Radha Chalisa

श्री राधे वृषभानुजा,भक्तनि प्राणाधार। वृन्दाविपिन विहारिणि,प्रणवौं बारंबार॥

Shri radhe vrrishabhanuja, bhaktani pranadhara, vrrindavipina viharini, pranavaum barambara.

जैसौ तैसौ रावरौ,कृष्ण प्रिया सुखधाम। चरण शरण निज दीजिये,सुन्दर सुखद ललाम॥

Jaisau taisau ravarau, krrishna priya sukhadhama, charana sharana nija dijiye, sundara sukhada lalama.

जय वृषभानु कुँवरि श्री श्यामा।कीरति नंदिनी शोभा धामा॥

Jaya vrrishabhanu ku.nvari shri Shyama, kirati namdini shobha dhama.

नित्य विहारिनि श्याम अधारा।अमित मोद मंगल दातारा॥

Nitya viharini Shyama adhara, amita moda mamgala datara.

रास विलासिनि रस विस्तारिनि।सहचरि सुभग यूथ मन भावनि॥

Rasa vilasini rasa vistarini, sahachari subhaga yutha mana Bhavani.

नित्य किशोरी राधा गोरी।श्याम प्राणधन अति जिय भोरी॥

Nitya kishori Radha gori, Shyama pranadhana ati jiya bhori.

करुणा सागर हिय उमंगिनी।ललितादिक सखियन की संगिनी॥

Karuna sagara hiya umamgini, lalitadika sakhiyana ki samgini.

दिन कर कन्या कूल विहारिनि।कृष्ण प्राण प्रिय हिय हुलसावनि॥

Dina kara kanya kula viharini, krrishna prana priya hiya hulasavani.

नित्य श्याम तुमरौ गुण गावैं।राधा राधा कहि हरषावैं॥

Nitya Shyama tumarau guna gavaim, Radha Radha kahi harashavaim.

मुरली में नित नाम उचारें।तुव कारण लीला वपु धारें॥

Murali mem nita nama ucharem, tuva karana lila vapu dharem.

प्रेम स्वरूपिणि अति सुकुमारी।श्याम प्रिया वृषभानु दुलारी॥

Prema svarupini ati sukumari, Shyama priya vrrishabhanu dulari.

नवल किशोरी अति छवि धामा।द्युति लघु लगै कोटि रति कामा॥

Navala kishori ati chavi dhama, dyuti laghu lagai koti rati kama.

गौरांगी शशि निंदक बदना।सुभग चपल अनियारे नयना॥

Gauramgi shashi nimdaka badana, subhaga chapala aniyare nayana.

जावक युत युग पंकज चरना।नूपुर धुनि प्रीतम मन हरना॥

Javaka yuta yuga pamkaja charana, nupura dhuni pritama mana harana.

संतत सहचरि सेवा करहीं।महा मोद मंगल मन भरहीं॥

Samtata sahachari seva karahim, maha moda mamgala mana bharahim.

रसिकन जीवन प्राण अधारा।राधा नाम सकल सुख सारा॥

Rasikana jivana prana adhara, Radha nama sakala sukha sara.

अगम अगोचर नित्य स्वरूपा।ध्यान धरत निशिदिन ब्रज भूपा॥

Agama agochara nitya svarupa, dhyana dharata nishidina braja bhupa.

उपजेउ जासु अंश गुण खानी।कोटिन उमा रमा ब्रह्मानी॥

Upajeu jasu amsha guna khani, kotina Uma rama brahmani.

नित्य धाम गोलोक विहारिनि।जन रक्षक दुख दोष नसावनि॥

Nitya dhama goloka viharini, jana rakshaka dukha dosha nasavani.

शिव अज मुनि सनकादिक नारद।पार न पाँइ शेष अरु शारद॥

Shiva aja muni sanakadika narada, para na pa.ni shesha aru sharada.

राधा शुभ गुण रूप उजारी।निरखि प्रसन्न होत बनबारी॥

Radha shubha guna rupa ujari, nirakhi prasanna hota banabari.

