Guru Stotram (Gurur Brahma Gurur Vishnu)
Draft — pending review. This text has been sourced and translated per our editorial policy, but has not yet completed human review against sung versions. Wording may change.
verse 1
अखण्डमण्डलाकारं व्याप्तं येन चराचरम् ।
Akhaṇḍamaṇḍalākāraṃ vyāptaṃ yena carācaram |
तत्पदं दर्शितं येन तस्मै श्रीगुरवे नमः
Tatpadaṃ darśitaṃ yena tasmai śrīgurave namaḥ
verse 2
अज्ञानतिमिरान्धस्य ज्ञानाञ्जनशलाकया ।
Ajñānatimirāndhasya jñānāñjanaśalākayā |
चक्षुरुन्मीलितं येन तस्मै श्रीगुरवे नमः
Cakṣurunmīlitaṃ yena tasmai śrīgurave namaḥ
verse 3
गुरुर्ब्रह्मा गुरुर्विष्णुः गुरुर्देवो महेश्वरः ।
Gururbrahmā gururviṣṇuḥ gururdevo maheśvaraḥ |
गुरुरेव परं ब्रह्म तस्मै श्रीगुरवे नमः
Gurureva paraṃ brahma tasmai śrīgurave namaḥ
verse 4
स्थावरं जङ्गमं व्याप्तं यत्किञ्चित्सचराचरम् ।
Sthāvaraṃ jaṅgamaṃ vyāptaṃ yatkiñcitsacarācaram |
तत्पदं दर्शितं येन तस्मै श्रीगुरवे नमः
Tatpadaṃ darśitaṃ yena tasmai śrīgurave namaḥ
verse 5
चिन्मयं व्यापि यत्सर्वं त्रैलोक्यं सचराचरम् ।
Cinmayaṃ vyāpi yatsarvaṃ trailokyaṃ sacarācaram |
तत्पदं दर्शितं येन तस्मै श्रीगुरवे नमः
Tatpadaṃ darśitaṃ yena tasmai śrīgurave namaḥ
verse 6
सर्वश्रुतिशिरोरत्नविराजितपदाम्बुजः ।
Sarvaśrutiśiroratnavirājitapadāmbujaḥ |
वेदान्ताम्बुजसूर्यो यः तस्मै श्रीगुरवे नमः
Vedāntāmbujasūryo yaḥ tasmai śrīgurave namaḥ
verse 7
चैतन्यश्शाश्वतश्शान्तः व्योमातीतो निरञ्जनः ।
Caitanyaśśāśvataśśāntaḥ vyomātīto nirañjanaḥ |
बिन्दुनादकलातीतः तस्मै श्रीगुरवे नमः
Bindunādakalātītaḥ tasmai śrīgurave namaḥ
verse 8
ज्ञानशक्तिसमारूढः तत्त्वमालाविभूषितः ।
Jñānaśaktisamārūḍhaḥ tattvamālāvibhūṣitaḥ |
भुक्तिमुक्तिप्रदाता च तस्मै श्रीगुरवे नमः
Bhuktimuktipradātā ca tasmai śrīgurave namaḥ
verse 9
अनेकजन्मसम्प्राप्तकर्मबन्धविदाहिने ।
Anekajanmasamprāptakarmabandhavidāhine |
आत्मज्ञानप्रदानेन तस्मै श्रीगुरवे नमः
Ātmajñānapradānena tasmai śrīgurave namaḥ
verse 10
शोषणं भवसिन्धोश्च ज्ञापनं सारसम्पदः ।
Śoṣaṇaṃ bhavasindhośca jñāpanaṃ sārasampadaḥ |
गुरोः पादोदकं सम्यक् तस्मै श्रीगुरवे नमः
Guroḥ pādodakaṃ samyak tasmai śrīgurave namaḥ
verse 11
न गुरोरधिकं तत्त्वं न गुरोरधिकं तपः ।
Na guroradhikaṃ tattvaṃ na guroradhikaṃ tapaḥ |
तत्त्वज्ञानात् परं नास्ति तस्मै श्रीगुरवे नमः
Tattvajñānāt paraṃ nāsti tasmai śrīgurave namaḥ
verse 12
मन्नाथः श्रीजगन्नाथः मद्गुरुः श्रीजगद्गुरुः ।
Mannāthaḥ śrījagannāthaḥ madguruḥ śrījagadguruḥ |
मदात्मा सर्वभूतात्मा तस्मै श्रीगुरवे नमः
Madātmā sarvabhūtātmā tasmai śrīgurave namaḥ
verse 13
गुरुरादिरनादिश्च गुरुः परमदैवतम् ।
Gururādiranādiśca guruḥ paramadaivatam |
गुरोः परतरं नास्ति तस्मै श्रीगुरवे नमः
Guroḥ parataraṃ nāsti tasmai śrīgurave namaḥ
verse 14
त्वमेव माता च पिता त्वमेव । त्वमेव बन्धुश्च सखा त्वमेव ।
Tvameva mātā ca pitā tvameva | tvameva bandhuśca sakhā tvameva |
त्वमेव विद्या द्रविणं त्वमेव । त्वमेव सर्वं मम देवदेव
Tvameva vidyā draviṇaṃ tvameva | tvameva sarvaṃ mama devadeva
Sourced and cross-checked against two independent sources; our meanings are written in our own words, never copied. Personal, devotional use — including printing and sharing short excerpts with attribution — is free and encouraged.