarasvatī
प्राज्ञेतरपरिच्छेदं वचसैव करोति या
Prājñetaraparicchedaṃ vacasaiva karoti yā
verse 7
शुद्धां ब्रह्मविचारसारपरमा-माद्यां जगद्व्यापिनीं
Śuddhāṃ brahmavicārasāraparamā-mādyāṃ jagadvyāpinīṃ
वीणापुस्तकधारिणीमभयदां जाड्यान्धकारापहाम्
Vīṇāpustakadhāriṇīmabhayadāṃ jāḍyāndhakārāpahām
हस्ते स्पाटिकमालिकां विदधतीं पद्मासने संस्थितां
Haste spāṭikamālikāṃ vidadhatīṃ padmāsane saṃsthitāṃ
वन्दे तां परमेश्वरीं भगवतीं बुद्धिप्रदां शारदाम्
Vande tāṃ parameśvarīṃ bhagavatīṃ buddhipradāṃ śāradām
verse 8
वीणाधरे विपुलमंगलदानशीले
Vīṇādhare vipulamaṃgaladānaśīle
भक्तार्तिनाशिनि विरिंचिहरीशवन्द्ये
Bhaktārtināśini viriṃciharīśavandye
कीर्तिप्रदेऽखिलमनोरथदे महार्हे
Kīrtiprade'khilamanorathade mahārhe
विद्याप्रदायिनि सरस्वति नौमि नित्यम्
Vidyāpradāyini sarasvati naumi nityam
verse 9
श्वेताब्जपूर्ण-विमलासन-संस्थिते हे
Śvetābjapūrṇa-vimalāsana-saṃsthite he
श्वेताम्बरावृतमनोहरमंजुगात्रे
Śvetāmbarāvṛtamanoharamaṃjugātre
उद्यन्मनोज्ञ-सितपंकजमंजुलास्ये
Udyanmanojña-sitapaṃkajamaṃjulāsye
विद्याप्रदायिनि सरस्वति नौमि नित्यम्
Vidyāpradāyini sarasvati naumi nityam
verse 10
मातस्त्वदीय-पदपंकज-भक्तियुक्ता
Mātastvadīya-padapaṃkaja-bhaktiyuktā
ये त्वां भजन्ति निखिलानपरान्विहाय
Ye tvāṃ bhajanti nikhilānaparānvihāya
ते निर्जरत्वमिह यान्ति कलेवरेण
Te nirjaratvamiha yānti kalevareṇa
भूवह्नि-वायु-गगनाम्बु-विनिर्मितेन
Bhūvahni-vāyu-gaganāmbu-vinirmitena
verse 11
मोहान्धकार-भरिते हृदये मदीये
Mohāndhakāra-bharite hṛdaye madīye
मातः सदैव कुरु वासमुदारभावे
Mātaḥ sadaiva kuru vāsamudārabhāve
स्वीयाखिलावयव-निर्मलसुप्रभाभिः
Svīyākhilāvayava-nirmalasuprabhābhiḥ
शीघ्रं विनाशय मनोगतमन्धकारम्
Śīghraṃ vināśaya manogatamandhakāram
verse 12
ब्रह्मा जगत् सृजति पालयतीन्दिरेशः
Brahmā jagat sṛjati pālayatīndireśaḥ
शम्भुर्विनाशयति देवि तव प्रभावैः
Śambhurvināśayati devi tava prabhāvaiḥ
न स्यात्कृपा यदि तव प्रकटप्रभावे
Na syātkṛpā yadi tava prakaṭaprabhāve
न स्युः कथंचिदपि ते निजकार्यदक्षाः
Na syuḥ kathaṃcidapi te nijakāryadakṣāḥ
verse 13
लक्ष्मिर्मेधा धरा पुष्टिर्गौरी तृष्टिः प्रभा धृतिः
Lakṣmirmedhā dharā puṣṭirgaurī tṛṣṭiḥ prabhā dhṛtiḥ
एताभिः पाहि तनुभिरष्टभिर्मां सरस्वती
Etābhiḥ pāhi tanubhiraṣṭabhirmāṃ sarasvatī
verse 14
सरसवत्यै नमो नित्यं भद्रकाल्यै नमो नमः
Sarasavatyai namo nityaṃ bhadrakālyai namo namaḥ
वेद-वेदान्त-वेदांग-विद्यास्थानेभ्य एव च
Veda-vedānta-vedāṃga-vidyāsthānebhya eva ca
verse 15
सरस्वति महाभागे विद्ये कमललोचने
Sarasvati mahābhāge vidye kamalalocane
विद्यारूपे विशालाक्षि विद्यां देहि नमोस्तु ते
Vidyārūpe viśālākṣi vidyāṃ dehi namostu te
verse 16
यदक्षर-पदभ्रष्टं मात्राहीनं च यद्भवेत्
Yadakṣara-padabhraṣṭaṃ mātrāhīnaṃ ca yadbhavet
तत्सर्वं क्षम्यतां देवि प्रसीद परमेश्वरि
Tatsarvaṃ kṣamyatāṃ devi prasīda parameśvari
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.