ब्रज जीवन धन राधा रानी।महिमा अमित न जाय बखानी॥

Braja jivana dhana Radha rani, mahima amita na jaya bakhani.

प्रीतम संग देइ गलबाँही।बिहरत नित वृन्दावन माँही॥

Pritama samga dei galaba.nhi, biharata nita vrrindavana ma.nhi.

राधा कृष्ण कृष्ण कहैं राधा।एक रूप दोउ प्रीति अगाधा॥

Radha krrishna krrishna kahaim Radha, eka rupa dou priti agadha.

श्री राधा मोहन मन हरनी।जन सुख दायक प्रफुलित बदनी॥

Shri Radha mohana mana harani, jana sukha dayaka praphulita badani.

कोटिक रूप धरें नंद नंदा।दर्श करन हित गोकुल चन्दा॥

Kotika rupa dharem namda namda, darsha karana hita gokula chanda.

रास केलि करि तुम्हें रिझावें।मान करौ जब अति दुःख पावें॥

Rasa keli kari tumhem rijhavem, mana karau jaba ati duhkha pavem.

प्रफुलित होत दर्श जब पावें।विविध भांति नित विनय सुनावें॥

Praphulita hota darsha jaba pavem, vividha bhamti nita vinaya sunavem.

वृन्दारण्य विहारिनि श्यामा।नाम लेत पूरण सब कामा॥

Vrrindaranya viharini Shyama, nama leta purana saba kama.

कोटिन यज्ञ तपस्या करहू।विविध नेम व्रत हिय में धरहू॥

Kotina yaj~na tapasya karahu, vividha nema vrata hiya mem dharahu.

तऊ न श्याम भक्तहिं अपनावें।जब लगि राधा नाम न गावें॥

Tau na Shyama bhaktahim apanavem, jaba lagi Radha nama na gavem.

वृन्दाविपिन स्वामिनी राधा।लीला वपु तब अमित अगाधा॥

Vrrindavipina svamini Radha, lila vapu taba amita agadha.

स्वयं कृष्ण पावैं नहिं पारा।और तुम्हें को जानन हारा॥

Svayam krrishna pavaim nahim para, aura tumhem ko janana hara.

श्री राधा रस प्रीति अभेदा।सादर गान करत नित वेदा॥

Shri Radha rasa priti abheda, sadara gana karata nita veda.

राधा त्यागि कृष्ण को भजिहैं।ते सपनेहु जग जलधि न तरि हैं॥

Radha tyagi krrishna ko bhajihaim, te sapanehu jaga jaladhi na tari haim.

कीरति कुँवरि लाड़िली राधा।सुमिरत सकल मिटहिं भवबाधा॥

Kirati ku.nvari la.dili Radha, sumirata sakala mitahim bhavabadha.

नाम अमंगल मूल नसावन।त्रिविध ताप हर हरि मनभावन॥

Nama amamgala mula nasavana, trividha tapa hara hari manabhavana.

राधा नाम लेइ जो कोई।सहजहि दामोदर बस होई॥

Radha nama lei jo koi, sahajahi damodara basa hoi.

राधा नाम परम सुखदाई।भजतहिं कृपा करहिं यदुराई॥

Radha nama parama sukhadai, bhajatahim krripa karahim Yadurai.

यशुमति नन्दन पीछे फिरिहैं।जो कोऊ राधा नाम सुमिरिहैं॥

Yashumati nandana piche phirihaim, jo kou Radha nama sumirihaim.

रास विहारिनि श्यामा प्यारी।करहु कृपा बरसाने वारी॥

Rasa viharini Shyama pyari, karahu krripa barasane vari.

वृन्दावन है शरण तिहारी।जय जय जय वृषभानु दुलारी॥

Vrrindavana hai sharana tihari, jaya jaya jaya vrrishabhanu dulari.

श्रीराधा सर्वेश्वरी,रसिकेश्वर घनश्याम। करहुँ निरंतर बास मैं,श्रीवृन्दावन धाम॥

Shriradha sarveshvari, rasikeshvara ghanashyama, karahu.n niramtara basa maim, shrivrrindavana dhama.